დიდი ტექნოლოგიური კომპანიები თანამშრომლებს ამცირებენ. რეორგანიზაცია დაწყებულია ისეთ გიგანტ კომპანიებში, როგორებიცაა Amazon, Google, Meta, Twitter და სხვა. ტექნოლოგიების სფეროში, მთელი მსოფლიოს მასშტაბით, სამსახური 120 ათასმა ადამიანმა დაკარგა.
საინტერესოა, რა გახდა მასობრივი გათავისუფლებების მიზეზი, რა დადებითი და უარყოფითი მოვლენები ახლავს თან და რა გავლენა შეიძლება ჰქონდეს ამ პროცესს საქართველოზე.
დიდი ტექნოლოგიური კომპანიები თანამშრომლებს ამცირებენ. რეორგანიზაცია დაწყებულია ისეთ გიგანტ კომპანიებში, როგორებიცაა Amazon, Google, Meta, Twitter და სხვა. ტექნოლოგიების სფეროში, მთელი მსოფლიოს მასშტაბით, სამსახური 120 ათასმა ადამიანმა დაკარგა.
საინტერესოა, რა გახდა მასობრივი გათავისუფლებების მიზეზი, რა დადებითი და უარყოფითი მოვლენები ახლავს თან და რა გავლენა შეიძლება ჰქონდეს ამ პროცესს საქართველოზე.
— ფოტოზე: თორნიკე თოხაძე
კომპანიები თანამშრომლებს რამდენიმე მიზეზით ათავისუფლებენ. მათგან ყველაზე პოპულარულია ის, რომ პანდემიის და კარანტინის დროს ტექნოლოგიურ სერვისებზე მოთხოვნა გაიზარდა და კომპანიებს ეგონათ, სულ ასე გაგრძელდებოდა. მაგალითად, ამ მიზეზით, Meta-მ 2022 წლის პირველ 9 თვეში 15 ათასი ადამიანი დაიქირავა. თუმცა, ახლა კომპანიის წარმომადგენლები ამბობენ, რომ რაღაცები არასწორად დათვალეს და სწორედ ამიტომ უწევთ მასობრივი რეორგანიზაციის დაწყება.
პანდემიის პარალელურად რუსეთის უკრაინაში შეჭრა და სრულმასშტაბიანი ომის დაწყებაც, რა თქმა უნდა, იწვევს კრიზისს მთელს მსოფლიოში. გამონაკლისი არც IT სფერო და გიგანტი კომპანიები აღმოჩნდნენ, რომლებსაც გაყიდვების შენელებული ტემპისთვის რამე უნდა დაეპირისპირებინათ.
დიდი ტექნოლოგიური კომპანიებიდან თანამშრომელთა გათავისუფლების ზემოჩამოთვლილ მიზეზებს ყველგან შეხვდებით. თავად კომპანიები და შემდგომ უკვე მედია რეორგანიზაციის დაწყებას, ძირითადად, ამ ორ, უარყოფითი გავლენის მქონე, ფაქტორს მიაწერენ ხოლმე. მაგრამ ეს ყველაფერი არ არის.
IT ექსპერტი თორნიკე თოხაძე dev.ge -სთან ამბობს, რომ გათავისუფლებებზე საუბარი დადებით ჭრილშიც შეგვიძლია. მისი შეფასებით, რადიკალურად შეიცვალა კომპანიების საოპერაციო სტრატეგიები — მნიშვნელოვანია «ახალი სისხლი» და თაობათა ცვლა.
«გიგანტი კომპანიები ახალი ტექნოლოგიებიდან და ახალი გამოწვევებიდან გამომდინარე ანაცვლებენ თანამშრომლებს. წამოვიდა ახალი თაობა და იმ მოძველებული, ტრადიცული ტექნოლოგიების მცოდნე ადამიანები ან სულ გადიან ორგანიზაციიდან ან ნაცვლდებიან ახალი და საინტერესო ტალანტებით, რომელში ინვესტიციაც IT კომპანიებს უფრო უღირთ». — ამბობს თორნიკე თოხაძე.
IT სფერო, ბოლო წლებში, ყველაზე პოპულარული და საიმედო «ადგილია» ადამიანებისთვის, სადაც შეუძლიათ სწავლაზე დახარჯული დრო ფულად აქციონ.
საინტერესოა, შემცირებების ამხელა ტალღა რა კუთხით ახდენს გავლენას IT სფეროში დამწყები ადამიანის ენთუზიაზმზე და რამდენად გამოიწვევს ეს მომავალში IT სფეროსადმი ნაკლებ დაინტერესებას.
