ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

Helio.AI — რეკრუტინგის ინოვაციური სისტემა — ინტერვიუ თანადამფუძნებელთან, ნათია ქუხილავასთან

ხელოვნური ინტელექტი, ეტაპობრივად, ყველა სფეროს განუყოფელი ნაწილი ხდება. გამონაკლისი არც რეკრუტინგია — ქართულ ბაზარზე პირველი ინოვაციური სტარტაპი Helio.AI გამოჩნდა, რომელიც HR ეკოსისტემაში ახალ ნაბიჯებს დგამს და მის გაციფრულებას იწყებს. ცხადია, კომპანია ამას  ხელოვნური ინტელექტის გამოყენებით ახერხებს. 

dev.ge-სთან ინტერვიუში Helio.AI-ის თანადამფუძნებელმა, ნათია ქუხილავამ დეტალურად ისაუბრა, რა არის და როგორ მუშაობს სტარტაპი და რას შეცვლის ის დასაქმების ქართულ ბაზარზე. 

კომენტარის დატოვება
Helio.AI — რეკრუტინგის ინოვაციური სისტემა — ინტერვიუ თანადამფუძნებელთან, ნათია ქუხილავასთან

ხელოვნური ინტელექტი, ეტაპობრივად, ყველა სფეროს განუყოფელი ნაწილი ხდება. გამონაკლისი არც რეკრუტინგია — ქართულ ბაზარზე პირველი ინოვაციური სტარტაპი Helio.AI გამოჩნდა, რომელიც HR ეკოსისტემაში ახალ ნაბიჯებს დგამს და მის გაციფრულებას იწყებს. ცხადია, კომპანია ამას  ხელოვნური ინტელექტის გამოყენებით ახერხებს. 

dev.ge-სთან ინტერვიუში Helio.AI-ის თანადამფუძნებელმა, ნათია ქუხილავამ დეტალურად ისაუბრა, რა არის და როგორ მუშაობს სტარტაპი და რას შეცვლის ის დასაქმების ქართულ ბაზარზე. 

რა არის და როგორ დაფუძნდა Helio.AI?

Helio.AI რეკრუტინგის მართვის სისტემაა, რომელიც ხელოვნური ინტელექტის გამოყენებით კომპანიებს პროცესების ავტომატიზაციაში ეხმარება. ის კონკრეტულ პოზიციაზე შესაბამისი ადამიანების შერჩევის პროცესს ამარტივებს და აჩქარებს. 

ჰელიო სულ რამდენიმე თვის წინ დაფუძნდა. დღეს მსხვილ რითეილ კომპანიებთან უკვე აქტიურად ვთანამშრომლობთ.

როგორ გაგიჩნდათ იდეა, შეგექმნათ ეს პლატფორმა?

რუტინულ, ყოველდღიურ საქმიანობაში ასობით რეზიუმეს მიღება, გადარჩევა, ბევრი რეკრუტერის პრობლემაა. 

ჩემი გუნდის წევრებს და თანადამფუძნებლებსაც მსგავსი პრობლემა ხშირად ჰქონიათ — მიღებული ასობით რეზიუმე, დახარჯული საათები და დღეები უბრალოდ რუტინული საქმის შესასრულებლად.

სწორედ ერთ-ერთი მსგავსი შემთხვევის დროს დაიბადა იდეაც, დავიწყეთ მსგავსი სისტემების ძებნა. თუმცა, ქართულ ენაზე გაწვრთნილი ხელოვნური ინტელექტის არ არსებობის გამო ჩვენს რეალობას ვერცერთი პლატფორმა ვერ მოვარგეთ.

ბევრი არ გვიფიქრია და Helio.AI-ის შექმნას შევუდექით.

Helio AI-ის გუნდი

რა არის ამ სერვისის მთავარი იდეა და მიზანი?

