Product Hunt ამერიკული ვებსაიტია, რომელიც ციფრული პროდუქტების აღმოსაჩენად გამოიყენება. ის 2013 წელს დაარსდა. პლატფორმაზე მომხმარებლები თავიანთ პროდუქტებს წარადგენენ. საიტს კომენტარების და კენჭისყრის სისტემა აქვს. პროდუქტს, რომელიც ყველაზე მეტ ხმას მიიღებს, დღის ტოპ პროდუქტების სიაში ხვდება.
რაც შეეხება Stack-ს — ქართულ ბრაუზერს:
ის 2018 წლის ივლისში შეიქმნა, როგორც დამატებითი პროდუქტი, 2020 წლის მარტიდან კი გუნდის მიზანი ბრაუზერის შექმნა გახდა, რომელიც მომხმარებელს ტრადიციული ბრაუზერების ალტერნატივას, ახალ ხედვას და მომხმარებლის გამოცდილებას შესთავაზებს.
Stack-ს არ აქვს ტაბები, ყველა ვებსაიტი, რომლის გამოყენებაც მომხმარებელს უნდა, გვერდიგვერდ, ერთმანეთის პარალელურად განლაგებულ ბარათებში/გვერდებში იტვირთება.
Stack ავტომატურად აჯგუფებს ერთმანეთის მსგავს გვერდებს, მაგალითად, სოციალურ ქსელებს, მარკეტინგთან დაკავშირებულ საიტებს, გასართობ საიტებს და სხვა. ისინი 3D სივრცეში ფორმირდებიან.
თქვენ შეგიძლიათ, ამა თუ იმ სივრცეში თქვენს მეგობრებს, თანამშრომლებს ეკონტაქტოთ, ელაპარაკოთ და მისცეთ წვდომა თქვენს გვერდებზე ერთობლივად მუშაობისა თუ დასვენებისთვის.
