2022 წელი ტექნოლოგიური სფეროსთვის არც თუ ისე მარტივი აღმოჩნდა. დაიწყო ბევრი საინტერესო და რთული პროცესი, რომელიც 2023 წელსაც გაგრძელდება.
ყველას აინტერესებს, მომდევნო 12 თვის განმავლობაში, ციფრული სამყარო როგორ ჩამოყალიბდება, რა გზით განვითარდება და რა სახეს მიიღებს.
2022 წელი ტექნოლოგიური სფეროსთვის არც თუ ისე მარტივი აღმოჩნდა. დაიწყო ბევრი საინტერესო და რთული პროცესი, რომელიც 2023 წელსაც გაგრძელდება.
ყველას აინტერესებს, მომდევნო 12 თვის განმავლობაში, ციფრული სამყარო როგორ ჩამოყალიბდება, რა გზით განვითარდება და რა სახეს მიიღებს.
რომელი ტექნოლოგია იპყრობს ხალხის ყურადღებას? რისთვის უნდა იყვნენ მზად ბიზნეს ლიდერები?
გთავაზობთ ათ ძირითად ტექნოლოგიურ ტენდენციას, რომელსაც 2023 წელს ყურდღება უნდა მიაქციოთ.
2023 წელს ხელოვნური ინტელექტი ორგანიზაციებში რეალური გახდება. No Code AI, თავისი სიმარტივით, ნებისმიერ ბიზნესს საშუალებას მისცემს, საკუთარი ძალები უფრო ინტელექტუალური პროდუქტებისა და სერვისების შესაქმნელად გამოიყენონ.
ამ ტენდენციას საცალო ბაზარზე უკვე ვხვდებით. მაგალითად, პერსონალური სტილის შერჩევის სერვისი, Stitch Fix, AI მხარდაჭერილ ალგორითმებს იყენებს, რათა მომხმარებლებს, ტანსაცმლის ზომის შესაბამისად, რეკომენდაცია გაუწიონ.
უკონტაქტო, სრულად ავრომატიზირებული შოპინგი და მიწოდება 2023 წლის კიდევ ერთი უზარმაზარი ტენდენცია იქნება. AI მომხმარებლებს საქონლისა და მომსახურების გადახდასა და მიღებას გაუმარტივებს.
ექსპერტები ვარაუდობენ, რომ მეტავერსი გლობალურ ეკონომიკას 2030 წლისთვის 5 ტრილიონ დოლარს დაამატებს, ხოლო 2023 იქნება წელი, რომელიც მეტავერსის მომდევნო ათწლეულის მიმართულებას ერთმნიშვნელოვნად განსაზღვრავს.
გაძლიერებული რეალობისა (AR) და ვირტუალური რეალობის (VR) ტექნოლოგია წინსვლას გააგრძელებს. ერთ-ერთი სფერო, რომელიც აუცილებლად უნდა ნახოთ, არის სამუშაო გარემო მეტავერში — 2023 წელს უფრო სრულყოფილი შეხვედრების გარემო შეიქმნება, სადაც ერთად ფიქრი საუბარი და შექმნა შეგვეძლება.
მეტავერსის ავატარებიც ბევრად დაიხვეწება. მეტიც, შეიძლება ის გამოიყურებოდნენ, როგორც ადამიანები რეალურ სამყაროში და ჩვენი მიმიკები, ჟესტები და სხეულის ენა სრულყოფილად გადმოსცენ.
აღწერილი პროცესები უკვე დაწყებულია, რაც 2023 წელს საქმეს გაამარტივებს. მაგალითად, საკონსულტაციო გიგანტმა, Accenture-მა, მეტავერსული გარემო, სახელწოდებით Nth Floor უკვე შექმნა ამ ვირტუალურ სამყაროში რეალური ოფისების ასლებია წარმოდგენილი, ამიტომ ახალ დაქირავებულებსა და ამჟამინდელ თანამშრომლებს შეუძლიათ HR-თან დაკავშირებული საკითხები ფიზიკურ ოფისში ყოფნის გარეშე შეასრულონ.
