ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

Theneo — ანა რობაქიძის ახდენილი ოცნება

სულ ცოტა ხნის წინ ტექნოლოგიურ ბაზარზე ახალი ქართული სტარტაპი, Theneo გამოჩნდა, რომელმაც ტექნოლოგიების სფეროთი დაინტერესებული ადამიანების ყურადღება მალევე მიიქცია. თენეო API დოკუმენტების დახარისხებასა და მომხმარებლისთვის საქმის გამარტივებას ისახავს მიზნად. 

კომენტარის დატოვება
Theneo — ანა რობაქიძის ახდენილი ოცნება

სულ ცოტა ხნის წინ ტექნოლოგიურ ბაზარზე ახალი ქართული სტარტაპი, Theneo გამოჩნდა, რომელმაც ტექნოლოგიების სფეროთი დაინტერესებული ადამიანების ყურადღება მალევე მიიქცია. თენეო API დოკუმენტების დახარისხებასა და მომხმარებლისთვის საქმის გამარტივებას ისახავს მიზნად. 

Theneo-ს იდეის რეალობად ქცევა მარტივი არ ყოფილა. რთული, მაგრამ საინტერესო გზის შესახებ dev.ge-ს სტარტაპის ერთ-ერთი დამფუძნებელი, ანა რობაქიძე ესაუბრა.

ანა გვიყვება, რომ რადგან ინტროვერტია, ადამიანებთან კომუნიკაციას კომპიუტერთან ჯდომას ამჯობინებდა. თავდაპირველად ამ სფეროს შესახებ ბევრი არაფერი იცოდა, თუმცა თენეოს დაარსებამდე გამოცდილება ამერიკაში მიიღო — ამაზე ჯერ კიდევ მაშინ ოცნებობდა, როცა ტექნოლოგიებში პირველ ნაბიჯების გადადგმა დაიწყო. 

ანა რობაქიძე
«შემეძლო, მთელი დღე მხოლოდ კოდის წერისთვის დამეთმო. ოჯახის წევრები სულ ცდილობდნენ, ჩემი ყურადღება სხვა რაღაცებზე გადაეტანათ და ცოტა ხნით მაინც გავსულიყავი გარეთ. ეს ჯერ კიდევ ის პერიოდია, როცა ვინდოუსის გადაყენება ითვლებოდა პროგრამირებად. მაშინ გავიგე პირველად სტივ ჯობსის შესახებ და მთავარ მიზნად დავისახე, ამერიკაში წავსულიყავი».

ამერიკაში ჩავიდა. ნიუ-იორკის ქუჩები წინასწარ იმდენად ჰქონდა შესწავლილი, როგორც ამბობს, სხვებსაც ეხმარებოდა გზის გაკვლევაში. 

Theneo-ს დამფუძნებელი: ვგრძნობ რომ ეს სცდება ჩემი და კომპანიის წარმატებას
Theneo-ს დამფუძნებელი: ვგრძნობ, რომ ეს სცდება ჩემი და კომპანიის წარმატებას
თემის მიხედვით
Theneo-ს დამფუძნებელი: ვგრძნობ, რომ ეს სცდება ჩემი და კომპანიის წარმატებას
«მაქსიმალურად შევეცადე, რომ ამერიკაში ჩასვლის შემდეგ ჩემი „ბაბლიდან“ გამოვსულიყავი და იქაურ საზოგადოებაში მომეხერხებინა ინტეგრირება. უამრავ ორგანიზაციაში დავრეგისტრირდი და შესაბამისად, უამრავ ადამიანთან მიწევდა ურთიერთობა. ეს გამოცდილება საქართველოში ჩემი ყოველდღიური ცხოვრებისგან სრულიად განსხვავდებოდა. 13 წლის საკუთარი თავი დღეს რომ მიყურებდეს, ბედნიერი იქნებოდა, რადგან ზუსტად იმას ვაკეთებ, რაც მთელი გულით მინდოდა», — ამბობს ანა.

ამერიკაში მიღებული გამოცდილებების შემდეგ, ანამ გადაწყვიტა, ეს ყველაფერი კიდევ უფრო საინტერესო და მნიშვნელოვან სტარტაპში გაეერთიანებინა. ასე დაიბადა თენეოს იდეაც. 

«თავიდან მხოლოდ მე ვიყავი. ჩამოვწერე ყველაფერი, რაც დამჭირდებოდა იმისთვის, რომ ჩემივე სამუშაო გამემარტივებინა. შემდეგ მივხვდი, რომ იდეა, რომელზეც ვმუშაობდი, რეალურად მხოლოდ ჩემთვის არ იყო და მისი გამოყენება ძალიან ბევრ კომპანიასაც შეეძლო. ამის შემდეგ, იმ ადამიანებს, ვისაც ვიცნობდი, ვეკითხებოდი, თუ დაინტერესდებოდნენ ამ პროექტზე მუშაობით. ყველა დამთანხმდა», — გვიყვება ანა.
თენეოს გუნდი

საბოლოოდ, თენეოს გუნდმა შექმნა პლატფორმა, რომელიც ორიენტირებულია API დოკუმენტაციის გადამუშავებაზე, რაც უამრავ დროსა და ენერგიას ზოგავს ნებისმიერი მომხმარებლისთვის. 

თენეოს სამუშაო ვერსია ბაზარზე სულ ცოტა ხნის წინ გაეშვა, თუმცა სტარტაპი ყურადღების ცენტრში მალევე მოექცა და პირველი წარმატებებიც მოიპოვა.