თავდაპირველი იდეა მხოლოდ ის იყო, რომ რეკრუტერებისთვის რეზიუმეების კითხვის რუტინული პროცესი აგვერიდებინა და მათ სამუშაო პროცესში უფრო კრეატიული და საინტერესო საქმეებისთვის მეტი დრო ჰქონოდათ. თუმცა, მუშაობის პროცესში მივხვდით, რომ პრობლემა ბევრად მასშტაბურია — კომპანიები სტანდარტულად ეძებენ თანამშრომლებს, ვერ ითვალისწინებენ მათ პიროვნულობას და ხშირად ხდება, რომ შერჩეული ადამიანები ახლოს არ არიან კომპანიის კულტურასთან, ხედვასთან და ღირებულებებთან.

ამიტომ, გადავწყვიტეთ, რეკრუტინგის პროცესში დამატებით შემოვიტანოთ პიროვნებისა და კომპანიის თავსებადობის განსაზღვრა, რაც რეკრუტერებს კიდევ უფრო სწორი გადაწყვეტილების მიღებაში დაეხმარება.

დღესჰ ელიოს მიზანია, რეკრუტერებს ყოველდღიური სამუშაო გაუმარტივოს და მათ უფრო ეფექტური გადაწყვეტილებების მიღებაში დაეხმაროს.

რა უპირატესობა ექნება HR-ს, რომელიც ტრადიციული მეთოდების ნაცვლად, თქვენს პლატფორმას გამოიყენებს?

Helio.AI-ს გამოყენებით რეკრუტერი ზოგავს ყველაზე მთავარს — დროს და უჩნდება რესურსი ბევრად უფრო მნიშვნელოვანი საკითხებისთვის, როგორიცაა კანდიდატებთან კომუნიკაცია, სამუშაო პროცესის სწორად დაგეგმა და წარმართვა.

სისტემას შეუძლია, სულ რამდენიმე წამში ასობით ქართული და ინგლისური რეზიუმე გადაარჩიოს, ბაზა მოამზადოს და მოთხოვნებთან შესაბამისობის მიხედვით დაალაგოს.

ასევე, რეკრუტერს ერთ სისტემაში ყველა მიღებული კანდიდატის CV ექნება და მათ მარტივად მოძებნასა და გამოყენებას ნებისმიერ დროს შეძლებს. 

გყავთ თუ არა კონკურენტები და რით განსხვავდებით მათგან?

საქართველოს ბაზარზე ჩვენი მსგავსი კომპანია არ არსებობს, თუმცა მსოფლიოს მასშტაბით, რასაკვირველია, გვყავს კონკურენტები.

ჰელიოს ერთ-ერთი მნიშვნელოვანი უპირატესობაა, რომ მას, კონკურენტებისგან განსხვავებით, ინგლისურთან ერთად, ქართული ვაკანსიებისა და რეზიუმეების ანალიზიც შეუძლია.

თუმცა, მთავარი განმასხვავებელი მაინც ის სიტუაციური თამაშებია, რომელსაც ჩვენი გუნდი ახლა უნიკალურ და ინოვაციურ მეთოდებზე დაყრდნობით ქმნის, რითაც პოტენციური თანამშრომლის რბილი უნარები, პიროვნულობა და კომპანიასთან კულტურული შესაბამისობა.

რა არის Helio.Ai-ს სამომავლო გეგმები და მიზნები?

Helio.AI სულ რამდენიმე კვირის წინ გაეშვა და უახლოესი გეგმები პროდუქტის დახვეწასთან ერთად ქართულ ბაზარზე ზრდას უკავშირდება, თუმცა ჩვენი მიზნები ბევრად მასშტაბურია და ამაზე გაჩერებას არ ვაპირებთ. გვსურს, რეკრუტინგის პროცესი არა მხოლოდ საქართველოში, არამედ მსოფლიოში სრულიად შევცვალოთ.

ეს არ იქნება მარტივი პროცესი, თუმცა იქნება ძალიან საინტერესო, მით უფრო ისეთ გუნდთან ერთად, როგორიც ჰელიოშია.

რას ფიქრობთ AI-ის როლზე თქვენს საქმიანობაში? 

