იცით, პროგრამირების რომელი ენა არსებობს უკვე სამ ათწლეულზე მეტი ხნის განმავლობაში და ყოველწლიურად კიდევ უფრო პოპულარული ხდება? თუ Phyton გაიფიქრეთ, მაშინ მართალი ბრძანდებით. 2022 წლის მონაცემების მიხედვით, GitHub-ზე მეორე ყველაზე გამოყენებულ ენად პითონი ითვლება — 2022 წელს მას ოთხ მილიონზე მეტი დეველოპერი იყენებდა.
იცით, პროგრამირების რომელი ენა არსებობს უკვე სამ ათწლეულზე მეტი ხნის განმავლობაში და ყოველწლიურად კიდევ უფრო პოპულარული ხდება? თუ Phyton გაიფიქრეთ, მაშინ მართალი ბრძანდებით. 2022 წლის მონაცემების მიხედვით, GitHub-ზე მეორე ყველაზე გამოყენებულ ენად პითონი ითვლება — 2022 წელს მას ოთხ მილიონზე მეტი დეველოპერი იყენებდა.
სტატიაში პითონის მოკლე ისტორიას მოგიყვებით, მის სარგებელზე ვისაუბრებთ და შევეცდებით, წარმატებით ვუპასუხოთ კითხვას, თუ რატომ და როგორ განაგრძობს 1990-იან წლებში გაჩენილი პროგრამირების ენა ზრდასა და დომინირებას. ბონუსად რამდენიმე რჩევასაც მოგცემთ და ხრიკებსაც გასწავლით.
პითონი მაღალი დონის პროგრამირების დინამიური ენაა, რომელსაც შესაძლებლობების ფართო სპექტრი გააჩნია. მარტივი სინტაქსი მას ადვილად წასაკითხს ხდის, რაც დამწყებებისა და სტაჟიანი მომხმარებლებისთვისაც უმნიშვნელოვანესია. პითონი, რომელიც პირველად 1991 წელს გამოვიდა, მულტიპარადიგმული ენაა და მოიცავს, როგორც პროცედურული, იმპერატიული, ისე ფუნქციონალური პროგრამირების ელემენტებს. მას ხშირად ისეთ ენებს ადარებენ, როგორებიცაა Tcl, Ruby, Scheme და Java.
პითონი გამოსვლის დღიდან ვითარდება და დეველოპერების, მონაცემთა მეცნიერებისა და მკვლევრების ფავორიტად რჩება. ალბათ გაგიჩნდებათ კითხვა, როგორ შეიძლება პროგრამირების ენა მარტივი და დახვეწილი იყოს.
თვალსაჩინოებისთვის მაგალითი მოვიყვანოთ:
პითონი
print («Hello world.»)
Java
public class HelloWorld {
public static void main (String[]args) {
System.out.println. («Hello world»);
}
}
ვინაიდან პითონი ზოგადი დანიშნულების ენაა, მისი გამოყენება სხვადასხვა პროგრამაშია შესაძლებელი. ენის მარტივი ბუნება ამოცანების ავტომატიზაციისთვის, მონაცემთა ანალიზისთვისა და ვებსაიტების ან პროგრამული უზრუნველყოფის მშენებლობისთვის შეუდარებელია.
პითონს რამდენიმე მახასიათებელი გააჩნია, რაც დეველოპერებსა და ინჟინრებში მის პოპულარობას განსაზღვრავს. ესენია:
Python-ის გამოყებება თითქმის ყველაფრისთვის შეიძლება, ვებ და პროგრამული უზრუნველყოფის შემუშავებიდან დაწყებული, მანქანური სწავლითა და ხელოვნური ინტელექტით დამთავრებული (AI). მოდით, მისი ყველაზე გავრცელებული გამოყენება განვიხილოთ.
import antigravity
def main ():
antigravity.fly ()
if __name__ == '__main__':
main ()
გაუშვით ეს ბრძანება და დეველოპერების პოპულარულ შიდა ხუმრობას ეზიარებით.
პითონი ვებ და პროგრამული უზრუნველყოფის დეველოპერებისთვის ყველაზე ხელსაყრელი და საყვარელი პროგრამული ენაა, რადგან რთული, მრავალ პროტოკოლური პროგრამების შექმნა, ლაკონური, წაკითხვადი სინტაქსით შეუძლიათ. სხვათა შორის, რამდენიმე პოპულარული აპლიკაცია თუ პროგრამა სწორედ პითონის დახმარებით შეიქმნა. გარდა ამისა, პითონის ღია წყაროს საზოგადოება დეველოპერებს დიდი რაოდენობით მეორად კოდექსს, ჩარჩოებსა (frameworks) და მხარდაჭერას სთავაზობს. Django პითონის ერთ-ერთი ჩარჩოა, რომელსაც ყველაზე ხშირად იყენებენ. ის გამოცდილმა დეველოპერებმა შექმნეს, რადგან დამწყებებს საქმის დაჩქარებასა და დამატებითი საფიქრალის არიდებაში დაეხმარნონ.
