სიახლეები

ცოტა ხნის წინ საქართველოს ინოვაციების და ტექნოლოგიების სააგენტომ 150-ათასლარიანი თანადაფინანსების გრანტების პროგრამის გამარჯვებული 20 სტარტაპი გამოავლინა. მათ შორის ერთ-ერთი Forma healthy-ია, რომელიც ჯანსაღად ცხოვრების გამარტივებაზეა ორიენტირებული და მომხმარებელს ფიზიკური აქტივობის და სუფთა კვების თავგადასავლად ქცევას პირდება.  

2021 წლის Stack Overflow-ის ანგარიშის თანახმად, IT-ში გენდერულ ბალანსამდე ჯერ კიდევ შორია — კაცი-პროფესიონალი ინდუსტრიაში 90%-ზე მეტი, ქალი კი მხოლოდ 5%-ია. ნიშნავს თუ არა ეს იმას, რომ კაცები კოდირების უფრო მაღალ უნარებს ფლობენ?  — დროა, დავემშვიდობოთ სტერეოტიპებს —  ვყვებით, რეალურად ვინ იდგა თანამედროვე IT-ინდუსტრიის სათავეებთან.

ბოლო რამდენიმე დღის განმავლობაში სოციალურ ქსელებში აქტიურად ტრიალებდა შემდეგი სახის შეტყობინება: «ვიდეოში შენ ხარ?» რომელსაც თან ბმული ახლდა. მსგავსი შეტყობინებები დროდადრო ვირუსულად ედება ინტერნეტს და არაერთ ადამიანს უქმნის სოციალური ქსელის პროფილის, პირადი ინფორმაციის, ანგარიშების და ა.შ დაკარგვის საფრთხეს. რა არის სპამ შეტყობინებები? როგორ შეიძლება ამოვიცნოთ ისინი და როგორ დავიცვათ თავი მათგან?

დიდი ტექნოლოგიური კომპანიები თანამშრომლებს ამცირებენ. რეორგანიზაცია დაწყებულია ისეთ გიგანტ კომპანიებში, როგორებიცაა Amazon, Google, Meta, Twitter და სხვა. ტექნოლოგიების სფეროში, მთელი მსოფლიოს მასშტაბით, სამსახური 120 ათასმა ადამიანმა დაკარგა. საინტერესოა, რა გახდა მასობრივი გათავისუფლებების მიზეზი, რა დადებითი და უარყოფითი მოვლენები ახლავს თან და რა გავლენა შეიძლება ჰქონდეს  ამ პროცესს საქართველოზე.

ადამიანები გამოქვაბულების დროიდან ხატავენ. მსოფლიოში უძველესი ნახატი სულ მცირე, 45 500 წლისაა. ადამიანები გადმოსცემდნენ ემოციებს, აღწერდნენ საგმირო ამბებს და ჯერ კიდევ მაშინ, როდესაც დამწერლობა მსოფლიოსთვის უცნობი იყო, ქმნიდნენ ისტორიულ მატიანეს მომავალი თაობებისთვის. მხატვრობა თანდათან განვითარდა. გაჩნდა ფურცელი, ტილო, საღებავი, ფერადი ფანქარი, მარკერი. თანამედროვე სამყაროში გამოჩნდა სპეციალური მოწყობილობები და სახატავი პროგრამები, რომლითაც შესაძლებელია ნამუშევრის ციფრულად შესრულება. დღეს კი ხელოვნური ინტელექტის დახმარებით ფუნჯები, ფერები და ფორმები სრულებითაც აღარ არის საჭირო. საკმარისია მხოლოდ სიტყვები და პროგრამა DALL·E 2, რომელიც გამოსახულებას თქვენი სურვილისამებრ შექმნის.

პროგრამირება ფართო სფეროა და ბევრი მიმართულება აქვს. როცა მისით ინტერესდები, მაგრამ სფეროსთან შეხება არასდროს გქონია, შეიძლება ზღვა ინფორმაციის ნაკადში დაიკარგო და საწყისი წერტილის პოვნა გაგიჭირდეს. ჩვენ მოვამზადეთ პატარა გზამკვლევი — საიდან დავიწყოთ პროგრამირების სწავლა და როგორ მივცეთ მას ლოგიკური განვითარება. 

dev media-ს პროექტის, Bubble-ის ჟურნალისტი ელაპარაკა დეველოპერს, რომელმაც ჯერ კიდევ უნივერსიტეტში სწავლის დროს, ისტორიაში პირველად შექმნა ჩატ-ბოტი ქართულად. საბოლოოდ, ჩატ-ბოტი საქართველოში ერთ-ერთ ყველაზე წარმატებულ პროდუქტად იქცა. 

კომფორტული სამუშაო გარემო ბევრს ნიშნავს. ისეთ სივრცეში, სადაც თავს კარგად გრძნობ, ბევრად უფრო პროდუქტიული და მიზანზე ორიენტირებული ხდები. ადამიანები დილიდან საღამომდე მუშაობენ, შესაბამისად, ოფისში დიდ დროს ატარებენ. საერთო სამუშაო სივრცეები იდეალური ადგილია ახალი კავშირების დასამყარებლად და განსხვავებული გამოცდილებების მისაღებად. აქ შეხვდებით დამწყებებსა და მრავალწლიანი გამოცდილების მქონე ადამიანებს. შეძლებთ, თქვენი იდეები აქციოთ რეალობად და ნახოთ, როგორ ვითარდებიან სხვა კომპანიები თქვენი სამუშაო მაგიდის გვერდით.