TBC-იმ Binance-სთან პარტნიორობის მემორანდუმი გააფორმა

TBC-იმ თანამშრომლობა დაიწყო უდიდეს კრიპტო ბირჟასთან, Binance-სთან — ბლოკჩეინ ეკოსისტემისა და კრიპტოვალუტის ინფრასტრუქტურის მსოფლიოს წამყვან პროვაიდერთან.

კომენტარის დატოვება
TBC-იმ Binance-სთან პარტნიორობის მემორანდუმი გააფორმა

TBC-იმ თანამშრომლობა დაიწყო უდიდეს კრიპტო ბირჟასთან, Binance-სთან — ბლოკჩეინ ეკოსისტემისა და კრიპტოვალუტის ინფრასტრუქტურის მსოფლიოს წამყვან პროვაიდერთან.

Binance-ის დამფუძნებელი და აღმასრულებელი დირექტორი, ჩანგპენგ ჟაო საქართველოში ჩამოვიდა და 30 ნოემბერს პრემიერმინისტრს ირაკლი ღარიბაშვილს, შემდეგ კი თიბისის გენერალურ დირექტორს, ვახტანგ ბუცხრიკიძეს შეხვდა. 

ჟაომ და ბუცხრიკიძემ თანამშრომლობის ის სფეროები განიხილეს, რომლებსაც ეს ურთიერთგაგების მემორანდუმი ითვალისწინებს.

ორი დიდი ბრენდის თანამშრომლობა ხელს შეუწყობს ვირტუალური აქტივების ბაზრისა და ციფრული ეკოსისტემის განვითარებას როგორც საქართველოში, ისე მთლიანად კავკასიის რეგიონში. 

მემორანდუმის მიხედვით, Binance და TBC დაინტერესებულები არიან საქართველოში ვირტუალური აქტივების ბაზრების განვითარებითა და გრძელვადიანი თანამშრომლობით.

თიბისი უზრუნველყოფს კრიპტოვალუტის კონვერტირებასა და ადგილობრივ ვალუტაზე გადაცვლას, რათა ადგილობრივმა მომხმარებლებმა შეძლონ Binance საქართველოს პლატფორმაზე კრიპტოვალუტის შეძენა და გაყიდვა ლარის გამოყენებით. 

გარდა ამისა, თიბისი და ბაინანსი განიხილავენ «ბაინანს ბარათის» გამოშვებას. ბაინანსი კი, თავის მხრივ განიხილავს თიბისი ბანკისა და მისი შვილობილი კომპანიებისთვის კრიპტოსაბროკერო API-ს შეთავაზებას, რათა თიბისის მომხმარებლებმა საინვესტიციო პლატფორმებზე კრიპტოვალუტით წვდომა შეძლონ.

ბაინანსი კრიპტოინდუსტრიის ლიდერია. კომპანია იცავს გლობალურ სანქციებს, ფულის გათეთრების წინააღმდეგ ბრძოლის (AML) პრინციპებს და პროაქტიულად იყენებს საეჭვო ანგარიშებისა და თაღლითური ოპერაციების ამოცნობის მექანიზმებს.

დაცვის ამ მექანიზმებისა და რეგულაციებისადმი მათი დამოკიდებულების გათვალისწინებით, ბაინანსი თიბისისთვის სანდო და სტაბილური პარტნიორია, რომელიც ქართველ მომხმარებელს მაქსიმალურად უსაფრთხო და დაცულ გარემოს შეუქმნის კრიპტოსავალუტო ოპერაციების განსახორციელებლად.

