ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!
სიახლეების განყოფილებამსოფლიო
13 მარტი 2023, 12:00
2023-03-13
კრაკერებმა AT&T-ის მილიონობით მომხმარებლის სახელი და ტელეფონის ნომერი გამოაქვეყნეს
მონაცემთა გატეხვა, კიბერდანაშაული, კრაკერები ჩვენი ონლაინ ცხოვრების განუყოფელი ნაწილი გახდა. თუ ის დაკავშირებულია სერვერთან, რომელიც მილიონობით მომხმარებლის პერსონალურ ინფორმაციას ინახავს, კრაკერები ყველაფერს აკეთებენ, რომ დაცვითი მექანიზმი მოარყიონ და მონაცემები სრულად აითვისონ. უკვე უამრავი შემთხვევა ვნახეთ, როცა კომპანიის, ერთი შეხედვით, სუსტი დაცვითი მექანიზმის გამო უდანაშაულო მომხმარებლები დაზარალდნენ. მსგავსი რამ სატელეკომუნიკაციო, მედია და ტექნოლოგიური სერვისების მიმწოდებელ AT&T-საც შეემთხვა.
მონაცემთა გატეხვა, კიბერდანაშაული, კრაკერები ჩვენი ონლაინ ცხოვრების განუყოფელი ნაწილი გახდა. თუ ის დაკავშირებულია სერვერთან, რომელიც მილიონობით მომხმარებლის პერსონალურ ინფორმაციას ინახავს, კრაკერები ყველაფერს აკეთებენ, რომ დაცვითი მექანიზმი მოარყიონ და მონაცემები სრულად აითვისონ. უკვე უამრავი შემთხვევა ვნახეთ, როცა კომპანიის, ერთი შეხედვით, სუსტი დაცვითი მექანიზმის გამო უდანაშაულო მომხმარებლები დაზარალდნენ. მსგავსი რამ სატელეკომუნიკაციო, მედია და ტექნოლოგიური სერვისების მიმწოდებელ AT&T-საც შეემთხვა.
AT&T-მ თავის 9 მილიონ მომხმარებელს ელექტრონული წერილი გაუგზავნა და ისინი კრაკერების მასობრივი შემოტევის შესახებ გააფრთხილა. მიღებული ელფოსტა მომხმარებლებმა AT&T-ის ფორუმებზე განიხილეს, უმრავლესობა თვლიდა, რომ ეს ფიშინგის სქემის ერთ-ერთი ნაწილი იყო, ამიტომ წერილების გახსნას მოერიდნენ. თუმცა, მოგვიანებით კომპანიამ დაადასტურა, რომ თავდასხმა რეალურად განხორციელდა და ელფოსტაც მათი გაგზავნილი იყო.
ზემოქმედების ქვეშ მოქცეულ მომხმარებლებს სენსიტიური CPNI (მომხმარებლის საკუთრების ქსელის ინფორმაცია) გაუვრცელეს, მათ შორის ტელეფონის ნომრები, სრული სახელები და ელფოსტის მისამართები. უფრო მგრძნობიარე ინფორმაცია, როგორიცაა გადახდის მეთოდები და სოციალური უსაფრთხოების ნომრები, კრაკერებმა არ გაავრცელეს.
ყველა მომხმარებელმა, რომელიც კიბერდანაშაულის მსხვერპლი გახდა, კომპანიისგან ელფოსტა მიიღო. AT&T-მ ყველა გააფრთხილა, რომ ამიერიდან CPNI-ის გამოყენებასა და მესამე მხარეებთან გაზიარებაზე უარის თქმა შეუძლიათ. დარღვევის შესახებ სამართალდამცავ ორგანოებსაც შეატყობინეს, თუმცა მომხმარებელთა პირადი ინფორმაცია მათთვის არ გაუზიარებიათ.
იანვარში Verizon-ის ერთ-ერთ მესამე მხარის გამყიდველს კრაკერები დაესხნენ თავს. შედეგად მიღებული მონაცემების უმრავლესობა ღია ფორუმზე გამოქვეყნდა, თუმცა ფაილი მომხმარებლების პირად ინფორმაციას არ შეიცავდა. Verizon-მა ამის შემდეგ გამყიდველთან ყოველგვარი კავშირი გაწყვიტა.
Anonymous: ჩვენ გავთიშეთ „ქართული ოცნების" და POSTV-ის საიტები
ანონომური ჰაკერების საერთაშორისო მოძრაობა Anonymous აცხადებს, რომ მათ გამორთეს პროპაგანდისტული მედია POSTV-ის და მმართველი პარტია «ქართული ოცნების» ვებსაიტები.
ინტერნეტის მოხმარება საქართველოში 2024 წლის დასაწყისში —DataReportal-ის ახალი ანგარიში
DataReportal-მა, რომელიც მომხმარებლებს გლობალური ციფრული ცხოვრების შესახებ სტატისტიკებსა და კონკრეტულ ციფრებს სთავაზობს, სხვადასხვა საინტერესო მონაცემის მიხედვით შეაჯამა, თუ როგორია ციფრული ცხოვრება საქართველოში 2024 წლის დასაწყისში.
