ნინი ვანიშვილი მსოფლიო 9 მარტი 2023, 17:19

რატომ არ "კვდება" ფლოპი დისკები?

დღეს ფლოპ დისკებს მხოლოდ ის კომპანიები და ბიზნესები იყენებენ, რომლებიც ვერ ახერხებენ აღჭურვილობის განახლებას.

დავით ნიაზაშვილი, სატვირთო ავიაკომპანია Geosky-ის ტექნიკური მენეჯერი განახლებებისთვის ისევ ფლოპ დისკებს იყენებს.

«როცა განახლება გამოვა, ჩვენ ის ორ 3.5 დიუმიან ფლოპი დისკზე უნდა გადმოვწეროთ. კომპიუტერებს აღარ აქვთ დისკების ჩასადები, ამიტომ გარე მეხსიერების გამოყენება გვიწევს. შემდეგ, დისკები გადაგვაქვს თვითმფრინავში ფრენის მართვის სისტემის განახლებისთვის. ამ ოპერაციას დაახლოებით ერთი საათი სჭირდება» — ამბობს დავითი.

განახლებები მოიცავს ცვლილებებს ასაფრენ ბილიკებსა და სანავიგაციო საშუალებებში. იგი ყოველ 28 დღეში ქვეყნდება. განრიგი 2029 წლამდე დადგენილია.

«დღეს ძალიან რთულია ფლოპი დისკის პოვნა. მათ ამაზონიდან ვყიდულობთ. დისკები მალე ფუჭდება, ამიტომ ერთ ცალს სამჯერ ვიყენებთ და შემდეგ ვაგდებთ. მაგრამ, ეს პრობლემა არაა. სანამ ფლოპი დისკები ხელმისაწვდომია, კმაყოფილები ვართ». — ამბობს დავით ნიაზაშვილი.

გაურკვეველია, აშშ ახლაც თუ იყენებს ფლოპი დისკებს. 2019 წლამდე მათ უფრო ძველი, 8-დიუმიანი ფლოპი დისკები გამოიყენეს ბირთვულ არსენალში.

კომერციული თვითმფრინავების სახეობა, მათ შორის 747-ისა და 767-ის ახალი ვარიანტები ასევე იყენებენ ფლოპი დისკებს. რა თქმა უნდა, შესაძლებელია დისკებიდან USB-ზე, SD ბარათებზე ან უსადენო გადაცემაზე გადასვლა, მაგრამ ეს ათასობით დოლარი დაჯდება. გარდა ამისა, ფლოპი დისკები შეიძლება ძალიან ძველი მეთოდი იყოს, მაგრამ გამოცდილება გვიჩვენებს, რომ კარგად მუშაობს.

ფლოპი დისკების გამოყენება შეიძლება არასოდეს შეწყვიტონ.

«არიან ადამიანები, რომლებიც ჯერ კიდევ 1910 წლის ფონოგრაფებს ეძებენ და აკეთებენ. ამიტომ, მიჭირს დავიჯერო, რომ ფლოპი დისკი სრულიად გაქრება» — ამბობს ლორი ემერსონი, კოლორადოს ბოლდერის უნივერსიტეტის პროფესორი და მედია არქეოლოგიის ლაბორატორიის დამფუძნებელი.

«ზოგიერთი სამრეწველო აპარატის მუშაობის ხანგრძლივობა, რომელიც ფლოპი დისკებს ეყრდნობა, 30-დან 40 წლამდეა» — ამბობს ტომ პერსკი, რომელიც Floppydisk.com-ს მართავს.

პერსკი დღეში დაახლოებით 1000 ცალ დისკს ყიდის, ძირითადად 3,5 დიუმიანებს. მისი თქმით, 25 წლის წინ თითო დისკების შეფუთვას 0.07 დოლარად ყიდდა. ახლა კი ყველაზე პოპულარული სახეობის ერთი ცალი დისკის ფასი 1 დოლარია.

პერსკი ამბობს, რომ უძველესი, 8 დიუმიანი დისკი ძალიან ცოტა დარჩა და თითო 5 დოლარი ღირს. რაც შეეხება 3.5 დიუმიან დისკს — ზუსტად ვერ ამბობს, რამდენი დარჩა.

პერსკი ახლა 73 წლისაა და კიდევ 5 წელი აპირებს მუშაობის გაგრძელებას. მან იცის, რომ არავინაა ისეთი სულელი, მისი კომპანია იყიდოს.