ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

Tasteit — ქართული სტარტაპი, რომელიც ადამიანებს საკვებით აკავშირებს

2023 წლის ნოემბერში ლისაბონში, მსოფლიოს ყველაზე დიდ და მნიშვნელოვან სტარტაპ კონფერენციასა და კონკურსზე Web Summit მიიწვიეს ქართული სტარტაპი tasteit

tasteit გაცნობის აპლიკაციაა, რომელიც ცვლის აქამდე ამ კუთხით არსებულ პრინციპს და ადამიანებს შორის მთავარ დამაკავშირებელ ელემენტად საჭმელი შემოაქვს. ის აკავშირებს საჭმლის მეგობრებს — connecting foodmates.

კომენტარის დატოვება
Tasteit — ქართული სტარტაპი, რომელიც ადამიანებს საკვებით აკავშირებს

2023 წლის ნოემბერში ლისაბონში, მსოფლიოს ყველაზე დიდ და მნიშვნელოვან სტარტაპ კონფერენციასა და კონკურსზე Web Summit მიიწვიეს ქართული სტარტაპი tasteit

tasteit გაცნობის აპლიკაციაა, რომელიც ცვლის აქამდე ამ კუთხით არსებულ პრინციპს და ადამიანებს შორის მთავარ დამაკავშირებელ ელემენტად საჭმელი შემოაქვს. ის აკავშირებს საჭმლის მეგობრებს — connecting foodmates.

tasteit-ის დამაარსებლის, გიორგი ურუშაძის თქმით, სტარტაპის იდეა დაახლოებით ორი წლის წინ დაებადა, როდესაც ბერლინში, სარეკლამო კომპანია Oglivy-ში Burger King-ისა და Food Panda-ს სარეკლამო კამპანიებზე მუშაობდა.

«ჩემი პროფესია არტ დირექტორია და მევალება, მქონდეს კრეატიული იდეები. შესაბამისად, ბრეინშტორმინგის დროს რაღაც იდეებს ვიგონებ ხოლმე. მაქვს მეთოდი: სიტყვებს ვწერ ფურცელზე და ხანდახან ამ სიტყვებს ვაერთებ.

სწორედ ამ პროცესის დროს შევაერთე სიტყვები Dating (პაემანი) და Food (საკვები).

ამ დროს დამებადა აპლიკაციის იდეა, რომელიც არ იყო განკუთვნილი სამუშაოსთვის.

სარეკლამო კამპანიისთვის აპლიკაციას ვერ შექმნი. მივხვდი, რომ შეიძლებოდა კარგი სტარტაპ იდეა ყოფილიყო.

იმდენად ვიყავი აღტაცებული იდეით, რომ  გარშემო ყველას ვუზიარებდი.

პირდაპირ დავიწყე მუშაობა. დავუკავშირდი ბრიტანელ დეველოპერებს, რომლებიც აპლიკაციებს აწყობენ. იმ დღესვე ვნახე განცხადება, რომ საქართველოში პირველად იწყებოდა პროექტი «შარქ თენქი და განაცხადი შევავსე. მახსოვს, სამ დღეში თბილისში გამოვფრინდი, რომ შარქ თენქში გავსულიყავი». — იხსენებს გიორგი.

გაცნობის სხვა აპლიკაციებისგან განსხვავებით, tasteit-ის მომხმარებლები ერთმანეთს კულინარიული გემოვნების მიხედვით პოულობენ. გიორგი ურუშაძის თქმით, tasteit საკვების სოციალური ქსელია, რომელიც გაცნობის აპლიკაციებისგან განსხვავებით, აქრობს რომანტიკულ კონტექსტს.

«ვამბობთ, რომ ვხსნით იმ უხერხულობას, რომელიც არის ხოლმე პირველ პაემანზე. როცა შეხვდები ვინმეს tasteit-იდან, ეს რომანტიკული პაემანი არ იქნება. შეიძლება გადაიზარდოს, ცხადია, სრული თავისუფლება გვაქვს, თუმცა, კომპლექსი თავიდანვე მოხსნილია.