ერთი შეხედვით, დამწყებისთვის მოტივაციის შენარჩუნება რთული უნდა იყოს, როცა ხედავს, რომ ისედაც უდიდესი კონკურენციის პირობებში, თავისი საოცნებო ადგილიდან ადამიანებს ათავისუფლებენ, მაგრამ თორნიკე თოხაძე ამ მოსაზრებას არ ეთანხმება და ფიქრობს, რომ ეს დამწყებისთვის, პირიქით, აუცილებლად გამოსაყენებელი შანსია.
«დამწყებებისთვის ეს არის შესაძლებლობა და ამას უნდა ჰქონდეს მათზე დადებითი გავლენა. ისინი შეძლებენ ამ კონკურენციაში თავიდანვე სასტარტო პოზიცია დაიკავონ, დაახლოებით ისე, როგორც ეს მოხდებოდა თანაბარ პირობებში. ახალი ტექნოლოგიების ათვისება ყველასთვის ახალია. ეს არის შესაძლებლობა დამწყებისთვის, ყველაზე სწრაფად დაეუფლოს იმას, რაც ყველასთვის ისედაც ახალია» — ამბობს თორნიკე თოხაძე.
ჩამოყალიბებული პროფესიონალების შემთხვევაში ვითარება განსხვავებულია. მათ «გადარჩენისთვის ბრძოლაში» მოწინავე ადგილის დასაკავებლად ახალი ტექნოლოგიების შესწავლა მოუწევთ. იმაზე ფიქრიც არ არის მარტივი, რომ მუშაობისას მასობრივ შემცირებაში ნებისმიერ დროს შეიძლება მოყვე.
«მათ იმ უნარების შეცვლა, დახვეწა, შესწავლა მოუწევთ, რასაც ითხოვენ თანამედროვე ტექნოლოგიები და კომპანიები». — ამბობს თორნიკე თოხაძე.
რა თქმა უნდა, გათავისუფლება ყველაფრის დასრულებას არ ნიშნავს. გათავისუფლებულ პროფესიონალს რამდენიმე ალტერნატივა აქვს. მაღალი დონისა და დიდი გამოცდილების მქონე სპეციალისტები, რომლებიც შემოსავლის გარეშე დარჩნენ, თავს უფრო ნაკლები გავლენის მქონე კომპანიებს შეაფარებენ, რაც პატარა კომპანიების განვითარების პროცესს დააჩქარებს.
თორნიკე თოხაძე მიიჩნევს, რომ გათავისუფლებული სპეციალისტების ცოდნისა და გამოცლდილების სწორად გამოყენების შემთხვევაში პატარა კომპანიებს განვითარების დიდი შანსი აქვთ.
«ეს ადამიანები, ძირითადად, ტექნოლოგიებში, ბიზნესში გამოცდილი ხალხია. მათ აქვთ ცოდნა, რომლის საფუძველზეც შესაძლებელია წარმატებული სტარტაპის ან ნებისმიერი სახის ბიზნესის შექმნა არამხოლოდ IT სფეროში». — ამბობს სპეციალისტი.
ქართული IT სფერო ეტაპობრივად ვითარდება და ცდილობს, საერთაშორისო ბაზარზე არსებულ ტენდენციებს ფეხდაფეხ მიჰყვეს.
ჩვენ თორნიკე თოხაძეს ვკითხეთ, რა გავლენას ახდენს გლობალური გათავისუფლებები ქართულ IT გარემოზე.
მისი აზრით, დიდ კომპანიებში მიმდინარე მოვლენები ქართულ ბაზარზე ჯერ არ აისახება.
ცვლილება ყველა სფეროში ხდება და არც IT არის გამონაკლისი. თოხაძე მიიჩნევს, რომ ბოლო ათწლეულში მომხდარი ცვლილებები ძალიან საინტერესო და უპრეცედენტოა. მისი თქმით, დაწყებულია მნიშვნელოვანი პროცესი, რომელიც კიდევ დიდი ხანი გაგრძელდება.
«წინა 10 წლისგან განსხვავებით, ტრადიციული ტექნოლოგიური მიმართულებები მთლიანად ჩანაცვლდება და ელექტრონული კომერცია, ხელოვნური ინტელექტი წინ წამოიწევს. მთლიანად იცვლება ბაზარი.
თუ დავაკვირდებით, მაგალითად, მზარდი ტექნოლოგიების მოცულობას მთლიან ბაზარზე, აღმოვაჩენთ, რომ ის ტრილიონს უახლოვდება და სწრაფად იზრდება. თუ ჯამურად ბაზარი იზრდება, მაგალითად, 8%-ით, 16-18%-ით იზრდება მზარდი ტექნოლოგიების მიმართულებით. ეს ყველაფერი სამომავლოდ ძირეულად შეცვლის ტექნოლოგიების ბაზარს». — ამბობს თორნიკე თოხაძე.
