ChatGPT-ის კონკურენტი, Bard ხელმისაწვდომი მხოლოდ სრულწლოვნებისთვის იქნება
Google-მა თავისი AI ჩათბოტის, Bard-ის გამოშვება უკვე აქტიურად დაიწყო, თუმცა ის ხელმისაწვდომი მხოლოდ 18 წელზე მეტი ასაკის მომხმარებლებისთვის იქნება.
Google-მა თავისი AI ჩათბოტის, Bard-ის გამოშვება უკვე აქტიურად დაიწყო, თუმცა ის ხელმისაწვდომი მხოლოდ 18 წელზე მეტი ასაკის მომხმარებლებისთვის იქნება.
ChatGPT-სგან განსხვავებით, მას ინტერნეტიდან განახლებულ ინფორმაციაზე აქვს წვდომა. კომპანიამ ასევე დაამატა ღილაკი «Google it», რომელიც ძიებისთვის გამოიყენება. Bard-ს წვდომა Wikipedia-სთანაც აქვს, რასაც ფაქტების გადამოწმებისთვისა და წყაროების მოძიებისთვის იყენებს.
Google-მა მომხმარებლები გააფრთხილა, რომ დასაწყისისთვის Bard შეზღუდული ფუნქციებით იმუშავებს და შესაძლოა, დეზინფორმაციის გავრცელებისა და მიკერძოების შემთხვევებიც დაფიქსირდეს.
მიზეზი მარტივია. ის იმ რეალურ სამყაროში არსებულ ინფორმაციას სწავლობს, სადაც მიკერძოება ჩვეულებრივი ამბავია — რაც ნიშნავს, რომ შესაძლებელია, მის პასუხებში სტერეოტიპები და ყალბი ინფორმაცია შიგადაშიგ გამოჩნდეს.
ხელოვნური ინტელექტის ჩათბოტები დაპროგრამებულია, რათა კითხვებს ბუნებრივი, ადამიანის ენის გამოყენებით უპასუხონ. მათ ყველაფრის დაწერა შეუძლიათ, დაწყებული CV-ებითა და რეკომენდაციებით, დამთავრებული კომპიუტერული კოდითა და სტუდენტური ესეებით.
AI ჩათბოტების პოპულარობა ყოველდღიურად იმატებს. OpenAI-ის ცნობით, ChatGPT-ის, რომელიც 2022 წლის ნოემბერში ამოქმედდა, ერთ კვირაში მილიონზე მეტი მომხმარებელი ჰყავდა.
ChatGPT-ის პოპულარობისა და წარმატების შემდეგ, თითქმის ყველა გიგანტმა კომპანიამ საკუთარი ხელოვნური ინტელექტისა და ჩათბოტების განვითარებაზე დაიწყო ზრუნვა. მაგალითად, Microsoft-მა ამაში მილიარდობით აშშ დოლარის ინვესტიცია ჩადო და საძიებო სისტემა Bing გააცოცხლა. კომპანია აპირებს, ხელოვნური ინტელექტი სხვა სერვისებსა და პროდუქტებშიც აქტიურად ჩართოს, როგორიცაა Word, Excel და Powerpoint.
Bard არის Google-ის ადრინდელი ენობრივი მოდელის, Lamda-ს შთამომავალი, რომელიც ფართო საზოგადოებისთვის არასდროს გამოქვეყნებულა. თუმცა დიდი ყურადღება მიიპყრო, როდესაც მასზე მომუშავე ერთ-ერთმა ინჟინერმა განაცხადა, რომ მისი პასუხები იმდენად დამაჯერებელი იყო, თითქოს რაღაცას გრძნობდა და რეალურად აზროვნებდა. Google-მა ინჟინერი მალევე გაათავისუფლა და პროექტიც შეაჩერა.
Google-ის პროდუქტის უფროსმა დირექტორმა, ჯეკ კრაუჩიკმა განაცხადა, რომ Bard ექსპერიმენტია და იმედოვნებს, რომ ხალხი მას შემოქმედების წყაროდ გამოიყენებს.
ChatGPT-ის ცოდნის მონაცემთა ბაზა მხოლოდ 2021 წლამდე ვრცელდება, ამიტომ მას არ შეუძლია, მაგალითად, თურქეთსა და სირიაში ბოლო მიწისძვრის შესახებ დასმულ კითხვებს უპასუხოს. Bard-ს კი ამ ინფორმაციაზეც აქვს წვდომა.
«ის დაპროგრამებულია ისე, რომ შეურაცხმყოფელ მოთხოვნებს არ უპასუხოს და აქვს ფილტრები, რათა მავნე, უკანონო, სექსუალურად გამოხატული ან პერსონალურად იდენტიფიცირებული ინფორმაციის გაზიარება თავიდან აიცილოს. თუმცა ხარვეზები აუცილებლად იქნება», — თქვა Google Research-ის ვიცე-პრეზიდენტმა, ზუბინ ღაჰრამანმა.
Google ამბობს, რომ Bard-ს ყურადღებით დააკვირდება, რათა დარწმუნდეს, რომ ის კომპანიის AI პრინციპებს იცავს, რომელიც მიკერძოებისა ან დეზინფორმაციის გავრცელების თავიდან აცილებას გულისხმობს.
ის აზრის გამოხატვას ან პერსონაჟის კოპირებას ვერ შეძლებს, თუმცა ChatGPT-ის მსგავსად, სხვების წერის სტილის მიბაძვა შეეძლება.
dev.ge-ზე ვაკანსიების სერვისი ამოქმედდა
dev.ge-ზე ვაკანსიების სერვისი ამოქმედდა
თანამშრომლები Google-ის CEO-ს Bard-ის შესახებ ნაჩქარევი განცხადებების გამო აკრიტიკებენ
თანამშრომლები Google-ის CEO-ს Bard-ის შესახებ ნაჩქარევი განცხადებების გამო აკრიტიკებენ
Google ChatGPT-ის კონკურენტ AI ჩატბოტს უშვებს, სახელწოდებით — Bard
Google ChatGPT-ის კონკურენტ AI ჩატბოტს უშვებს, სახელწოდებით — Bard
Bard AI-ის შეცდომამ Google-ს $100 მილიარდი დააკარგინა
Bard AI-ის შეცდომამ Google-ს $100 მილიარდი დააკარგინა
