ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!
სიახლეების განყოფილებამსოფლიო
5 დეკემბერი 2022, 14:58
2022-12-05
FBI აცხადებს, რომ TikTok შემაშფოთებელი საფრთხეა აშშ-ის ეროვნული უსაფრთხოებისთვის
FBI-ის დირექტორი, კრის ურეი აცხადებს, რომ TikTok შემაშფოთებელი საფრთხეა აშშ-ის ეროვნული უსაფრთხოებისთვის. მისი თქმით, რომ აპლიკაციას მთლიანად ჩინეთის მთავრობა აკონტროლებს, რომელიც ამერიკული ღირებულებებისგან შორსაა. მისივე თქმით, ჩინეთს პლატფორმის გამოყენება მომხმარებელთა პირადი ინფორმაციის შესაგროვებლადაც შეუძლია.
კრის ურეი აცხადებს, რომ ჩინურ მხარეს TikTok-ის რეკომენდაციების ალგორითმის კონტროლი შეუძლია, რაც მათ მანიპულირების საშუალებას აძლევს.
«ეს ყველაფერი მთავრობის ხელშია, რომელიც ჩვენს ღირებულებებს არ იზიარებს და ემსახურება მისიას, რომელიც ამერიკის ინტერესებს ეწინააღმდეგება». — განაცხადა ურეიმ.
ამერიკელების მხრიდან TikTok-ის შესახებ მსგავსი შეშფოთება პირველი არ არის.
ტრამპის ადმინისტრაცია 2020 წელს აშშ-ში აპლიკაციის აკრძალვის იდეით გამოვიდა. ასევე, ცდილობდა, TikTok-ის მფლობელი ტექნოლოგიების ჩინურ კომპანია ByteDance ეიძულებინა, პლატფორმა ამერიკული კომპანიისთვის მიეყიდა.
კრის ურეის თქმით, ახლა აშშ და ByteDance შესაძლო შეთანხმებაზე მოლაპარაკებებს აწარმოებენ, რაც ამერიკის უსაფრთხოების პრობლემებს გადაჭრის.
«მიუხედავად იმისა, რომ ამ კონფიდენციალური დისკუსიების სპეციფიკაზე კომენტარის გაკეთება არ შემიძლია, გეტყვით, რომ დარწმუნებულები ვართ — სწორი გზით მივდივართ. მნიშვნელოვანი ნაბიჯები უკვე გადავდგით, რათა აშშ-ს გონივრული შეშფოთება სრულად დავაკმაყოფილოთ». — განაცხადა TikTok-ის სპიკერმა, ბრუკ ობერვეტერმა.
როგორ დავიცვათ ციფრული უსაფრთხოება საპროტესტო აქციაზე — რჩევები
«ქართული ოცნება» პარლამენტში რუსულ კანონს აბრუნებს. უკვე დაიწყო საპარლამენტო განხილვები, პარალელურად კი საპროტესტო აქციები მიმდინარეობს.
ჩვენ მოკლედ გეტყვით, როგორ დაიცვათ ციფრული უსაფრთხოება, როცა ადგილზე ათასობით ადამიანია, ამასთან, შესაბამისი სამსახურები ყველა მხრიდან გითვალთვალებენ.
სებ: თაღლითები ყალბი სარეკლამო შეტყობინებებით ფიშინგს მიმართავენ, გამოიჩინეთ სიფრთხილე
საქართველოს ეროვნული ბანკი აცხადებს, რომ ბოლო პერიოდში გამოვლინდა შემთხვევები, როცა თაღლითები სხვადასხვა მეთოდით: ყალბი რეკლამებით, თანხის დაბანდების სანაცვლოდ მაღალი საშემოსავლო უკუგების დაპირებით და სხვა მეთოდით — მომხმარებლებს უბიძგებენ, ელექტრონულ მოწყობილობებში, მათ შორის სმარტფონებში გადმოწერონ და დააინსტალირონ აპლიკაცია. ეს აპლიკაცია თაღლითებს ამ მოწყობილობისა და სხვადასხვა აპლიკაციიის, მათ შორის, მობილური ბანკის და SMS შეტყობინებების დისტანციურად კონტროლისა და მასზე ზეგავლენის საშუალებას აძლევს.