შენ ხვდები ვინმეს, რომ დალიო კაპუჩინო ან კოქტეილი, მიირთვა საყვარელი კერძი. ამით უფრო მარტივს ვხვდით კომუნიკაციას და გვჯერა, რომ კვების შემოტანით ადამიანებს ვაძლევთ პლატფორმას, სადაც ერთმანეთს ძალიან ბუნებრივ გარემოში გაიცნობენ». 

ადამიანების ინტერაქციის ფორმები გამუდმებით იცვლება. ტექნოლოგიებმა ერთის მხრივ, გააქრო მანძილი და დაგვაახლოვა ადამიანებს, რომლებთანაც შეიძლება, ოკეანეც კი გვაშორებდეს. თუმცა, მეორე მხრივ, საგრძნობლად შეამცირა ცოცხალი ინტერაქციის ელემენტი.

სწორედ ამიტომ, tasteit-ს არ აქვს გამოძახების სერვისი —  სტარტაპი მომხმარებლებს მოუწოდებს, ერთმანეთს რესტორნებში, ბარებში, კაფეებში, რეალურ გარემოში შეხვდნენ.

როგორ მუშაობს tasteit?

აპლიკაცია tinder-ის მსგავსი პრინციპით მუშაობს. თუმცა, აქ ადამიანების ნაცვლად მომხმარებლები იწონებენ ან არ იწონებენ კერძებს ან სასმელებს, რომლებიც რეალურ რესტორნებში, კაფეებსა და ბარებშია გადაღებული.

«თუმცა, ეს არ არის უბრალოდ ფოტო. რესტორანი ქმნის კრეატიულ კონტენტს. შეიძლება, შეფი საუბრობდეს კონკრეტულ კერძზე, იყოს რაღაც გიფი, ვიდეო. მთავარი გმირი ამ დროს არის კერძი და არა რესტორანი. თუმცა, მომხმარებელს შეუძლია, კერძის გავლით რესტორნის გვერდზე გადავიდეს და სრული ინფორმაცია ნახოს». — ამბობს გიორგი ურუშაძე.

თუკი კონკრეტული მომხმარებელი და მასთან ერთად რომელიმე ადამიანი ერთსა და იმავე კერძს მოიწონებს, ისინი ამ კერძის გამომწერები ხდებიან. ასე ირჩევიან «შესაფერისი» ადამიანები (match). კერძებს ინფლუენსერის როლი ენიჭებათ და ადამიანებს შეუძლიათ, მომხმარებლის მიერ მოწონებული/გამოწერილი კერძები ერთმანეთის გვერდზე ნახონ.

კომუნიკაციის დაწყება მომხმარებლის პროფილზე გადასვლით და მესენჯერის გამოყენებით ხდება. ამასთან, აპლიკაციას აქვს ფუნქცია, განსაზღვროს, თუ ვინ იხდის თანხას — I pay (მე ვიხდი), You pay (შენ იხდი), We split (ვიყოფთ).

გარდა იმისა, რომ აპლიკაცია ახალი ადამიანების გაცნობის საშუალებას გვაძლევს, მისი გამოყენებით ახალი გემოების აღმოჩენაც ხდება შესაძლებელი. 

«მომხმარებელს შეუძლია, მიუთითოს, რომ მაგალითად, მისი ადგილსამყოფლიდან 300 მეტრში მოუძებნოს ვეგანური წვნიანი, ან ვეგანური ბურგერი. ასევე, მომხმარებელს შეუძლია, რომ, მაგალითად, მოწვევა გაუგზავნოს თავის 5 მეგობარს თავისი საყვარელი ბურგერის საჭმელად. შესაძლებელია აპლიკაციაშივე შეათანხმოთ დრო, დაჯავშნოთ რესტორანი და გაიყოთ თანხა».

tasteit-ის მომხმარებელთა აუდიტორია შეზღუდული არ არის, თუმცა, მთავარი აქცენტი მილენიალებზე და Gen Z-ზე კეთდება. ამასთან, მთავარ ფოკუსში გურმანები არიან, იმიტომ რომ, აპლიკაცია, პირველ რიგში კვების პლატფორმაა.

