★ პარტნიორობა
დღევანდელ სწრაფად მზარდ და ცვალებად ციფრულ სამყაროში IT პროფესიონალებზე მოთხოვნა მუდმივად იზრდება — ინდუსტრიები ვითარდებიან და მოწინავე ტექნოლოგიებს ფეხს უწყობენ, შესაბამისად, საჭიროა მეტი პროფესიონალი კადრი. წარსული გამოცდილებიდან და ბაზრის ახალი მოთხოვნებიდან გამომდინარე, Skillwill-მა შექმნა სასწავლო დაწესებულება, რომლის დახმარებითაც ათობით ადამიანი უკვე დაეუფლა ახალ პროფესიას.
★ პარტნიორობა
დღევანდელ სწრაფად მზარდ და ცვალებად ციფრულ სამყაროში IT პროფესიონალებზე მოთხოვნა მუდმივად იზრდება — ინდუსტრიები ვითარდებიან და მოწინავე ტექნოლოგიებს ფეხს უწყობენ, შესაბამისად, საჭიროა მეტი პროფესიონალი კადრი. წარსული გამოცდილებიდან და ბაზრის ახალი მოთხოვნებიდან გამომდინარე, Skillwill-მა შექმნა სასწავლო დაწესებულება, რომლის დახმარებითაც ათობით ადამიანი უკვე დაეუფლა ახალ პროფესიას.
SkillwIll-ის შესახებ dev.ge-ს კომპანიის ბიზნესის განვითარების მიმართულების ხელმძღვანელი, დავით ჩქოტუა ესაუბრა.
Skillwill აკადემიის ისტორია 2018 წლიდან იწყება, როცა მისი დამფუძნებლები განათლების სფეროში სხვადასხვა ორგანიზაციას საკონსულტაციო მომსახურებას უწევდნენ. 2022 წელს მოხდა რებრენდინგი და გუნდი სქილვილის ბრენდის ქვეშ გაერთიანდა. ამავე წლის ზაფხულში აკადემიამ პირველი სტუდენტები მიიღო და დღეს გვყავს წარმატებული კურსდამთავრებულები, რომლებიც ნულიდან დაეუფლნენ ყველაზე მოთხოვნად პროფესიებს ტექნოლოგიურ ინდუსტრიაში.
სქილვილის შექმნის მიზანი დასაქმების ხელშეწყობა და ციფრული მიმართულებით განათლების დონის გაძლიერებაა. ჩვენ ვთვლით, რომ დღეს განათლება ყველასთვის თანაბრად ხელმისაწვდომი უნდა იყოს. სწორედ ამიტომ, ჩვენი ბიზნეს მოდელი ამ ღირებულებაზე დგას — სქილვილში სწავლა შესაძლებელია ონლაინ, დისტანციურად, არასამუშაო დროს და სულ რაღაც 599 ლარად
სქილვილში კურსები იყოფა სამი მიმართულებით: პროგრამირება, ციფრული მარკეტინგი და ხელოვნური ინტელექტი. ადამიანებს, ვისაც სურთ ნულიდან, ყოველგვარი გამოცდილების გარეშე ისწავლონ პროგრამირება, შეუძლიათ გაიარონ პროგრამირების საბაზისო კურსი და 7 თვეში დასაქმდნენ დამწყები დეველოპერის პოზიციაზე. გარდა ამისა, გვაქვს 3 თვიანი კურსები: ბექენდ დეველოპმენტი, ფრონტენდ დეველოპმენტი, ციფრული პროდუქტების ტესტირება, IT პროექტების მენეჯმენტი, UX/UI დიზაინი.
მარკეტინგის მიმართულებით, მსურველებს შეუძლიათ გაიარონ ციფრული მარკეტინგის, ციფრული ედვერტაიზინგის და სოციალი მედიის მართვის კურსები.
თითოეულ მიმართულებას ჰყავს ხელმძღვანელი, კურსებს კი უძღვებიან დარგის პროფესიონალები და ტუტორები (ლექტორის ასისტენტები), რომლებიც პარალელურად ეწევიან პრაქტიკულ საქმიანობას საერთაშორისო თუ ადგილობრივ ბაზარზე.
