ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

შეიქმნა კომპანია, რომელიც Instagram და TikTok კრეატორებს ზრდაში დაეხმარება

ციფრულ მარკეტინგში 15-წლიანი მუშაობის შემდეგ, დოდი ხარხელმა გადაწყვიტა დააფუძნოს კომპანია, რომელიც კონტენტ კრეატორებსა და კომპანიებს ერთმანეთთან დააკავშირებს. როგორც თავად ამბობს, კრეატორ ჰაბი არის ერთგვარი ხიდი, რომლის საშუალებით ციფრული ამბის მთხრობელები შეძლებენ მიიღონ საჭირო განათლება, დახვეწონ უნარები, კომპანიებს კი ექნებათ საშუალება, დაიქირაონ ჰაბის მიერ გადამზადებული ადამიანი. 

კომენტარის დატოვება
შეიქმნა კომპანია, რომელიც Instagram და TikTok კრეატორებს ზრდაში დაეხმარება

ციფრულ მარკეტინგში 15-წლიანი მუშაობის შემდეგ, დოდი ხარხელმა გადაწყვიტა დააფუძნოს კომპანია, რომელიც კონტენტ კრეატორებსა და კომპანიებს ერთმანეთთან დააკავშირებს. როგორც თავად ამბობს, კრეატორ ჰაბი არის ერთგვარი ხიდი, რომლის საშუალებით ციფრული ამბის მთხრობელები შეძლებენ მიიღონ საჭირო განათლება, დახვეწონ უნარები, კომპანიებს კი ექნებათ საშუალება, დაიქირაონ ჰაბის მიერ გადამზადებული ადამიანი. 

დოდი ხარხელი dev.ge-სთან იმ გარემოებებზე საუბრობს, რამაც ახალი კომპანიის შექმნა გადააწყვეტინა. მისი თქმით, ტიკტოკმა რადიკალურად შეცვალა ციფრული შეხედულებები და სოციალურ ქსელებზეც უდიდესი გავლენა მოახდინა. 

დოდი ხარხელი
«ამ წუთას საქართველოში არიან კომპანიები, რომლებსაც სურთ, თუნდაც ტიკტოკზე ჰქონდეთ საკუთარი კონტენტი, თუმცა მათი ციფრული გუნდები საერთოდ სხვა მოდელზე არიან აწყობილები. თავის მხრივ, არიან საოცარი კონტენტ კრეატორები, რომლებმაც არ იციან, როგორ შესთავაზონ თავი კომპანიებს. კრეატორ ჰაბი კი მათი დაკავშირებისთვის შეიქმნა».

კრეატორ ჰაბში გაწევრიანება შეუძლია ყველა ადამიანს, რომელიც არის სრულწლოვანი. დოდი ამბობს, რომ ამ მომენტისთვის ჰაბი აერთიანებს ათობით კონტენტ კრეატორს, ჯამურად ნახევარ მილიონზე მეტი გამომწერით. კომპანია მათ მისცემს საშუალებას, დახვეწონ საკუთარი უნარები, საჭირო გადამზადების შედეგად კი, შექმნან უკეთესი კონტენტი და გაზარდონ თავიანთი აუდიტორია, შესაბამისად, შემოსავალი. 

«ძირითადად, ორი ტიპის ადამიანები არიან ჩვენთან გაწევრიანებულნი: შედარებით გამოცდილები, რომელთაც სურთ საკუთარი აუდიტორიის კიდევ უფრო გაზრდა და ნაკლებად გამოცდილები, რომლებიც აქ სწავლობენ უამრავ რამეს. მაგალითად, როგორ გააკეთონ მარტივი მონტაჟი, ისწავლონ ტრენდის ამოცნობა და მისი სწორად მორგება, როგორ ესაუბრონ დამკვეთ კომპანიებს. ბევრი დეტალია, რომლის სწავლაც აუცილებელია».- ამბობს დოდი ხარხელი. 

კრეატორისთვის ჰაბში გაწევრიანება უფასოა, კომპანიებისთვის კი მომსახურება ფასიანია. დოდი ხარხელი აღნიშნავს, რომ არ არის დადგენილი ერთი კონკრეტული ფასი და ეს დამოკიდებულია იმ მომსახურებასა და ძალისხმევაზე, რომელიც კრეატორ ჰაბის წევრებს დასჭირდებათ ამა თუ იმ კომპანიასთან მუშაობის დროს.

კომპანიის დამფუძნებელს პოზიტიური მოლოდინები აქვს. მისი თქმით, საწყისმა ეტაპმაც აჩვენა, რომ ადამიანები დაინტერესებულნი არიან ამ მომსახურებით.

«თავდაპირველი ხარჯი თითქმის არანაირი არ იყო. ვფიქრობ, ხარჯად და ინვესტიციად შეიძლება ჩაითვალოს ის ბევრი წელი, რომელიც ამ სფეროში მაქვს ნამუშევარი. მთავარი რესურსი არის დრო და გამოცდილება, რომელიც, რეალურად, უნდა ჩაიდოს ამ საქმეში. რაც შეეხება ბიზნეს მოლოდინებს, ამ მომენტისთვის უკვე არის ოთხი კომპანია, რომელთანაც მიმდინარეობს სერვისებზე მოლაპარაკება». — გვეუბნება დოდი ხაარხელი. 

რაც შეეხება სხვა სოციალურ ქსელებს, მათ შორის Facebook-ს, რომელსაც საქართველოში ყველაზე მეტი აუდიტორია ჰყავს, დოდი ხარხელი ამბობს, რომ ის უკვე «მოძველდა» და ახლა ტიკტოკის ეპოქაა.



ასევე წაიკითხეთ
ინტერნეტის მოხმარება საქართველოში 2024 წლის დასაწყისში —DataReportal-ის ახალი ანგარიში
ინტერნეტის მოხმარება საქართველოში 2024 წლის დასაწყისში —DataReportal-ის ახალი ანგარიში
ინტერნეტის მოხმარება საქართველოში 2024 წლის დასაწყისში —DataReportal-ის ახალი ანგარიში
DataReportal-მა, რომელიც მომხმარებლებს გლობალური ციფრული ცხოვრების შესახებ სტატისტიკებსა და კონკრეტულ ციფრებს სთავაზობს, სხვადასხვა საინტერესო მონაცემის მიხედვით შეაჯამა, თუ როგორია ციფრული ცხოვრება საქართველოში 2024 წლის დასაწყისში.
DataReportal: სოციალური მედიის სტატისტიკა საქართველოში 2023 წელს
DataReportal: სოციალური მედიის სტატისტიკა საქართველოში 2023 წელს
DataReportal: სოციალური მედიის სტატისტიკა საქართველოში 2023 წელს
2023 წლის იანვარში საქართველოში სხვადასხვა სოციალური მედიის პლატფორმებს 3,05 მილიონი მომხმარებელი ჰყავდა — ამის შესახებ DataReportal-ის 2023 წლის ანგარიშში წერია. 
Threads-ის ვებ ვერსია გამოვიდა 
Threads-ის ვებ ვერსია გამოვიდა 
Threads-ის ვებ ვერსია გამოვიდა 
Twitter-მა ილონ მასკის მმართველობის პერიოდში სარეკლამო შემოსავლის ნახევარი დაკარგა
Twitter-მა ილონ მასკის მმართველობის პერიოდში სარეკლამო შემოსავლის ნახევარი დაკარგა
Twitter-მა ილონ მასკის მმართველობის პერიოდში სარეკლამო შემოსავლის ნახევარი დაკარგა
განხილვა
კომენტარები ჯერ არაა.