ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!
სიახლეების განყოფილებასტარტაპები
21 მაისი 2024, 11:39
2024-05-21
ArtOa — ქართული პლატფორმა, რომელიც კედლის მხატვრებისთვის ახალ კარიერას ქმნის
კედლის მხატვრობას ვხვდებით ყველგან: დიდ თუ პატარა ქალაქში როგორც საქართველოში, ისე საზღვარგარეთ, დიდი შენობების ფასადებზე, კედლებზე, მიწისქვეშა გადასასვლელებში, კომერციული ობიექტების შიდა თუ გარე ინტერიერში.
როგორ უნდა მოვიქცეთ, თუ გვინდა, ჩვენი სახლის ან მაგალითად, კაფეს კედელი მოვხატოთ? სად მოვძებნოთ არტისტი, რომელიც ამ რთულ და დელიკატურ სამუშაოს შეასრულებს?
სწორედ ამ საკითხის მოსაგვარებლად გიორგი ინწკირველმა და მარიამ ღოღაძემ შექმნეს ArtOa.io — პირველი ინოვაციური პლატფორმა, რომელიც კედლის მხატვრებსა და არტ ენთუზიასტებს ერთმანეთთან აკავშირებს. მისი ძირითადი მომხმარებლები ის ბიზნესები, ბრენდები და ცალკეული ადამიანები იქნებიან, რომლებსაც საკუთარ სივრცეებში კედლის მხატვრობის შეტანა სურთ.
კედლის მხატვრობას ვხვდებით ყველგან: დიდ თუ პატარა ქალაქში როგორც საქართველოში, ისე საზღვარგარეთ, დიდი შენობების ფასადებზე, კედლებზე, მიწისქვეშა გადასასვლელებში, კომერციული ობიექტების შიდა თუ გარე ინტერიერში.
როგორ უნდა მოვიქცეთ, თუ გვინდა, ჩვენი სახლის ან მაგალითად, კაფეს კედელი მოვხატოთ? სად მოვძებნოთ არტისტი, რომელიც ამ რთულ და დელიკატურ სამუშაოს შეასრულებს?
სწორედ ამ საკითხის მოსაგვარებლად გიორგი ინწკირველმა და მარიამ ღოღაძემ შექმნეს ArtOa.io — პირველი ინოვაციური პლატფორმა, რომელიც კედლის მხატვრებსა და არტ ენთუზიასტებს ერთმანეთთან აკავშირებს. მისი ძირითადი მომხმარებლები ის ბიზნესები, ბრენდები და ცალკეული ადამიანები იქნებიან, რომლებსაც საკუთარ სივრცეებში კედლის მხატვრობის შეტანა სურთ.
dev.ge-სთან ArtOa-ს დამფუძნებელმა და აღმასრულებელმა დირექტორმა, გიორგი ინწკირველმა სტარტაპის იდეაზე, მუშაობის მექანიზმზე, მნიშვნელობასა და სამომავლო გეგმებზე დეტალურად ისაუბრა.
გიორგი გვიყვება, რომ ArtOa, როგორც არტისტებისთვის, რომელთაც სფეროში თავის დამკვიდრება სურთ, ასევე ბიზნესისთვის თანაბრად სასარგებლოა. პლატფორმა უკვე ოფიციალურადაც გაშვებულია. ამასთან, ბაზას ეტაპობრივად ემატებიან არტისტები, სწორდება მცირე ხარვეზები.
გიორგი ინწკირველი
«პლატფორმა ყველასთვის ხელმისაწვდომია. MVP-ისთვის პატარა ხარვეზები ჩვეულებრივი ამბავია და მათ ყოველდღიურად ვასწორებთ. რაც მთავარია, არტისტების დარეგისტრირება დავიწყეთ — როდესაც დამკვეთი პლატფორმაზე შემოდის, იქ შემსრულებელი უნდა დახვდეს, რომელთა რაოდენობაც ArtOa-ზე ეტაპობრივად იზრდება. საბოლოო ნაბიჯი გადახდის სისტემის დამატება იყო, რამაც პლატფორმა სრულყოფილი გახადა».
მისი თქმით, სტარტაპის შექმნის იდეა რამდენიმე თვის წინ გაუჩნდა, მის განხორციელებას კი მალევე შეუდგა.
გიორგი ინწკირველი
«ხელოვნებასთან ახლოს არ ვარ, თუმცა full-stack დეველოპმენტსა და ბიზნეს პროცესებში უკვე 6 წელია, აქტიურად ვარ ჩართული. მთელი ციკლი პრობლემის აღმოჩენა და მისი გადაჭრის გზის პოვნაა — სწორედ ამ ძიების პროცესმა მომცა ArtOa-ს შექმნის ინსპირაცია. კედლის მხატვრის პროფესია ოფიციალურად არ არსებობს, ამიტომ, შეიძლება ითქვას, რომ ჩვენი პლატფორმა გლობალურ ბაზარზე ახალ კარიერას ქმნის».