AI აღარაა მომავლის ტექნოლოგია, მიუწვდომელი და შორეული, რომელზეც უბრალოდ მითები არსებობდა ან კინოებში ვხედავთ, ის უკვე დღევანდელობაა და თითოეული ადამიანი პირდაპირ თუ ირიბად მას ყოველდღიურად იყენებს.

ყველაზე მეტად ამ ტექნოლოგიაში ის მხიბლავს, რომ არ აქვს საზღვრები და ნებისმიერ სფეროზე შეიძლება უდიდესი გავლენა იქონიოს.

ბოლო დროს ChatGpt-ის გამოჩენამ ხელოვნური ინტელექტისადმი დამოკიდებულება განსაკუთრებით შეცვალა, რაც ავტომატურად ახალი ტექნოლოგიების შექმნას გამოიწვევს.

AI-სთან ერთად ტექნოლოგიების სფეროს მომავალი იმაზე უფრო საინტერესო და მრავალფეროვანი ჩანს, ვიდრე ოდესმე. 

გასაუბრების 9 გავრცელებული კითხვა და როგორ ვუპასუხოთ მათ
გასაუბრების 9 გავრცელებული კითხვა და როგორ ვუპასუხოთ მათ
თემის მიხედვით
გასაუბრების 9 გავრცელებული კითხვა და როგორ ვუპასუხოთ მათ
როგორ უნდა მოემზადო გასაუბრებისთვის თუ თამაშების დეველოპერი ხარ
როგორ უნდა მოემზადო გასაუბრებისთვის, თუ თამაშების დეველოპერი ხარ
თემის მიხედვით
როგორ უნდა მოემზადო გასაუბრებისთვის, თუ თამაშების დეველოპერი ხარ
კურსები Java-ს Python-ისა და SQL-ის გასაუბრებებისთვის მოსამზადებლად
კურსები Java-ს, Python-ისა და SQL-ის გასაუბრებებისთვის მოსამზადებლად
თემის მიხედვით
კურსები Java-ს, Python-ისა და SQL-ის გასაუბრებებისთვის მოსამზადებლად


ასევე წაიკითხეთ
GITA-ს მხარდაჭერითა და StrategEast-ის ორგანიზებით,  საქართველოში Microsoft for Startups ღონისძიება გაიმართება
GITA-ს მხარდაჭერითა და StrategEast-ის ორგანიზებით, საქართველოში Microsoft for Startups ღონისძიება გაიმართება
GITA-ს მხარდაჭერითა და StrategEast-ის ორგანიზებით, საქართველოში Microsoft for Startups ღონისძიება გაიმართება
გიორგი ტუხაშვილის სახელობის სტარტაპ დაჯილდოებაზე რეგისტრაცია დაიწყო
გიორგი ტუხაშვილის სახელობის სტარტაპ დაჯილდოებაზე რეგისტრაცია დაიწყო
გიორგი ტუხაშვილის სახელობის სტარტაპ დაჯილდოებაზე რეგისტრაცია დაიწყო
Viber-ის AI-ით გაძლიერებული ფუნქცია, ჯგუფური ჩატების მოკლე შინაარს მყისიერად შეაჯამებს
Viber-ის AI-ით გაძლიერებული ფუნქცია, ჯგუფური ჩატების მოკლე შინაარს მყისიერად შეაჯამებს
Viber-ის AI-ით გაძლიერებული ფუნქცია, ჯგუფური ჩატების მოკლე შინაარს მყისიერად შეაჯამებს
ლილი ფულარიანი: რუსული კანონი მოწყვლადი ჯგუფების ცხოვრებას კიდევ უფრო გაართულებს
ლილი ფულარიანი: რუსული კანონი მოწყვლადი ჯგუფების ცხოვრებას კიდევ უფრო გაართულებს
ლილი ფულარიანი: რუსული კანონი მოწყვლადი ჯგუფების ცხოვრებას კიდევ უფრო გაართულებს
განხილვა
კომენტარები ჯერ არაა.