«GITA-ში რომ გავაკეთე პრეზენტაცია და შემდეგ, სასტუმროში დაბრუნებულმა, ტირილი დავიწყე, მივხვდი, რომ სწორ რაღაცას ვაკეთებდი და სწორ ადგილას ვიყავი; მივხვდი, რომ ამ მომენტიდან ცხოვრება სულ სხვანაირი იქნებოდა და ეს მხოლოდ დასაწყისი იყო», — ამბობს ანა.

ხელოვნურ ინტელექტზე დაფუძნებულმა ქართულმა პლატფორმამ მალევე მსოფლიოს ერთ-ერთ წამყვან სტარტაპ-კონკურსში, Web Summit-ის ფარგლებში ჩატარებულ PITCH-ში გაიმარჯვა და ეს გუნდის წევრებისთვის კიდევ ერთი მიზეზი გახდა, რომ საბოლოოდ დარწმუნებულიყვნენ, რამდენად სწორ საქმეს აკეთებდნენ. პირველ წარმატებებამდე არაერთი დაბრკოლება შეხვდათ.

Theneo სტარტაპ კონკურსის PITCH-ის გამარჯვებულია
Theneo სტარტაპ კონკურსის, PITCH-ის გამარჯვებულია
თემის მიხედვით
Theneo სტარტაპ კონკურსის, PITCH-ის გამარჯვებულია
«ზოგადად, სტარტაპზე მუშაობა ძალიან რისკიანია, რადგან არასდროს არაფერია სტაბილური — ხან გაქვს ძალიან კარგი დღე, ხან პირიქით, ძალიან ცუდი. იყო ბევრი რაღაც რაც საწყის ეტაპზე გავაფუჭეთ, შემდეგ კი გამოვასწორეთ. როდესაც ასეთ გზას ირჩევ, მთავარია არ დანებდე», — ამბობს ანა რობაქიძე.

დღეს თენეოს მომსახურებით უკვე 4 ათასზე მეტი კომპანია სარგებლობს. როგორც ანა dev.ge-სთან აღნიშნავს, მიმდინარე წელს მათი მთავარი მიზანი მომხმარებლის გაზრდაა. 

«ამბიციურად ჟღერს, თუმცა გვსურს, 2023 წელს მილიონ მომხმარებლამდე ავიდეთ. აი, უკვე 2024 წელს კი კონცენტრირებულები ვიქნებით ფინანსურ მოგებაზეც».

ქართული Theneo ChatGPT-სთან ერთად Golden Kitty Awards-ის ფინალშია
ქართული Theneo ChatGPT-სთან ერთად Golden Kitty Awards-ის ფინალშია
თემის მიხედვით
ქართული Theneo ChatGPT-სთან ერთად Golden Kitty Awards-ის ფინალშია
პრეზიდენტმა Theneo-ს დამფუძნებელი ანა რობაქიძე ღირსების მედლით დააჯილდოვა
პრეზიდენტმა Theneo-ს დამფუძნებელი, ანა რობაქიძე ღირსების მედლით დააჯილდოვა
თემის მიხედვით
პრეზიდენტმა Theneo-ს დამფუძნებელი, ანა რობაქიძე ღირსების მედლით დააჯილდოვა


ასევე წაიკითხეთ
2024 წელს ქართული სტარტაპი Phubber ყაზახეთსა და უზბეკეთში შედის
2024 წელს ქართული სტარტაპი Phubber ყაზახეთსა და უზბეკეთში შედის
2024 წელს ქართული სტარტაპი Phubber ყაზახეთსა და უზბეკეთში შედის
Impact Hub Tbilisi-ის ინიციატივით სტარტაპ პრე-აქსელერატორის დემო დღე გაიმართა
Impact Hub Tbilisi-ის ინიციატივით სტარტაპ პრე-აქსელერატორის დემო დღე გაიმართა
Impact Hub Tbilisi-ის ინიციატივით სტარტაპ პრე-აქსელერატორის დემო დღე გაიმართა
სტარტაპების მართვა და მენტალური ჯანმრთელობა — დამფუძნებლები გამოცდილებას გვიზიარებენ
სტარტაპების მართვა და მენტალური ჯანმრთელობა — დამფუძნებლები გამოცდილებას გვიზიარებენ
სტარტაპების მართვა და მენტალური ჯანმრთელობა — დამფუძნებლები გამოცდილებას გვიზიარებენ
ანა აბაშიძემ თავისი დაფუძნებული სტარტაპი — მანქანების ყიდვა-გაყიდვის პლატფორმა, Carusell შეაჩერა. ერთ-ერთი მიზეზი მენტალური ჯანმრთელობის პრობლემები და გადაღლაა — სტარტაპის შექმნა და მართვა ფსიქოლოგიური ომია, რომელთან გამკლავებაც არც ისე მარტივია. ანა ამბობს, რომ არც არის აუცილებელი, ადამიანმა ამ სტრესს ყველაფრის ფასად გაუძლოს — გაჩერება და დამსახურებული პაუზის აღება ნებისმიერ დროს არის შესაძლებელი.
როგორ უნდა მიიღოთ სტარტაპის დაფინანსება Axel-ში? 
როგორ უნდა მიიღოთ სტარტაპის დაფინანსება Axel-ში? 
როგორ უნდა მიიღოთ სტარტაპის დაფინანსება Axel-ში? 
Axel ანგელოზ ინვესტორთა ქსელია — ის აერთიანებს ადამიანებს, რომლებსაც სურთ, დამწყებ სტარტაპერებს წინსვლაში დაეხმარონ.  თუმცა, ინვესტორების მოხიბვლა ადვილი არ არის.  ნახეთ, როგორია პირველი ნაბიჯები, რომელიც თქვენი სტარტაპისთვის დაფინანსების მოსაპოვებლად უნდა გადადგათ. 
განხილვა
კომენტარები ჯერ არაა.