ქართული სტარტაპი Theneo ყველაზე მასშტაბურ ტექნოლოგიურ კონფერენციაში — Web Summit მონაწილეობს. თენეოს მიზანია, API დეველოპერებს გაუმარტივოს კოდის დოკუმენტაციის შექმნა. ამისთვის ის იყენებს ხელოვნურ ინტელექტს, რომელიც ეფუძნება მათ მიერ შემუშავებულ ბუნებრივი ენის დამუშავების ალგორითმების ძრავას. ხელოვნური ინტელექტი აანალიზებს პროგრამულ კოდს და დეტალურ აღწერას უკეთებს თითოეულ ველს და ფუნქციას.
ქართული სტარტაპი Theneo ყველაზე მასშტაბურ ტექნოლოგიურ კონფერენციაში — Web Summit მონაწილეობს. თენეოს მიზანია, API დეველოპერებს გაუმარტივოს კოდის დოკუმენტაციის შექმნა. ამისთვის ის იყენებს ხელოვნურ ინტელექტს, რომელიც ეფუძნება მათ მიერ შემუშავებულ ბუნებრივი ენის დამუშავების ალგორითმების ძრავას. ხელოვნური ინტელექტი აანალიზებს პროგრამულ კოდს და დეტალურ აღწერას უკეთებს თითოეულ ველს და ფუნქციას.
კონფერენცია ლისაბონში მიმდინარეობს და ესწრება 70 000 ადამიანი მთელი მსოფლიოდან, ასევე, ასეულობით სტარტაპი და ტექნოლოგიური კომპანია.
შერჩეულ სტარტაპებს შესაძლებლობა აქვთ, კონფერენციაზე ჰქონდეთ საკუთარი სტენდი და ასევე, მოიგონ ყველაზე მნიშვნელოვანი სტარტაპ კონკურსი, PITCH.
შეჯიბრი სამეტაპიანია. პირველ ეტაპზე ანა რობაქიძემ, თენეოს დამფუძნებელმა და აღმასრულებელმა დირექტორმა, ჟიურის წინაშე წარადგინა კომპანია, რომელიც სულ რამდენიმე თვის დაფუძნებულია და უკვე 3 000 კომპანიაზე მეტი მომხმარებელი ჰყავს.
PITCH-ის ფინალში მოსახვედრად კიდევ ერთი ეტაპია, მაგრამ როგორც dev.ge-ს უთხრეს, თენეოს პროდუქტით უკვე ბევრი კომპანია და რამდენიმე ინვესტორი დაინტერესდა.