ივნისში ჩაეშვება ხელოვნური ინტელექტის პირველი მასშტაბური ონლაინ კურსი საქართველოში, სადაც მსურველებს ექნებათ შესაძლებლობა, დაეუფლონ AI-ს საფუძვლებს და ისწავლონ ინსტრუმენტების გამოყენება ყოველდღიურ საქმიანობაში.
ხელოვნური ინტელექტის კურსის განმავლობაში სტუდენტები შეძლებენ აღმოაჩინონ ხელოვნური ინტელექტის სიღრმეები. გაიგებენ ამ სფეროში მთავარი მოთამაშეებისა და პიონერების შესახებ საინტერესო დეტალებს. რაც მთავარია, სტუდენტები შეძლებენ გამოიყენონ AI ინსტრუმენტები ყოველდღიურ ცხოვრებაში, ისწავლიან როგორ გახადონ კარიერული ცხოვრება AI-ის დახმარებით უფრო მარტივი და კომფორტული. კურსი არის ყველასთვის, ვისაც უნდა ააჩქაროს საკუთარი ცხოვრების ტემპი, ფეხი აუწყოს თანამედროვე მსოფლიოს გამოწვევებს ან გაზარდონ ბიზნესის ეფექტურობა.
ჩვენს კურსდამთავრებულებს აქვთ შესაძლებლობა დასაქმდნენ როგორც სქილვილის პარტნიორ კომპანიებში, ასევე გახდნენ თვითდასაქმებულები და მიიღონ შეკვეთები ქართული თუ საერთაშორისო კომპანიებისგან. ჩვენთან დასაქმების მაჩვენებელი საკმაოდ მაღალია — გვყავს კურსდამთავრებულებიც, რომლებიც ჩვენთან დავასაქმეთ და დღეს ისინი წარმატებით აგრძელებენ საქმიანობას კომპანიაში. გარდა ამისა, სქილვილი არის ბიზნეს ასოციაციის და დამსაქმებელთა ასოციაციის წევრი, რაც კიდევ უფრო ზრდის შესაძლებლობების არეალს ამ კუთხით.
გარდა კურსდამთავრებულების დასაქმებისა, რა ნაწილში თანამშრომლობთ და გაქვთ თუ არა შეთავაზებები ბიზნესისთვის?
სქილვილს 40-ზე მეტი პარტნიორი ჰყავს და მათი რიცხვი პერიოდულად იზრდება. თანამშრომლების გადამზადების და კვალიფიკაციის ამაღლების მიზნით, ბიზნესებს ვთავაზობთ უნიკალურ შესაძლებლობას — მრავალფეროვანი პროგრამა და მოქნილობა საოპერაციო ნაწილში, ზუსტად ერგება მათ საჭიროებებს. გარდა არსებული კურსებისა, ბაზრის კვლევებსა და არსებულ პრაქტიკაზე დაყრდნობით, შევქმენით სპეც კურსი ბიზნესისთვის (Business Essentials), რომელიც შედგება სამი მოდულისგან: კომპიუტერული უნარები და პროგრამები, პროფესიული(რბილი) უნარები და კომუნიკაციის უნარები. ამ კურსზე მოთხოვნა საკმაოდ მაღალია. დამეთანხმებით, დღეს ნებისმიერ კომპანიას სჭირდება ციფრული და პროფესიული უნარებით აღჭურვილი კადრები.
დღეს, ეპოქაში, სადაც ბიზნესები აქტიურად ეწევიან პროცესების დიგიტალიზაციას და ავტომატიზაციას, ტექნოლოგიების სწავლა აუცილებელი პირობაა კარიერული წარმატების მისაღწევად. ციფრული ინსტრუმენტების ცოდნა ეხმარება ადამიანებს უპასუხონ თანამედროვე გამოწვევებს, მიიღონ საჭირო ინფორმაცია და გაზარდონ თავიანთი საქმიანობის ეფექტურობა. გარდა ამისა, როგორც მოგეხსენებათ, ბაზარზე ტექ პროფესიონალების მოთხოვნა ყოველდღიურად იზრდება და ეს არის საუკეთესო კარიერული შესაძლებლობა იმ ადამიანებისთვის, ვისაც ჯერ კიდევ არ აქვს გადაწყვეტილი, რა პროფესიას დაეფლონ და სურთ დასაქმდნენ მაღალანაზღაურებად პოზიციებზე. ამასთან, დღეს არ არის აუცილებელი რომ გასაუბრებიდან გასაუბრებაზე იარო — თუ შენ დააგროვებ საკმარის ცოდნას, თავად გახდები მეწარმე და შექმნი სამუშაო ადგილებს ყველაზე მოთხოვნად ინდუსტრიებში.
