სტარტაპები

სტარტაპ აქსელერატორები ეხმარებიან ახალ წამოწყებულ და გაზრდაზე ორიენტირებულ ტექნოლოგიურ ბიზნესებსა და კომპანიებს — უწევენ მენტორობას, უზრუნველყოფენ მათ განათლებას და დაფინანსებას. სტარტაპები ერთვებიან აქსელერაციის პროგრამებში გარკვეული დროის განმავლობაში. აქსელერატორები გთავაზობენ განათლების დატვირთულ, სწრაფ და სიღრმისეულ პროცესს, რომელიც მიზნად ისახავს ახალგაზრდა, ინოვაციური კომპანიებისთვის წარმატების დაჩქარებას და წლების სწავლების რამდენიმე თვეში მოქცევას. სიტყვა აქსელერაციაც აჩქარებას ნიშნავს. 

Wally ონლაინ გალერეაა, რომელიც ხელოვნების საკომუნიკაციო პლატფორმა Art Inception-ს ეკუთვნის. ციფრული გალერეის მიზანია, თანამედროვე ქართველი ხელოვანების ნამუშევრები უფრო ხელმისაწვდომი გახადოს და ხელოვნების ყიდვა-გაყიდვის პროცესი გაამარტივოს. 

ქართული ბრაუზერი Stack ამერიკულ პლატფორმა Product Hunt-ზეა. ინტერნეტის მომხმარებლებს დარეგისტრირება და ხმის მიცემა — upvote შეუძლიათ იმისთვის, რომ ის Product Hunt-ზე top პროდუქტად გამოჩნდეს. 

ციფრულ მარკეტინგში 15-წლიანი მუშაობის შემდეგ, დოდი ხარხელმა გადაწყვიტა დააფუძნოს კომპანია, რომელიც კონტენტ კრეატორებსა და კომპანიებს ერთმანეთთან დააკავშირებს. როგორც თავად ამბობს, კრეატორ ჰაბი არის ერთგვარი ხიდი, რომლის საშუალებით ციფრული ამბის მთხრობელები შეძლებენ მიიღონ საჭირო განათლება, დახვეწონ უნარები, კომპანიებს კი ექნებათ საშუალება, დაიქირაონ ჰაბის მიერ გადამზადებული ადამიანი. 

2023 წელს ინტერნეტში გაეშვება Booki —  მეორადი წიგნების ყიდვა-გაყიდვის პლატფორმა, რომლის საშუალებით გამყიდველი/ბუკინისტი ეფექტურად წარმართავს ბიზნესს ონლაინ, მყიდველი კი მარტივად იპოვის სასურველ წიგნს.

2019 წელს, ქართველი დეველოპერების, ლინგვისტებისა და ლიდერშიფ გუნდმა გადაწყვიტა შეექმნა ვირტუალური ასისტენტი ავტომანქანების დილერებისთვის. მთავარი მიზანი იყო, ბაზრისთვის ინოვაციური, სწრაფი და კომფორტული მომსახურება შეეთავაზებინათ, პროდუქტს კი დრო დაეზოგა ავტომანქანის დილერებისთვის და უზრუნველეყო მათი ეფექტური მუშაობა. ძალიან მალე, Pulsar AI გახდა პირველი ქართული ტექნოლოგიური სტარტაპი წარმატებული Exit-ით — კომპანია რამდენიმე ათეულ მილიონ დოლარად გაიყიდა.

თანამედროვე სამყარო მთლიანად დროის დაზოგვაზეა გადასული — ნელ-ნელა მივდივართ იმისკენ, რომ ყველაფერი ადამიანის საჭიროებებზე იყოს მორგებული. დრო არის ის, რაც თითოეული ჩვენგანისთვის განსაკუთრებით მნიშვნელოვანია და თითქმის არასდროს გვყოფნის.