მსოფლიო

ნახევარგამტარები, იგივე ჩიპები თანამედროვე სამყაროს ნავთობად მიიჩნევა. დღეს სამხედრო, ეკონომიკური და გეოპოლიტიკური ძალა კომპიუტერულ ჩიპებზეა დაფუძნებული. პრაქტიკულად ყველაფერი — რაკეტებიდან სარეცხის მანქანებამდე, სმარტფონებიდან საფონდო ბირჟებამდე, ნახევარგამტარების დახმარებით ფუნქციონირებს. ჩიპების — სილიკონის პატარა ფრაგმენტების მნიშვნელობის გააზრებისთანავე, ნათელი ხდება, რატომ იბრძვის ორი გიგანტი სახელმწიფო, აშშ და ჩინეთი ამ სფეროში პირველობისთვის — მიწოდების ჯაჭვების კონტროლი უკონკურენტო ზესახელმწიფოს შექმნის გასაღებია.

TikTok ამ დროისთვის პლანეტის ყველაზე პოპულარული და ვაშინგტონისთვის ყველაზე საძულველი ტექნოლოგიაა. ეს ნარატივი აპლიკაციის ირგვლივ მას შემდეგ გაჩნდა, რაც კომპანიის სათავეში, დაახლოებით ორი წლის წინ, ახალი აღმასრულებელი დირექტორი, შოუ ზი ჩიუ მოვიდა. ამ ნარატივს, დიდი ალბათობით, ჩიუს მიერ ანტაგონისტთა ორპარტიული პანელის წინაშე, ენერგეტიკისა და კომერციის კომიტეტში ჩვენების მიცემისასაც შევხვდებით.

2017 წელს გამოქვეყნებულ ბლოგპოსტში პოპულარული სოციალური ქსელის სერვისმა, Discord-მა საკუთარ მომხმარებლებს დეტალურად აღუწერა, თუ როგორ ახერხებდნენ მილიარდობით შეტყობინების შენახვას. მაშინ ისინი MongoDB-ის (გამოიყენება მასშტაბური ინტერნეტ აპლიკაციების შესაქმნელად) იყენებდნენ. თუმცა, მონაცემები Cassandra-ში გადაიტანეს იმ იმედით, რომ უფრო მასშტაბურ, შედარებით უშეცდომო მონაცემთა ბაზას იპოვიდნენ. ცვლილებამ გაამართლა და Discord საგრძნობლად გაიზარდა.

იცით, პროგრამირების რომელი ენა არსებობს უკვე სამ ათწლეულზე მეტი ხნის განმავლობაში და ყოველწლიურად კიდევ უფრო პოპულარული ხდება? თუ Phyton გაიფიქრეთ, მაშინ მართალი ბრძანდებით. 2022 წლის მონაცემების მიხედვით, GitHub-ზე მეორე ყველაზე გამოყენებულ ენად პითონი ითვლება — 2022 წელს მას ოთხ მილიონზე მეტი დეველოპერი იყენებდა.