პაველ დუროვი: Telegram დეცენტრალიზებულ კრიპტო საფულეებს და ბირჟას შექმნის

მისი თქმით, მიზანი ბლოკჩეინ სფეროს დეცენტრალიზაციაა. 

«ბლოკჩეინის ინდუსტრია აშენდა დეცენტრალიზაციის იდეაზე, მაგრამ, საბოლოოდ კონცენტრირებული იყო რამდენიმე ადამიანის ხელში, რომლებმაც დაიწყეს თავიანთი ძალაუფლების ბოროტად გამოყენება. შედეგად, ბევრმა დაკარგა ფული, როდესაც ერთ-ერთი უმსხვილესი ბირჟა FTX გაკოტრდა». — განაცხადა დუროვმა. 

მისი თქმით, ბლოკჩეინის პროექტების საწყის იდეაზე დაბრუნება პრობლემებს მოაგვარებს —  დეველოპერებმა უნდა შექმნან და მომხმარებლებს მიაწოდონ სწრაფი და ადვილად გამოსაყენებელი დეცენტრალიზებული აპლიკაციები.

პაველ დუროვმა დასძინა, რომ  TON blockchain-ზე დაფუძნებული სავაჭრო პლატფორმის — Fragment-ის შექმნას მხოლოდ 5 ადამიანი და 5 კვირა დასჭირდა.

პლატფორმაზე უკვე მიმდინარეობს მეტსახელების გაყიდვა Telegram-ისთვის და ერთ თვეზე ნაკლებ დროში ბრუნვამ 50 მილიონ დოლარს მიაღწია. დუროვის თქმით, Fragment-ზე ახალი პროდუქტები უახლოეს რამდენიმე დღეში გამოჩნდება. 

«ასე ჩვენ შევძლებთ იმ შეცდომების გამოსწორებას, რომლებიც გადაჭარბებულმა ცენტრალიზაციამ გამოიწვია და რის გამოც კრიპტოვალუტის ათასობით მომხმარებელი დაზარალდა». — თქვა Telegram-ის დამფუძნებელმა.

კრიპტობირჟა FTX 2022 წლის ნოემბერში ჩამოშალა. ლიკვიდობის მნიშვნელოვნად შემცირება თანხის განაღდების ტალღამ განაპირობა — ბირჟიდან მხოლოდ 3 დღეში $6 მილიარდი გაიტანეს.  ახლა FTX-ის ფასი $0-ია. მომხმარებლების ეს რეაქცია მანამდე გავრცელებულმა ინფორმაციამ გამოიწვია — ცნობილი გახდა, რომ კომპანია იყენებდა კლიენტების სახსრებს უკანონო ოპერაციებში და არაკეთილსინდისერად აწარმოებდა ბუღალტრულ ჩანაწერებს. 

FTX-ის გაკოტრებას კრიპტოკომპანიების გაკოტრების ჯაჭვი მოჰყვა. 

Binance-მ FTX-ის დახმარებაზე უარი თქვა, გარიგება არ შედგება

თემის მიხედვით

Binance-მ FTX-ის დახმარებაზე უარი თქვა, გარიგება არ შედგება

უმსხვილესმა კრიპტო კომპანია BlockFi-მ სასამართლოს გაკოტრების შესახებ მიმართა

თემის მიხედვით

უმსხვილესმა კრიპტო კომპანია BlockFi-მ სასამართლოს გაკოტრების შესახებ მიმართა