Microsoft-ის საძიებო სისტემა Bing ბოლო ათწეულის განმავლობაში ყურადღების ცენტრში პირველად მოექცა, კერძოდ მას შემდეგ, რაც GPT ტექნოლოგიით მხარდაჭერილი ინტერფეისი გამოუშვა. თუმცა, აქამდე ტექნოლოგიური გიგანტი საკითხს ფრთხილად ეკიდებოდა. მომხმარებლებისთვის მომლოდინეთა სიაც (waiting list) ჰქონდა, რომელიც 15 მარტს გააუქმა.
Microsoft-ის საძიებო სისტემა Bing ბოლო ათწეულის განმავლობაში ყურადღების ცენტრში პირველად მოექცა, კერძოდ მას შემდეგ, რაც GPT ტექნოლოგიით მხარდაჭერილი ინტერფეისი გამოუშვა. თუმცა, აქამდე ტექნოლოგიური გიგანტი საკითხს ფრთხილად ეკიდებოდა. მომხმარებლებისთვის მომლოდინეთა სიაც (waiting list) ჰქონდა, რომელიც 15 მარტს გააუქმა.
OpenAI-ის მთავარმა ინვესტორმა, Microsoft-მა, GPT-4-ით მხარდაჭერილი ჩათბოტისთვის მომლოდინეთა სია გააუქმა, რაც იმას ნიშნავს, რომ მასზე წვდომა ნებისმიერ მსურველს ექნება. Windows Central-მა, რომელმაც ეს ცვლილება პირველმა შენიშნა, თქვა, რომ მომხმარებლებს ახალი Bing-ის გამოცდისთვის ლოდინი აღარ სჭირდებათ.
მიუხედავად იმისა, რომ Bing-ის ახალი ვებ-გვერდი ჯერ კიდევ აჩვენებს ღილაკს — «შეუერთდი მომლოდინე სიას» — შეგიძლიათ შეხვიდეთ და მასზე წვდომა მყისიერად მიიღოთ.
Microsoft ხუთშაბათს ღონისძიების ჩატარებას გეგმავს, სადაც მთავარი სასაუბრო თემა გენერაციული ხელოვნური ინტელექტი იქნება. კომპანია აქამდე ძირითადად Microsoft 356 (Office)-ზე და მასთან დაკავშირებულ ცვლილებებზე იყო კონცენტრირებული, თუმცა გასაკვირი არ იქნება, თუ Bing–თან დაკავშირებულ განცხადებასაც მოვისმენთ.
სიეტლში დაფუძნებული კომპანია იმისთვის იბრძვის, რომ AI-ზე მომუშავე ჩათბოტი თავის ბევრ სერვისში ინტეგრირდეს. გასულ თვეში, Microsoft-მა Windows 11-ის ამოცანების პანელში GPT-4-ით აღჭურვილი ბოტი წარადგინა. ამ კვირის დასაწყისში კი, Edge ბრაუზერის სტაბილურმა ვერსიამ Bing AI ჩატბოტის ფუნქცია მიიღო.
OpenAI-ის შემუშავებულმა ტექნოლოგიამ Bing-ს მეორე სიცოცხე აჩუქა. მას ყოველდღიურად 100 მილიონზე მეტი აქტიური მომხმარებელი ჰყავს. გასაკვირია არაფერია, თუ ხელოვნური ინტელექტის გარშემო შექმნილ აჟიოტაჟს გავითვალისწინებთ.
ექსპერტები ფიქრობენ, რომ Bing-საც და AI-ით მხარდაჭერის სხვა ტექნოლოგიებსაც სრულყოფილებამდე ჯერ კიდევ ბერვი უკლიათ. ეს მხოლოდ დასაწყისია იმ სანახაობისა, რომელიც გველის.