«გვგონია, რომ ორივე თაობისთვის ეს არის ისეთი პროდუქტი, რომელსაც გამოიყენებენ». — ამბობს გიორგი ურუშაძე. — «ტელეფონში გვაქვს აპლიკაციის პირველი ვერსია და როცა „ვასვაიპებთ“, გვშივდება. ჩვენი სამიზნე აუდიტორიაა ადამიანი, ვისაც შივდება ორნაირად — სოციალურად (უნდა ახალი ადამიანების გაცნობა) და ბუნებრივად (უნდა ახალი გემოების გასინჯვა)».

სტარტაპის შექმნას თან მრავალი სირთულე ახლავს. არც tasteit ყოფილა გამონაკლისი. გიორგი ურუშაძის თქმით, პირველი და მთავარი გამოწვევა იმ რისკზე წასვლაა, რომელიც სტარტაპის შექმნისას გარდაუვალია.

«როცა სტარტაპს იწყებ, ყველა შემთხვევაში რისკავ. თავიდან რომ დავიწყე, ძალიან აღფრთოვანებული ვიყავი იდეით და დღემდე ასე ვარ, იმიტომ, რომ თუ შენი იდეის შენვე არ გჯერა, გამორიცხულია, ვინმეს დააჯერო.

თუმცა ჩემთვის, ალბათ, მთავარი გამოწვევა ის არის, რომ კარიერაც მაქვს ბერლინში, ვმუშაობ სრულ განაკვეთზე და ვიცი, რომ ეს უნდა დავთმო. ამას უკვე ძალიან მალე ვაპირებ. თუმცა, ასე მარტივად ვერ ვთმობ კარიერას, იმიტომ რომ ჩემს უკან ბევრი პასუხისმგებლობა დგას, თუნდაც ოჯახის მიმართ, რომლის გამოც არ შემიძლია უბრალოდ ვთქვა, რომ აღარ ვმუშაობ, მხოლოდ ერთ საქმეზე ვიმუშავებ. არ არის საკმარისი სტარტაპისთვის ასე მუშაობა.

სრულ განაკვეთზე მუშაობაც კი არაა საკმარისი სტარტაპისთვის. ამიტომ არის ძალიან მნიშვნელოვანი, რომ მთელი რესურსი მას მოახმარო».

კიდევ ერთ მთავარ გამოწვევად გიორგი სტარტაპისთვის სწორი მექანიზმის მიგნებას მიიჩნევს. 

«tasteit თითქოს ჰგავს tinder-ს, თუმცა, „სვაიპინგ“ პრინციპი სულ არსებობდა და tinder-ის შემდეგ, ათასობით აპლიკაცია დაარსდა. რეალურად, უნიკალურ, ახალ პროდუქტს ვქმნით, რომელზეც, ვერ იტყვი, რომ მისი მსგავსი მსოფლიოს რომელიმე ქვეყანაში არსებობს, ჯერჯერობით. ამიტომ ძალიან მნიშვნელოვანი იყო, სწორი მექანიზმი გვეპოვა და მგონია, ამას მივაგენით. ეს კიდევ გამოჩნდება, როდესაც ბაზარზე მობილური აპლიკაცია ჩაეშვება. თუმცა, ეს იყო ერთ-ერთი მთავარი გამოწვევა».

tasteit არის აპლიკაცია, რომელსაც სჭირდება პარტნიორი რესტორნები, ბარები, კაფეები, ამიტომ მას არ აქვს საშუალება, პირდაპირ შექმნას აპლიკაცია და ჩაეშვას.

