Touch22 სტარტაპებისთვის 5000-ევროიან პრიზს აწესებს
Touch Summit 2022 წლის ღონისძიებაზე სტარტაპებისთვის 5000-ევროიან პრიზს აწესებს.
Touch Summit 2022 წლის ღონისძიებაზე სტარტაპებისთვის 5000-ევროიან პრიზს აწესებს.
Touch22-ის ფარგლებში, 7 და 8 დეკემბერს, ტექნოლოგიურ სტარტაპებს მიეცემათ შესაძლებლობა, რუსთაველის თეატრის კედლებში საკუთარი იდეები და მიღწევები მსოფლიოს სხვადასხვა ქვეყნებიდან ჩამოსულ დამსწრე საზოგადოებას გააცნონ, მოისმინონ მათი შეფასებები, დაამყარონ ახალი ბიზნეს-კონტაქტები. შესაძლოა, შეიძინონ ინვესტირების ახალი შესაძლებლობებიც.
გამოფენაში მონაწილეობისთვის რეგისტრაცია უკვე მიმდინარეობს და 30 ნოემბრის ჩათვლით გაგრძელდება.
გამოფენაში მონაწილეობას სულ 30 სტარტაპი შეძლებს, საიდანაც 10-ს შესაძლებლობა ექნება, აუდიტორიას და ჟიურის თავისი თავი და სტარტაპი წარადგინოს.
10-დან ჟიური შეარჩევს 3-ს, რომელიც რუსთაველის მთავარ სცენაზე წარდგება.
შერჩეული სამი სტარტაპიდან კი, საბოლოოდ, ჟიური აირჩევს 1 სტარტაპს, რომელსაც გადაეცემა Kettari Foundation-ის მიერ დაწესებული პრიზი — 5000 ევრო.
სტარტაპების შერჩევის კრიტერიუმებია:
- სტარტაპ ექსპოზე მონაწილეობის მისაღებად აუცილებელია სტარტაპი იყოს ტექნოლოგიური;
- აუცილებელი მოთხოვნაა, სტარტაპს ჰქონდეს MVP (Minimum viable product);
- ამარტივებდეს ან ბაზარს სთავაზობდეს პრობლემის სრულად მოგვარების გზას;
- იყოს ინოვაციური ქართული ბაზრისთვის;
Touch Summit — საერთაშორისო სამიტია ბიზნესისა და ტექნოლოგიების შესახებ, რომელიც 7-8 დეკემბერს რუსთაველის თეატრში გაიმართება.
ორივე დღე დილიდან გვიან საღამომდე დატვირთული იქნება სემინარებით, პანელური დისკუსიებით, ვორქშოფებით, შეხვედრებით, სპეციალური ნეთვქორქინგის შესაძლებლობებით, ბევრი ინსპირაციით, გართობითა და საღამოს წვეულებებით.
— ბილეთების შესაძენად დააჭირეთ აქ;
— კონფერენციის მხარდამჭერებისა და მედიაპარტნიორების სიის სანახავად დააჭირეთ აქ;
Touch22 x Startups — სტარტაპების გამოფენისთვის რეგისტრაცია დაიწყო
Touch22 x Startups — სტარტაპების გამოფენისთვის რეგისტრაცია დაიწყო
4 ვორქშოფი, რომელსაც შეგვიძლია დავესწროთ ტექნოლოგიურ ფესტივალზე — Touch
4 ვორქშოფი, რომელსაც შეგვიძლია დავესწროთ ტექნოლოგიურ ფესტივალზე — Touch
