უმსხვილესმა კრიპტო კომპანია BlockFi-მ სასამართლოს გაკოტრების შესახებ მიმართა
კრიპტო კომპანიამ BlockFi სასამართლოში გაკოტრების შესახებ განცხადება შეიტანა — FTX-ის კოლაფსს მთელს კრიპტო ინდუსტრიაზე უდიდესი გავლენა აქვს.
კრიპტო კომპანიამ BlockFi სასამართლოში გაკოტრების შესახებ განცხადება შეიტანა — FTX-ის კოლაფსს მთელს კრიპტო ინდუსტრიაზე უდიდესი გავლენა აქვს.
კრიპტოვალუტის ბირჟა FTX 2019 წელს დაარსდა და პიკს 2021 წლის ივლისში მიაღწია — ჰყავდა მილიონზე მეტი მომხმარებელი და მსოფლიოში კრიპტოვალუტის სიდიდით მესამე ბირჟა იყო. ის მიმდინარე წლის ნოემბერში ჩამოიშალა — ლიკვიდობის მნიშვნელოვნად შემცირება თანხის განაღდების ტალღამ განაპირობა — გავრცელდა ინფორმაცია, რომ FTX-ს ფინანსური პრობლემები ჰქონდა, შედეგად ბირჟიდან მხოლოდ 3 დღეში $6 მილიარდი გაიტანეს. ახლა FTX-ის ფასი $0-ია.
BlockFi-მ პლატფორმაზე აქტივების უდიდესი ნაწილი უკვე შეაჩერა, მიზეზად კი სწორედ FTX-ის «მნიშვნელოვანი ზემოქმედება» დაასახელა.
კომპანია ახლა სასამართლოს სთხოვს დაცვას რესტრუქტურიზაციისთვის, ვალების დაფარვასა და ინვესტორებისთვის ფულის დაბრუნებისთვის.
BlockFi-მ ე.წ. «სამაშველო» გარიგება FTX-ისგან 2022 წლის დასაწყისში მიიიღო, რადგან კრიპტოვალუტების ფასი საგრძნობლად დაეცა.
თუმცა, FTX თავადაც გაკოტრდა.
ამ პლატფორმის კოლაფსმა საგრძნობლად შეარყია რწმენა და ნდობა კრიპტო ინდუსტრიის მიმართ და მარეგულირებელი ორგანოების დაკვირვების ქვეშ მოექცა.
სასამართლო სხდომაზე BlockFi-ის წარმომადგენელმა განაცხადა, რომ 100 000-ზე მეტი კრედიტორის ვალი აქვს. ასევე აღნიშნა, რომ FTX მისი მეორე უმსხვილესი კრედიტორია, რომლის ვალიც 275 მილიონი აშშ დოლარს შეადგენს. BlockFi-მ FTX-ის დაშლას «შოკისმომგვრელი» უწოდა.
გარდა ამისა, BlockFi-ის 30 მილიონი დოლარი აშშ-ის ფინანსური მარეგულირებელისთვის აქვს გადასახდელი — მარეგულირებელმა 2022 წლის დასაწყისში დაადგინა, რომ კომპანიამ სათანადოდ ვერ დაარეგისტრირა თავისი პროდუქცია და შეცდომაში შეიყვანა საზოგადოება. აღმოჩნდა, რომ საკრედიტო საქმიანობის რისკის ხარისხზე ინფორმაცია მომხმარებლებს არ ჰქონიათ.
BlockFi-მ თქვა, რომ გაკოტრების განაცხადი კომპანიას საშუალებას მისცემს, შეიმუშაოს რეორგანიზაციის გეგმა, რომელიც მაქსიმალურად გაზრდის ფასს დაინტერესებული მხარეებისთვის, მათ შორის კლიენტებისთვის.
კომპანიამ ასევე განაცხადა, რომ აქვს თითქმის 257 მილიონი დოლარი ნაღდი ფულის სახით.
«დაარსების დღიდან BlockFi მუშაობდა კრიპტოვალუტის ინდუსტრიის განვითარებასა და სექტორის წინსვლაზე. BlockFi მოუთმენლად ელის გამჭვირვალე პროცესს, რომელიც გამოიღებს საუკეთესო შედეგს ყველა კლიენტისთვის და სხვა დაინტერესებული მხარისთვის». — თქვა კომპანიის ფინანსური მრჩეველმა მარკ რენზიმ.
BlockFi არ არის ერთადერთი კომპანია, რომელიც კრიპტოვალუტის ფასების დაცემის შემდეგ დაზარალდა — ყველაზე ცნობილი ციფრული ვალუტის, ბიტკოინის ფასი ერთი წლის წინ $64,000-დან დაახლოებით $20,000-ზე ჩამოვიდა.
BlockFi-ის გარდა, გაკოტრება კრიპტოვალუტის კიდევ ორმა კომპანიამ — Celsius Network-მა Voyager Digital-მა დააანონსა.
Binance-მ FTX-ის დახმარებაზე უარი თქვა, გარიგება არ შედგება
Binance-მ FTX-ის დახმარებაზე უარი თქვა, გარიგება არ შედგება