«ჩვენთან არის როგორც b2b ასევე b2c. ვყიდით როგორც მომხმარებელზე, ასევე, ბიზნესზე. ბიზნესი ჩვენთვის არის რესტორნები, ბარები, კაფეები, ამიტომ ახლა მოლაპარაკების პროცესში ვართ რესტორნებთან და ცხადია, ამას დრო მიაქვს. მიუხედავად იმისა, რომ კომუნიკაცია ჯერჯერობით ყველასთან ძალიან კარგად მიდის, არ გვქონია არანაირი შეფერხება, დროის ფაქტორია, იმიტომ რომ მოლაპარაკებების შემდეგ კონტენტის აპლიკაციაში განთავსებამდე საკმაოდ დიდი დრო გადის».

რამდენად დიდი შეიძლება გახდეს tasteit?

«ფიჩ ტექში, ჩემს პრეზენტაციაში მაქვს ერთი გვერდი, რომელიც არაფრით არ დავთმე. არის კითხვა — რამდენად დიდი შეიძლება გახდეს tasteit და გვიწერია, რომ tasteit არის საჭმლის tinder — ანუ გლობალური პროდუქტი».

გიორგი ურუშაძის თქმით, tasteit-ს აქვს პოტენციალი, გახდეს პირველი ქართული იუნიქორნი. იდეა თავისუფალი, მხიარული და ბუნებრივი, რაც მისი თქმით, ადამიანებს დააინტერესებს. «ქუჩაში რომ დავდივარ, ვხედავ, რომ ადამიანები ამას იყენებენ».

გიორგი გვიყვება, რომ მისი მთავარი მიზანი სტარტაპის საქართველოში ამოქმედება იყო.

«ეს იყო მთავარი ამბიცია. გერმანიაშიც შემეძლო, დამეწყო. თუმცა, მინდოდა, დაწყებულიყო საქართველოში, ყოფილიყო ქართული სტარტაპი და შემდეგ გასულიყო სხვა ქვეყნებში. როცა საქართველოში იწყებ, სხვანაირად ზრუნავ. უფრო გიყვარს, ვიდრე საზღვარგარეთ რასაც აკეთებ და ესაა მნიშვნელოვანი».

საქართველოს შემდეგ, tasteit-ის სამიზნე ბაზრებს გერმანია და აშშ წარმოადგენს.

«გვგონია, რომ როცა გერმანიას და ამერიკას მივაღწევთ, მერე არაფერი შეგვაჩერებს, რადგან როცა ერთ დიდ ქვეყანაში ბუმს მოახდენ, შემდეგ იდეის გავრცელება და ხალხის დარწმუნება მარტივი იქნება. ცხადია, სტარტაპის კეთება არც ერთ ეტაპზე არ არის მარტივი. თუმცა სასიამოვნოა, თუ ეს პროცესი გიყვარს». — ამბობს გიორგი ურუშაძე.

tasteit-ის მობილური აპლიკაცია საქართველოში 2023 წლის გაზაფხულზე გაეშვება. ასევე, იგეგმება ცალკე სარესტორნო აპლიკაციის შემუშავება, რომელიც რესტორანს ან კვების სხვა ობიექტს საშუალებას მისცემს, შექმნას კონტენტი და ატვირთოს აპლიკაციაში. ასევე, მართოს და მიიღოს ჯავშნები და გადახდები. 

dev.ge-ზე ვაკანსიების სერვისი ამოქმედდა
dev.ge-ზე ვაკანსიების სერვისი ამოქმედდა
თემის მიხედვით
dev.ge-ზე ვაკანსიების სერვისი ამოქმედდა
ქვიზი — იცნობთ თუ არა Founder Institute-ის პროგრამის სტარტაპებს?
ქვიზი — იცნობთ თუ არა Founder Institute-ის პროგრამის სტარტაპებს?
თემის მიხედვით
ქვიზი — იცნობთ თუ არა Founder Institute-ის პროგრამის სტარტაპებს?
როგორ მუშაობს DG Systems — ქართული აგრიტექ სტარტაპი
როგორ მუშაობს DG Systems — ქართული აგრიტექ სტარტაპი
თემის მიხედვით
როგორ მუშაობს DG Systems — ქართული აგრიტექ სტარტაპი
სიყვარული ტექნოლოგიებით - გაცნობის 6 აპლიკაცია
სიყვარული ტექნოლოგიებით — გაცნობის 6 აპლიკაცია
თემის მიხედვით
სიყვარული ტექნოლოგიებით — გაცნობის 6 აპლიკაცია
Theneo მასშტაბურ ტექნოლოგიურ კონფერენცია Web Summit-ზე
Theneo მასშტაბურ ტექნოლოგიურ კონფერენცია Web Summit-ზე
თემის მიხედვით
Theneo მასშტაბურ ტექნოლოგიურ კონფერენცია Web Summit-ზე