პითონის ერთ-ერთი მთავარი სარგებელი განმეორებითი დავალებების ავტომატიზაციის უნარია. ბიბლიოთეკიდან ჩაშენებული მოდულის ან წინასწარ დაწერილი კოდის გამოყენებით, ყველაფრის ავტომატიზაციაა შესაძლებელი. ან შეგიძლიათ, კონკრეტული მოქმედებების შესასრულებლად თქვენი საკუთარი, პერსონალური სკრიპტები დაწეროთ. არჩევანი თქვენზეა. პითონს ასევე ტესტირების ჩარჩოების ძლიერი ნაკრებიც აქვს, რაც მას ტესტის ავტომატიზაციისთვის იდეალურ ენად აქცევს. ჩარჩოები, როგორიცაა, მაგალითად, Pytest, დეველოპერებს მარტივი, მაგრამ ეფექტური ტესტების დაწერის საშუალებას აძლევს, რათა მშენებლობის ხარისხი უზრუნველყონ.
პითონი მონაცემთა მეცნიერებისა და კვლევისთვის იდეალურია. მისი სინტაქსი ადვილად გასაგები და ადაპტირებულია, ამიტომ მცირე გამოცდილების მქონე პირსაც კი შეუძლია, რომ პითონი მარტივად ისწავლოს და იგი მონაცემების მანიპულირებისთვის გამოიყენოს. პითონი პროგნოზებისთვისაც გამოიყენება. სპეციფიკური ალგორითმების საშუალებით და კონკრეტულ მონაცემებზე დაყრდნობით, მას პროგნოზებისა გადაწყვეტილებების მიღებაც შეუძლია, რაც მონაცემთა მეცნიერებისთვის ხელსაყრელია.
პითონს ზოგიერთ რთულ AI ტექნოლოგიაშიც გადააწყდებით. პითონის ლაკონურობა დეველოპერებს საშუალებას აძლევს, რომ თანმიმდევრული, საიმედო სისტემები შექმნან, რაც შეცდომის გაპარვის რისკს ძალიან ამცირებს. გარდა ამისა, პითონის ვიზუალიზაციის შესაძლებლობებმა შეიძლება დიდი მონაცემთა ბაზების გრაფიკებად გადაქცევას შეუწყოს ხელი. საინტერესოა, რომ ხელოვნური ინტელექტის კვლევითი ლაბორატორია, OpenAI პითონის ჩარჩოს, Pytorch-ს იყენებს, რომელიც AI სისტემებს წვრთნის.
გარდა იმისა, რომ პითონს მონაცემთა მეცნიერების და AI სპეციალისტების დახმარება შეუძლია, ის ფინანსურ ინდუსტრიაში რთული გამოთვლების სწრაფად შესასრულებლად გამოიყენება. საფონდო ბირჟები წარმოუდგენელი რაოდენობის მონაცემებს ამუშავებენ, პითონის გამოყენება კი საფონდო ფასების შესახებ მონაცემების იმპორტირებისთვისა და ალგორითმების საშუალებით სტრატეგიების შესაქმნელად შეიძლება.
გარდა შედარებითი სიმარტივისა, რამდენიმე სხვა მიზეზიც არსებობს, რის გამოც პითონი პოპულარობას ინარჩუნებს. ესენია:
დიახ, პითონი ყველგან არის და ის ტექნოლოგიების, ვებსაიტებისა და სისტემების მნიშვნელოვანი რაოდენობის შესაქმნელად გამოიყენება.
თუ დაგუგლავთ, «როგორ დავიწყოთ პითონის სწავლა» დიდი შანსია დაიბნეთ ან რეზულტატების რაოდენობით შეშინდეთ, ამიტომ GitHub-ის რამდენიმე ლინკს გთავაზობთ, რომელიც საქმეს აუცილებლად გაგიმარტივებთ.
წინასწარ აშენებული ალგორითმები გამოიკვლიეთ — ეს საცავი პითონში ალგორითმების მშენებლობისთვის შესანიშნავი სახელმძღვანელოა.
ისწავლეთ პითონი 30 დღეში — ეს სახელმძღვანელო, რომელიც ყველა მნიშვნელოვან დეტალს ეტაპობრივად მიჰყვება, პითონის საფუძვლებს 30 დღეში შეგასწავლით.
მიითეთ რამდენიმე რჩევა ამ ცხრილებიდან — პითონის სკრიპტების ეს კოლექცია შეამოწმეთ, რომელიც კოდების მაგალითებითა და სხვა დამხმარე საშუალებებით არის სავსე.
გაიუმჯობესეთ უნარები — ამ სასწავლო სახელმძღვანელოში ისეთ რჩევებს შეხვდებით, რომლებიც თქვენ უნარებს აუცილებლად გააუმჯობესებს.
დასაწყისისთვის პითონის უახლესი ვერსია გადმოწერეთ.
Ასევე შეგიძლიათ, Udemy-ს ესტუმროთ, რომელიც მსოფლიოში ერთ-ერთ ყველაზე მოთხოვნად საიტად ითვლება და პითონის კურსების ბესტსელერის ტიტულს წლებია წარმატებით ატარებს.
