პორტუგალიაში, ქალაქ ლისაბონში ტექნოლოგიურ სამყაროში ყველაზე მნიშვნელოვანი და მასშტაბური კონფერენცია, Web Summit დაიწყო, რომელიც 13-დან 16 ნოემბრამდე გაგრძელდება. მას მსოფლიოს 160 ქვეყნიდან 70 000 ადამიანი ესწრება — ასეულობით სტარტაპი და ტექნოლოგიური ორგანიზაცია. მათ შორის, არაერთი სტარტაპი და საერთაშორისო სტატუსის მქონე კომპანია საქართველოდან.
პორტუგალიაში, ქალაქ ლისაბონში ტექნოლოგიურ სამყაროში ყველაზე მნიშვნელოვანი და მასშტაბური კონფერენცია, Web Summit დაიწყო, რომელიც 13-დან 16 ნოემბრამდე გაგრძელდება. მას მსოფლიოს 160 ქვეყნიდან 70 000 ადამიანი ესწრება — ასეულობით სტარტაპი და ტექნოლოგიური ორგანიზაცია. მათ შორის, არაერთი სტარტაპი და საერთაშორისო სტატუსის მქონე კომპანია საქართველოდან.
წლევანდელი Web Summit ქართული ტექნოლოგიური სამყაროსთვის ძალიან მნიშვნელოვანია — კოფერენციაზე სპიკერებსა და სტარტაპებს ვიხილავთ, რომლებიც შეეცდებიან მსოფლიოს საკუთარი ქვეყანა და პროდუქტი გააცნონ.
ნაწილობრივ ეს AI-ზე დაფუძნებული ინოვაციური სტარტაპის, Theneo-ს დამფუძნებლის, ანი რობაქიძის დამსახურებაა, რომელმაც საკუთარი პროდუქტი Web Summit-ის სტარტაპ კონკურსზე 2022 წელს წარადგინა და ყველაზე დიდი მოწონებაც დაიმსახურა.
ამჯერად ანი რობაქიძე სპიკერის ამპლუაში მოგვევლინება და დამსწრე საზოგადოებას წინა წლის კონფერენციის გამოცდილებაზე და საკუთარ სტარტაპის ამჟამინდელ მდგომარეობაზე მოუყვება.
მასთან ერთად, Web Summit-ის სცენაზე საქართველოს ეკონომიკისა და მდგრადი განვითარების მინისტრი, ლევან დავითაშვილი წარდგება.
ლისაბონში დაწყებულ კონფერენციაზე დამსწრე საზოგადოებას Enterprise Georgia-ის სტენდის ხილვაც შეეძლება. ცნობილია, რომ Web Summit-ს ქართული სტარტაპების გარდა, პირველი ნეო ბანკის, Space-სა და TBC UZ-ის წარმომადგენლებიც დაესწრებიან.
წლევანდელ კონფერენციაზე ქართული სტარტაპები რეკორდული რაოდენობით არიან წარმოდგენილნი.
გთავაზობთ ჩამონათვალს:
კონფერენციაში ასევე მონაწილეობენ საერთაშორისო სტატუსის მქონე IT კომპანიები: LineAte, Making Science •Sweeft, DevExperts, Leavingstone, Redberry.
Web Summit-ს ლისაბონში ირლანდიური კომპანია ატარებს, რომელსაც მსოფლიოში ერთ-ერთი საუკეთესო სტარტაპ პროგრამა, ALPHA აქვს. ისინი დაინტერესებულ და ამბიციურ სტარტაპებს ყველაზე მასშტაბურ კონფერენციაში მონაწილეობის შესაძლევლობას აძლევენ.
«ჩვენი სტარტაპ პროგრამა — ALPHA — შანსს გაძლევთ, შეუერთდეთ სტარტაპების გლობალურ საზოგადოებას, რომელთაგან თითოეული Web Summit-ის გუნდის მიერ არის შერჩეული — თავისი პოტენციალისა და უნიკალურიბის გამო». — ვკითხულობთ Web Summit-ის საიტზე.
წლევანდელი Web Summit დრამებით დატვირთულიცაა. Web Summit-ის აღმასრულებელი დირექტორი, პედი კოსგრეივი თანამდებობიდან გადადგა მას შემდეგ, რაც რამდენიმე დიდი კომპანია ყოველწლიურ ტექნოლოგიურ კონფერენციას გამოეთიშა. მიზეზი ისრაელ-ჰამასის ომთან დაკავშირებით კოსგრეივის გაკეთებული კომენტარები იყო. ახალი აღმასრულებელი დირექტორი Wikimedia Foundation-ის ყოფილი CEO, კატერინ მაიერია.
აღმასრულებელი დირექტორის თავდაპირველ კომენტარებს ტექნოლოგიური გიგანტების მხრიდან სწრაფი რეაქცია მოჰყვა, მათ შორის Google-ის მშობელი კომპანია Alphabet-ისგან, Meta-სგან, Siemens-სა და Amazon-სგან, რომლებმაც კონფერენცია დატოვეს, თუმცა ურთიერთშეთანხმების საფუძველზე ისინი Web Summit 2023-ზე აქტიურად იქნებიან წარმოდგენილნი.