ასევე წაიკითხეთ
ირაკლი კობახიძე: ინოვაციურის სტატუსის მქონე სტარტაპებს 3 წლით გადასახადები გაუნულდებათ
ირაკლი კობახიძე: ინოვაციურის სტატუსის მქონე სტარტაპებს 3 წლით გადასახადები გაუნულდებათ
ირაკლი კობახიძე: ინოვაციურის სტატუსის მქონე სტარტაპებს 3 წლით გადასახადები გაუნულდებათ
საქართველოში განისაზღვრება ინოვაციური სტარტაპის სტატუსი და ამ სტატუსის მქონე კომპანიებს 3 წლის განმავლობაში ყველა გადასახადი გაუნულდებათ. ეს პრემიერ-მინისტრმა ირაკლი კობახიძემ საქართველოს ინოვაციების და ტექნოლოგიების სააგენტოს 10 წლის იუბილეზე თქვა. 
25 მარტს Startup Grind Tbilisi ბათუმში მორიგ ღონისძიებას გამართავს
25 მარტს Startup Grind Tbilisi ბათუმში მორიგ ღონისძიებას გამართავს
25 მარტს Startup Grind Tbilisi ბათუმში მორიგ ღონისძიებას გამართავს
25 მარტს Startup Grind Tbilisi ბათუმში მორიგი ღონისძიებით ბრუნდება  მათთვის, ვისაც სტარტაპის მართვის შიდა სამზარეულოსა და მამაკაცების მიერ დომინირებულ ტექნოლოგიების სფეროში ქალი დამფუძნებლის მოღვაწეობის თავისებურებებზე მეტის გაგება სურს.
მოგზაურობის ვირტუალური ასისტენტის, Biliki.AI-ის ფუნქციონალი განახლდა
მოგზაურობის ვირტუალური ასისტენტის, Biliki.AI-ის ფუნქციონალი განახლდა
მოგზაურობის ვირტუალური ასისტენტის, Biliki.AI-ის ფუნქციონალი განახლდა
მოგზაურობის ვირტუალური ასისტენტი, Biliki.AI მომხმარებლებს განახლებულ ფუნქციონალს სთავაზობს — უფრო სწრაფი და ჭკვიანი სამოგზაურო რეკომენდაციებით ტურის დაგეგმვის სიჩქარე 5 წამამდე შემცირდა.
ნახეთ, ვინ გაიმარჯვა ForSet-ის სიძულვილის ენის ჰაკათონში
ნახეთ, ვინ გაიმარჯვა ForSet-ის სიძულვილის ენის ჰაკათონში
ნახეთ, ვინ გაიმარჯვა ForSet-ის სიძულვილის ენის ჰაკათონში
ციფრულ სამყაროში ერთ-ერთი ყველაზე გავრცელებული პრობლემა გენდერის ნიშნით სიძულვილის ენის გამოყენება და სიძულვილით მოტივირებული ძალადობაა, რომელიც ქალებისა და კაცების მიმართ სხვადასხვანაირად ვლინდება. Საერთაშორისო კვლევებით დასტურდება, რომ ქალების მიმართ ამგვარი ძალადობა უფრო ხშირია. 
განხილვა
კომენტარები ჯერ არაა.