სქილვილი, მიუხედავად იმისა, რომ 1 წლისაც არ არის, უკვე პოზიციონირდება როგორც ყველაზე მასშტაბური ონლაინ აკადემია საქართველოში. ჩვენი პორტფოლიო მოიცავს 1500-ზე მეტ სტუდენტს, 40+ პარტნიორ ორგანიზაციას, უნიკალურ საგანმანათლებლო პლატფორმას და არაერთ CSR პროექტს. ვთანამშრომლობთ როგორც კერძო, ასევე საჯარო სექტორის ორგანიზაციებთან. ქ. თბილისის მერიასთან ერთად, 500-მდე სტუდენტს მივეცით შესაძლებლობა უფასოდ დაეუფლოს ტექ პროფესიას.
მიუხედავად პოსტპანდემიური მოცემულობისა, როცა კიდევ უფრო გამოიკვეთა ონლაინ სწავლების და დისტანციური საქმიანობის ბენეფიტები, საზოგადოებაში მაინც არსებობს ნდობის დეფიციტი ამ მიმართულებით. ჩვენ დავამსხვრიეთ ეს სტერეოტიპი და შევძელით შეგვექმნა ისეთი პროგრამა, სადაც სტუდენტების აქტიურად არიან ჩართულები სასწავლო პროცესებში, ფორმალურ და არაფორმალურ აქტივობებში, აქვთ მუდმივი კავშირი როგორც ლექტორებთან, ასევე სქილვილის გუნდის წევრებთან და იღებენ მაქსიმუმს ონლაინ კურსიდან.
სქილვილში შევქმენით სამკომპონენტიანი სასწავლო სისტემა, რომელიც მოიცავს ყველა იმ საჭირო ცოდნის და უნარების დასწავლას, რაც სჭირდება ადამიანს დასაქმებისთვის.
პროფესიული განათლება, სადაც სტუდენტები იღებენ თეორიულ და პრაქტიკულ ცოდნას დარგის პროფესიონალებისგან უახლესი ტრენდების გათვალისწინებით და თანამედროვე სწავლების მეთოდებით;
კარიერული ზრუნვის სერვისი — ამ მოდულის ფარგლებში, სტუდენტები გადიან რბილი უნარების ტრენინგებს, სწავლობენ რეზიუმეს და პორტფოლიოს შექმნას, ემზადებიან გასაუბრებისთვის და ერთვებიან დასაქმების პროგრამაში, სადაც აქვთ შესაძლებლობა დასაქმდნენ სქილვილის პარტნიორ კომპანიებში;
ნეთვორქინგი — დღეს, პროფესიული ცოდნის და უნარების გარდა, გჭირდება კავშირები კარიერული წარმატებისთვის. სქილვილის სტუდენტებს ვუქმნით გარემოს, სადაც მათ აქვთ შესაძლებლობა გაიცნონ ერთმანეთი, პოტენციური დამსაქმებლები და დარგის სპეციალისტები. ეს მიმართულება მოიცავს როგორც საგანმანათლებლო, ასევე სპორტულ და კულტურულ აქტივობებს, როგორიცაა ვოკშოპები, საჯარო ლექციები, ჰაკათონები, ფეხბურთის, კალათბურთის, ჭადრაკის ტურნირებს და სხვა.
ჩვენ ყოველთვის ვპასუხობთ ბაზრის მოთხოვნებს, შესაბამისად, მომავალში იგეგმება ახალი კურსების დამატებაც, მათ შორის DevOps-ის, კიბერუსაფრთხოების, გრაფიკული დიზაინის მიმართულებით.
გარდა ამისა, გვაქვს მოლაპარაკებები საერთაშორისო პარტნიორებთან და წელს სქილვილი გლობალურ ბაზარზე გადის, რაც კიდევ უფრო ზრდის პერსპექტივებს ჩვენი კურსდამთავრებულებისთვის და მომავალი სტუდენტებისთვის. ვფიქრობთ, საქართველოს აქვს პოტენციალი თავისი კვალი დატოვოს მსოფლიო ტექ რუკაზე.
★ პარტნიორის კონტენტი
