Touch-ის სტარტაპ კონკურსის გამარჯვებული Calen AI გახდა

Calen AI ხელოვნურ ინტელექტზე დაფუძნებული ასისტენტია, რომელიც მიწერილი სიტყვებით აღიქვამს სათქმელს, გპასუხობს და სერვისის მიღებაშიც გეხმარება.

Calen AI-ის დახმარებით შეგიძლია დარეკო და დაჯავშნო, მაგალითად, ვიზიტი საავადმყოფოში.  ის გვთავაზობს მრავალარხიან e commerce ჩატ ბოტს და ვებ აპლიკაციას. 

მისი გამოყენება შეუძლიათ ბიზნესებს მომხმარებლებთან საურთიერთოდ —  საუბრების ორგანიზების,  დაგეგმვისა და ავტომატიზაციისთვის. 

სტარტაპი Touch-ზე მისმა ხელმძღვანელმა, ირაკლი ბესელიძემ წარადგინა. 

გამარჯვებულს ჯილდოდ Kettari Foundation-ისგან 5 ათასი ევროც გადაეცა. 

კონკურსის ფინალში  Calen AI-ის კონკურენტები იყვნენ  Biliki app. მისი ხელმძღვანელის, თორნიკე ცირამუას თქმით, აპლიკაციის მიზანი მოგზაურობის დაგეგმვა და გაადვილებაა. Biliki-ს გუნდი შედგება IT, ტურიზმისა და მარკეტინგის პროფესიონალებისგან და მიზანი საქართველოში ტურიზმის პოპულარიზაციაა. 

და Lawformer — ხელმღვანელი — ნაკო ედიშერაშვილი. სტარტაპის მიზანია იურისტების მიდგომის შეცვლა ყოველდღიური სამუშაო პროცესების მიმართ და სწავლისა და განვითარებისთვის დასახარჯი დროის შემცირებაზე ზრუნვა. ნაკო ედიშერაშვილის თქმით, Lawformer აერთიანებს სამართლებრივი ხელშეკრულების შესაქმნელად საჭირო ყველა რესურსს.

ამ კონკურსით დასრულდა 2022 წლის Touch Summit — ბიზნესის და ტექნოლოგიების შესახებ ყველაზე დიდი ფესტივალი აღმოსავლეთ ევროპაში. 

Touch22 7-8 დეკემბერს რუსთაველის თეატრში ჩატარდა. ორივე დღე დილიდან გვიან საღამომდე დატვირთული იყო სემინარებით, პანელური დისკუსიებით, ვორქშოფებით, შეხვედრებით, სპეციალური ნეთვქორქინგის შესაძლებლობებით, ბევრი ინსპირაციით, გართობითა და საღამოს წვეულებებით.  

Theneo სტარტაპ კონკურსის, PITCH-ის გამარჯვებულია

თემის მიხედვით

Theneo სტარტაპ კონკურსის, PITCH-ის გამარჯვებულია