2023 წელს ბლოკჩეინის ტექნოლოგია მნიშვნელოვნად განვითარდება, რადგან კომპანიები უფრო დეცენტრალიზებულ პროდუქტებსა და სერვისებს შექმნიან.
მაგალითად, ამ დროისთვის, ჩვენ ყველაფერს cloud-ში ვინახავთ — თუმცა, თუ მონაცემთა შენახვის დეცენტრალიზებას მოვახდენთ და ამ მონაცემებს ბლოკჩეინის დახმარებით დავშიფრავთ, ჩვენი ინფორმაცია არა მხოლოდ უსაფრთხო იქნება, არამედ მასზე წვდომისა და ანალიზის ინოვაციური გზებიც გვექნება.
NFT-იც ახალი წლიდან უფრო პრაქტიუკული გახდება. NFT შეიძლება ბევრ ციფრულ პროდუქტთან და სერვისთან ურთიერთობისთვის იმაზე მეტად გამოგვადგეს, ვიდრე აქამდე.
ამ ორ სამყაროს შორის ჩამოყალიბებულ ხიდს უკვე ვხედავთ და ეს ტენდენცია 2023 წელსაც გაგრძელდება. შერწყმის 2 კომპონენტი გვაქვს: ციფრული ტყუპი ტექნოლოგია და 3D ბეჭდვა.
ციფრული ტყუპები რეალურ სამყაროში პროცესების, ოპერაციებისა ან პროდუქტების ვირტუალური სიმულაციებია, რომლებიც შეიძლება გამოყენებულ იქნას უსაფრთხო ციფრულ გარემოში ახალი იდეების შესამოწმებლად.
დიზაინერები და ინჟინრები ამ ტექნოლოგიას ვირტუალურ სამყაროში ფიზიკური ობიექტების ხელახლა შესაქმნელად იყენებენ, რათა ისინი რეალურ ცხოვრებაში ჩასატარებელი ექსპერიმენტების მაღალი ხარჯების გარეშე გამოსცადონ.
ვირტუალურ სამყაროში ტესტირების შემდეგ, ინჟინრებს კომპონენტების შეცვლა და 3D ბეჭდვის ტექნოლოგიის დახმარებით, მათი რეალურ სამყაროში შექმნა შეუძლიათ.
მაგალითად, ფორმულა 1-ის გუნდები ამჟამად მონაცემებს აგროვებენ, რომლებიც რბოლის დროს სენსორების დახმარებითაა გადაცემული. ამით იგებენ სხვადასხვა ამინდსა და კონდიციებში, მანქანა როგორ მოძრაობს. სხვადასხვა სცენარებს განიხილავენ, რათა დიზაინში ოპტიმალური ცვლილება შეიტანონ. ბოლო ეტაპზე კი, ტესტირების შედეგების საფუძველზე, 3D პრინტერით ნაწილებს ბეჭდავენ
ჩვენ ისეთ სამყაროში ვიცხოვრებთ, სადაც ცვლილებების შეტანა ნივთებში, მცენარეებსა და ადამიანებშიც კი შეგვეძლება. ნანოტექნოლოგია საშუალებას მოგვცემს მასალები სრულიად ახალი ფუნქციებით შევქმნათ, როგორიცაა წყალგამძლეობა და თვითგანკურნების შესაძლებლობები.
CRISPR-Cas9 რამდენიმე წელია არსებობს, მაგრამ 2023 წელს ჩვენ გენის რედაქტირების ახალ ტექნოლოგიას ვიხილავთ, რომელიც დნმ-ის შეცვლით «ბუნების რედაქტირების» შესაძლებლობას ააჩქარებს.
მსოფლიოში კვანტური გამოთვლების დახვეწისთვისა და განვითარებისთვის რბოლა მიმდინარეობს.
კვანტური გამოთვლა, რომელიც სუბომატურ გამოთვლეს იყენებს, უდიდესი ტექნოლოგიური ნახტომია. გვექნება ისეთი კომპიუტერები, რომლებიც დღეს ხელმისაწვდომ კომპიუტერებზე ტრილიონჯერ სწრაფად იმუშავებენ.