მისივე თქმით, უშუალოდ ვებსაიტი გაშვებულიც არ იყო, როცა სოციალური მედიის პლატფორმებზე უკვე დიდი პოპულარობით სარგებლობდა იმ ადამიანებში, რომლებსაც ArtOa-ს მიერ შეთავაზებული სერვისი აინტერესებდათ — ამ დროისთვის სტარტაპმა 25-მდე მხატვარი და დამკვეთი დააკავშირა.
გიორგი ინწკირველი
«სტარტაპისთვის, რომელიც ჯერ ახლა იბადება, ადრეულ ეტაპზე შეკვეთების შესრულება უდიდესი წინგადადგმული ნაბიჯია. ჩვენი ირიბი კონკურენტებისგან განსხვავებით, AI ტექნოლოგია გვაქვს, რომელიც მომხმარებელს 1 წუთში სთავაზობს იმ ვარიაციებს, რომლებიც შეიძლება, მისთვის მისაღები იყოს».
ArtOa-ზე შესვლისას მომხმარებელი შეკვეთის ფორმას ავსებს, სადაც დაახლოებით 5 ნაბიჯის გადადგმა უწევს — უნდა თქვას, ინდივიდუალური პირია თუ ბიზნესის წარმომადგენელი, რამდენია კედლის კვადრატულობა, უნდა ატვირთოს კედლის ფოტო და ა.შ. გიორგის თქმით, ამ პროცესის დასრულების შემდეგ ალგორითმი 1 წუთში მომხმარებლისთვის ყველაზე მისაღებ ესკიზს შექმნის.
გიორგი გვიხსნის, რომ არტისტის პოვნისა და საქმის შესრულების ტრადიციული პროცესი 2-დან 3 თვემდე გრძელდება, რაც ზოგჯერ კლიენტისთვის არაკომფორტულია. ArtOa-ს ტექნოლოგია ამ დროს საგრძნობლად ამცირებს, რაც დამკვეთის კმაყოფილებას ერთიორად ზრდის.
გიორგი ინწკირველი
«ჩვენი პლატფორმის წყალობით არტისტის პოვნისა და საქმის შესრულების პროცესი, ტრადიციული მიდგომისგან განსხვავებით, რამდენიმე დღეშია შესაძლებელი. თქვენთვის მორგებული ხელოვანის პოვნა ძალიან მარტივია — ArtOa-ს საიტზე მათი პორტფოლიოა ატვირთული, სადაც ძირითად აქცენტი არტისტების გამოცდილებასა და ხატვის სტილზეა გაკეთებული».
მისივე თქმით, ArtOa-ს, როგორც სტარტაპის გეგმა იმ ნაწილზე ყოველდღიური მუშაობაა, რომელიც ინვესტორებს დააინტერესებთ, რაც მათ გლობალურ ბაზარზე გასვლის შესაძლებლობას მისცემს.
გიორგი ინწკირველი
«ჩვენი სტარტაპის ძალიან საინტერესო ნაწილია, რომ ჯერ ახლა იქმნება, მაგრამ ინვესტორებისთვის უკვე საინტერესოა. ვერ ვისაუბრებ ვინ და როგორ, თუმცა ინტერესი ნამდვილად არსებობს. საქართველოს ბაზარი ტესტირებისთვის იდეალურია და დანამდვილებით შემიძლია ვთქვა, რომ ჩვენი პროდუქტი ამ ბაზარზე მოთხოვნადია. რა თქმა უნდა, სამომავლოდ საზღვრების გაფართოება გლობალურ ბაზარზე გასვლა გვსურს».
სტარტაპის გაშვებიდან ინვესტიციების მოზიდვამდე — რა უნდა იცოდნენ ახალგაზრდა ანტრეპრენერებმა
ავტორი: ვალერია ვაგოროვსკა. ბლოგი თავდაპირველად გამოქვეყნდა dev.ua-ზე.
იმისათვის, რომ ბიზნესიდეა რეალობად აქციოთ, წლობით ნაგროვები ცოდნა და გამოცდილება დაგჭირდებთ. მაგრამ ესეც ცოტა იქნება. ნებისმიერ შემთხვევაში, ბევრი მუშაობაა საჭირო.
გიორგი ტუხაშვილის სახელობის სტარტაპ დაჯილდოებაზე რეგისტრაცია დაიწყო
2024 წლის 28 მაისს, თბილისში გიორგი ტუხაშვილის სახელობის სტარაპ დაჯილდოება გაიმართება — რეგისტრაცია დღეიდან ღიაა, როგორც საკუთარი თავის კანდიდატურის წარდგენისთვის, ასევე, სხვების ნომინირებისთვის.
ლილი ფულარიანი: რუსული კანონი მოწყვლადი ჯგუფების ცხოვრებას კიდევ უფრო გაართულებს
«ციფრული ცოდნის გამავრცელებელი ქალების» დამფუძნებელი, ლილი ფულარიანი, რომელიც სოფლად მცხოვრებ ქალებსა და ბავშვებს ინტერნეტთან მუშაობას ასწავლის და ციფრული უნარების გამომუშავებაში ეხმარება, რუსული კანონის მეორედ დაინიციირებაზე ამბობს, რომ წინა წლის შემდეგ არაფერი შეცვლილა და კანონს ახლაც უარყოფითად აფასებს.
