2023 წლის მარტის დასაწყისში LinkedIn-მა განაცხადა, რომ პლატფორმაზე მომხმარებელთა ჩართლულობის გასაზრდელად რამდენიმე მნიშვნელოვან ნაბიჯს გადადგამდა. ერთ-ერთი — მათგანი ხელოვნური ინტელექტით მხარდაჭერილი მოსაუბრეები იყო, თუმცა იდეამ არ გაამართლა.
2023 წლის მარტის დასაწყისში LinkedIn-მა განაცხადა, რომ პლატფორმაზე მომხმარებელთა ჩართლულობის გასაზრდელად რამდენიმე მნიშვნელოვან ნაბიჯს გადადგამდა. ერთ-ერთი — მათგანი ხელოვნური ინტელექტით მხარდაჭერილი მოსაუბრეები იყო, თუმცა იდეამ არ გაამართლა.
LinkedIn ხელოვნურ ინტელექტს პლატფორმის სხვადასხვა ასპექტზე უკვე დიდი ხანია იყენებს და გარკვეული გამოცდილებაც დაუგროვდა. ახლა, როდესაც მისი მფლობელი Microsoft OpenAI-ზე წარმატებით მუშაობს, ხელოვნური ინტელექტი LinkedIn-ის სტრატეგიის უფრო თვალსაჩინო ნაწილი ხდება.
კომპანია ხელოვნურ ინტელექტზე მომუშავე წერილობით წინადადებებს გთავაზობთ, რომლებსაც თავდაპირველად მომხმარებლებზე გამოცდიან, რათა LinkedIn-ის პროფილები დახვეწონ და გააუმჯობესონ. სერვისს რეკრუტერებსაც მოარგებენ, რომლებიც სამუშაოს აღწერილობებს წერენ.
«ორივე მოწინავე GPT მოდელზეა აგებული». — თქვა LinkedIn-ის პროდუქტის მთავარმა ოფიცერმა, ტომერ კოენმა.
LinkedIn GPT-4-ს პერსონალიზებული პროფილებისთვის, ხოლო GPT-3.5-ს სამუშაოს აღწერისთვის იყენებს. გარდა ამისა, კომპანია უფრო დიდ ყურადღებას LinkedIn Learning-ში ხელოვნური ინტელექტის კურსებს უთმობს. ის ამ თემის გარშემო 100 კურსს აერთიანებს და კომპანია მალე კიდევ 20-ს დაამატებს, რომლებიც მხოლოდ გენერაციულ AI-ზე იქნება ორიენტირებული.
ხელოვნური ინტელექტის პირადი პროფილებისთვის გამოყენება, თავდაპირველად Premium მომხმარებლებისთვის იქნება. სერვისიიმ ადამიანების დასახმარებლად შეიქმნა, რომლებსაც მიმზიდველი მიმოხილვების დაწერა უჭირთ — თუ ვინ არიან ისინი, რას აკეთებენ, რა უყვართ და ა.შ.
«ჩვენი ინსტრუმენტი თქვენს ყველაზე მნიშვნელოვან უნარებსა და გამოცდილებას ავტომატურად განსაზღვრავს. ეს თქვენს დროსა და ენერგიას დაზოგავს და ამავე დროს, თქვენს უნიკალურ სტილსაც შეგინარჩუნებთ». — აცხადებს კომპანია.
სამუშაოს აღწერილობაც მსგავსი პრინციპით იმუშავებს — დამსაქმებელი რამდენიმე ძირითად, მნიშვნელოვან ინფორმაციას გამოჰყოფს, მათ შორის სამუშაოს დასახელებასა და კომპანიის სახელს. ხელოვნური ინტელექტი კი მას რამდენიმე ვარიანტსა და რედაქტირების შესაძლებლობას შესთავაზებს.
«პროცესის ამ ნაწილის გამარტივებით, თქვენ შეგიძლიათ თქვენი ენერგია სამუშაოს უფრო სტრატეგიულ ასპექტებზე გადაიტანოთ». — განაცხადეს კომპანიაში.
მიუხედავად იმისა, რომ ორივე სერვისიმომხმარებლებისთვის დროისა და ენერგიის დაზოგვას ისახავს მიზნად, შეგვიძლია რამდენიმე მიზეზი დავასახელოთ, თუ რატომ არ შეიძლება LinkedIn-ის იდეამ იდეალურად და სრულყოფილად იმუშაოს.
იმისთვის, რომ ხელოვნურ ინტელექტს თქვენზე სრულყოფილი წარმოდგენა შეექმნას, აუცილებელია, მას თქვენს თავზე დეტალურად ესაუბროთ, რამაც შეიძლება იმაზე მეტი დრო წაიღოს, ვიდრე პირდაპირ აპლიკაციის შევსებამ.
მთლიანობაში, ამ ინსტრუმენტების გამოშვება AI-ის შესაძლებლობებსა და მნიშვნელობას კიდევ ერთხელ უსვამს ხაზს. LinkedIn-ის სპიკერმა თქვა, რომ ეს მხოლოდ დასაწყისია და კომპანია გენერაციული ხელოვნური ინტელექტის გამოყენებას განაგრძობს, რათა მომხმარებლებისთვის ახალი ღირებულებები შექმნას.