კვანტური გამოთვლის პოტენციური საშიშროება არის ის, რომ ქვეყნებს საშუალებას აძლევს ერთმანეთის ბიზნესი, უსაფრთხოების სისტემები დაშიფროს და დაარღვიოს.
ეს არის ტენდენცია, რომელსაც, ცალსაცად, უნდა დავაკვირდეთ 2023 წელს.
ერთ-ერთი ყველაზე დიდი გამოწვევა, რომლის წინაშეც მსოფლიო დგას, ნახშირბადის გამონაბოლქვის მაქსიმალური შემცირებაა, რათა კლიმატის კრიზისთან გამკლავება შევძლოთ.
ჩვენ პროგრესს დეცენტრალიზებული ელექტრო ქსელების განვითარებაშიც დავინახავთ. ამჟამად, ჩვენს ენერგეტიკულ სისტემაში უზარმაზარი გაზისა და ენერგეტიკული კომპანიები დომინირებენ, რომლებიც ნახშირბადის დიდ რაოდენობას გამოყოფენ, მაგრამ დეცენტრალიზებულ ენერგეტიკულ ინიციატივებს პოტენციალი აქვთ, გააძლიერონ ძალაუფლება მთელ მსოფლიოში, რაც ნახშირბადის გამონაბოლქვს შეამცირებენ.
2023 წელს რობოტები ადამიანებს გარეგნულად და შესაძლებლობებითაც კიდევ უფრო დაემსგავსებიან.
მათი გამოყენება მრავალი მხრივ შეიძლება. ისინი იქნებიან ბარმენები, ღონისძიებების წამყვანები, ხანდაზმულთა თანამგზავრები და სხვა.
ისინი რთულ დავალებებსაც შეასრულებენ საწყობებსა და ქარხნებში, რადგან ისინი ადამიანებთან ერთად წარმოებასა და ლოჯისტიკაში მუშაობენ.
2022 წლის სექტემბერში, Tesla AI Day-ზე, ილონ მასკმა ორი Optimus ჰუმანოიდური რობოტის პროტოტიპი წარადგინა და განაცხადა, რომ კომპანია შეკვეთებს მომდევნო 5 წლის განმავლობაში მიიღებს.
ამ რობოტს შეუძლია მარტივი დავალებები შეასრულოს, როგორიცაა ნივთების აწევა და მცენარეების მორწყვა — ასე რომ, შესაძლოა, მალე ჩვენ რობოტები გვყავდეს, რომლებიც სახლში, სხვადასხვა საქმეებში, დაგვეხმარებიან.
ბიზნეს ლიდერები ავტონომიური სისტემების შექმნაში პროგრესს გააგრძელებენ. განსაკუთრებით მიწოდებისა და ლოჯისტიკის გარშემო. ბევრი ქარხანა და საწყობი უკვე ნაწილობრივ ან სრულად ავტონომიური გახდა.
2023 წელს ჩვენ კიდევ უფრო მეტ თვითმართვად გემსა თუ სატვირთოს ვიხილავთ. ავტონიმიური ქარხნების რაოდენობას საგრძნობლად გაიზრდება.
და ბოლოს, ჩვენ 2023 წელს ბიძგს უფრო მდგრადი ტექნოლოგიებისკენ ვიგრძნობთ. ბევრი ჩვენგანი (თუ არა ყველა) ტექნოლოგიებზეა დამოკიდებული, მაგრამ საიდან მოდის ის ნივთები, რომლებიც ასე გვიყვარს?
ადამიანები უფრო მეტს იფიქრებენ, საიდან წარმოიქმნება, მაგალითად კომპიუტერების ჩიპები და როგორ ვიყენებთ მათ.
ჩვენ ასევე cloud სერვისებს ვიყენებთ, მაგალითად Netflix და Spotify ამ სივრცის დიდ ნაწილს მოიხმარენ.
2023 წელს მიწოდების ჯაჭვები უფრო გამჭირვალე გახდება, რადგან მომხმარებლები ითხოვენ, პროდუქტები და სერვისები, რომლებშიც ისინი ფულს იხდიან, ენერგოეფექტური და მხარდაჭერილი უფრო მდგრადი ტექნოლოგიებით იყოს.