«დღეს დავაანონსეთ თიბისისა და ბაინანსის პარტნიორობა, რაც ჩვენი მომხმარებლების ცხოვრების გამარტივებას ემსახურება. 2023 წლიდან, ნებისმიერ მსურველს შეეძლება, ბაინანსის პლატფორმაზე შეიძინოს და გაყიდოს კრიპტოვალუტა თიბისი ბანკის გადახდის არხების გამოყენებით… ჩვენი მიზანია, ხელი შევუწყოთ მომხმარებელთა შორის ფინანსური წიგნიერებისა და ცნობიერების ამაღლებას და ამ გზით მათთვის დამატებითი ღირებულება შევქმნათ.» — განაცხადა ვახტანგ ბუცხრიკიძემ

ჩანგპენგ ჟაომ ასევე დააანონსა საქართველოში ოფისის გახსნა და აღნიშნა, რომ საქართველო უნიკალური ქვეყანაა, რადგან ევროპისა და აზიის გასაყარზე მდებარეობს, რაც ნეიტრალურია და ბიზნესისთვის ხელსაყრელია.

ჩანგპენგ ჟაო: საქართველოში ოფისი აუცილებლად გვექნება
ჩანგპენგ ჟაო: საქართველოში ოფისი აუცილებლად გვექნება
თემის მიხედვით
ჩანგპენგ ჟაო: საქართველოში ოფისი აუცილებლად გვექნება
Binance-ის დამფუძნებელი ჩანგპენგ ჟაო საქართველოშია
Binance-ის დამფუძნებელი ჩანგპენგ ჟაო საქართველოშია
თემის მიხედვით
Binance-ის დამფუძნებელი ჩანგპენგ ჟაო საქართველოშია


ასევე წაიკითხეთ
ეკონომიკის მინისტრმა Amazon-ს საქართველოში რეგიონული მონაცემთა ცენტრის მოწყობა შესთავაზა
ეკონომიკის მინისტრმა Amazon-ს საქართველოში რეგიონული მონაცემთა ცენტრის მოწყობა შესთავაზა
ეკონომიკის მინისტრმა Amazon-ს საქართველოში რეგიონული მონაცემთა ცენტრის მოწყობა შესთავაზა
FTX - დაშლილი კრიპტო გიგანტი 5 მილიარდ დოლარზე მეტის აქტივებს აღადგენს
FTX - დაშლილი კრიპტო გიგანტი 5 მილიარდ დოლარზე მეტის აქტივებს აღადგენს
FTX - დაშლილი კრიპტო გიგანტი 5 მილიარდ დოლარზე მეტის აქტივებს აღადგენს
StepN საქართველოში - გამდიდრების სურვილიდან სესხებამდე
StepN საქართველოში - გამდიდრების სურვილიდან სესხებამდე
StepN საქართველოში - გამდიდრების სურვილიდან სესხებამდე
2022 წლის მარტში დიწყო პროცესი, რომელიც მომხმარებლების უმრავლესობაზე უარყოფითად აისახა — საქართველომდე მოაღწია StepN ბოტასმა — ფულის გამომუშავების, ერთი შეხედვით, უდარდელმა საშუალებამ. ქვეყნის მოსახლეობის უმრავლესობამ ან შეიძინა ბოტასი ან ამის უდიდესი სურვილი ჰქონდა. გამდიდრების სურვილი იმდენად ძლიერი გამოდგა, რომ არც სესხის აღებას ერიდებოდნენ. «დღემდე ვიხდი სესხს ამ შეცდომის გამო, ნამდვილი ბოტასი მეყიდა, გავცვეთდი მაინც» — ნახევრად ხუმრობით ამბობს ჩვენი კითხვის პასუხად მომხმარებელი, რომელმაც კონფიდენციალურად დარჩენა არჩია. 
ქართველი იუთუბერები, რომლებიც ტექნოლოგიების სფეროს გაგაცნობენ
ქართველი იუთუბერები, რომლებიც ტექნოლოგიების სფეროს გაგაცნობენ
ქართველი იუთუბერები, რომლებიც ტექნოლოგიების სფეროს გაგაცნობენ
YouTube-ის პლატფორმა ერთ-ერთი საუკეთესო საშუალებაა ცოდნის მისაღებად. შესაძლოა, ქართულ ენაზე ბევრი არხი ვერ იპოვოთ, თუმცა არის რამდენიმე, რომელიც ტექნოლოგიების სფეროში ცოდნის გაღრმავებაში დაგეხმარებათ.
განხილვა
კომენტარები ჯერ არაა.