17-19 ნოემბერს თბილისში რიგით მე-6 DataFest გაიმართება
მონაცემთა ყველაზე მასშტაბური ფესტივალი აღმოსავლეთ ევროპასა და ცენტრალურ აზიაში — DataFest 17-19 ნოემბერს თბილისში გაიმართება. შესაძლებელი იქნება ღონისძიებაში ონლაინ, Zoom-ით მონაწილეობაც.
მონაცემთა ყველაზე მასშტაბური ფესტივალი აღმოსავლეთ ევროპასა და ცენტრალურ აზიაში — DataFest 17-19 ნოემბერს თბილისში გაიმართება. შესაძლებელი იქნება ღონისძიებაში ონლაინ, Zoom-ით მონაწილეობაც.
DataFest-ს კომპანია ForSet ატარებს, ევროკავშირის პროექტის — აღმოსავლეთ პარტნიორობის სამოქალაქო საზოგადოების მექანიზმის დახმარებით.
DataFest Tbilisi აერთიანებს ჟურნალისტებს, სამოქალაქო აქტივისტებს, მარკეტინგის სპეციალისტებს, ბიზნეს პროფესიონალებს, საჯარო მოხელეებს, მონაცემთა ანალიტიკოსებს, დეველოპერებს და დიზაინერებს, რომლებიც მონაცემებზე მუშაობენ.
2022 წლის მონაცემთა ფესტივალზე ელოდებიან 500-ზე მეტ დამსწრეს აღმოსავლეთ და ცენტრალურ ევროპიდან და ცენტრალური აზიიდან.
სამი დღის განმავლობაში ისინი გაეცნობიან:
- მონაცემთა ჟურნალისტიკას;
- მონაცემთა ანალიტიკას;
- მონაცემთა მეცნიერებასა და ხელოვნურ ინტელექტს;
- მონაცემთა ვიზუალიზაციას;
გარდა ამისა, მონაწილეებს შესაძლებლობა ექნებათ, ჩაერთონ სხვადასხვა დატათონში და მოიპოვონ ფულადი პრიზები.
აპლიკაციები ღიაა და მონაწილეობის მსურველებს დარეგისტრირება ჯერაც შეუძლიათ. 7 ნოემბრის ჩათვლით შესაძლებელია დაფინანსების მოთხოვნაც.
აპლიკაციის გაგზავნა შეუძლიათ დაინტერესებულ ადამიანებს საქართველოდან, სომხეთიდან, აზერბაიჯანიდან, მოლდოვადან, ბელორუსიდან, უკრაინიდან.
ასევე, სამოქალაქო საზოგადოების წარმომადგენლებს ევროკავშირის ქვეყნებში და მის გარეთ, მოხალისეებს, რეპორტიორებს, რომლებიც მუშაობენ არაკომერციულ მედიაში, სამოქალაქო აქტივიზმში ჩართულ ადამიანებს.
