GITA-ს 150 000-ლარიან საგრანტო პროგრამაში ცვლილებები შევიდა

ცვლილებების თანახმად: 

• დაინტერესებულ პირებს 15 თებერვლიდან საშუალება მიეცემათ, ბიზნეს იდეა ელექტრონული პორტალის www.grants.gov.ge მეშვეობით  წარადგინონ. იდეებს კონტრაქტორი კომპანია შექაფასებს და წინასწარ შერჩეულ 150 სტარტაპს გადაამზადებს ბიზნეს გეგმის, ბიუჯეტირების, პროგნოზირებისა და ბაზრის კვლევის მიმართულებით.
• შემდგომი საფეხური პორტალზე აპლიკაციის სრულყოფილ შევსებას მოიცავს, რომელიც პროექტის ბიუჯეტს, აქტივობების გეგმას, ფინანსურ პროგნოზსა და გუნდის შესახებ ინფორმაციას მოიცავს. განაცხადებს საერთაშორისო ექსპერტები შეაფასებენ ქულების სისტემით, ასევე გასაუბრებით, რომლის შედეგად 50 ფინალისტი გამოვლინდება. 

Gita ამბობს, რომ ფინალისტები 5-დღიან გადამზადების პროგრამას, ე.წ. «ქოუჩინგს» გაივლიან, რათა საინვესტიციო კომიტეტის წინაშე პროექტის პრეზენტაციისთვის მოემზადონ. გამარჯვებულ სტარტაპებს საერთაშორისო საინვესტიციო კომიტეტი გამოავლენს, თითოეული მათგანი 150 000 ლარამდე ოდენობის გრანტს მიიღებს. 

თანადაფინანსების გრანტები განკუთვნილია იმ სტარტაპებისთვის, რომელთა ჯამური ბრუნვა არ აღემატება 500 000 ლარს ბოლო 12 თვის განმავლობაში. ასევე, პროექტის ხანგრძლივობა არ უნდა აღემატებოდეს ცხრა თვეს. პროექტი არ უნდა იყოს დაკავშირებული  სპირტის და სპირტიანი სასმელების, თამბაქოს, და სახიფათო ნივთიერებების წარმოებასთან. 

20 სტარტაპი, რომლებმაც GITA-ს ₾150 000-იან პროგრამაში გაიმარჯვეს

თემის მიხედვით

20 სტარტაპი, რომლებმაც GITA-ს ₾150 000-იან პროგრამაში გაიმარჯვეს