AI-ის დამსახურებით, Nvidia-ს მოგება 600%-ით გაიზარდა
ნახევარგამტარების ამერიკული მწარმოებლის შედეგებმა Wall Street-ის პროგნოზები კიდევ ერთხელ გააუმჯობესა. ხელოვნური ინტელექტის გავლენით, Nvidia-ს აქციათა ფასებმა რეკორდულ მაჩვენებლებს მიაღწია.
ნახევარგამტარების ამერიკული მწარმოებლის შედეგებმა Wall Street-ის პროგნოზები კიდევ ერთხელ გააუმჯობესა. ხელოვნური ინტელექტის გავლენით, Nvidia-ს აქციათა ფასებმა რეკორდულ მაჩვენებლებს მიაღწია.
FactSet-ის მონაცემებით, 2024 წლის პირველ სამთვიან პერიოდში (რომელიც 30 აპრილს დასრულდა,) თითო აქციაზე Nvidia-ს მოგებამ — $6.12-ს, გაყიდვებმა კი $26 მილიარდს მიაღწია. ამავე ჭრილში, ანალიტიკოსები აქციაზე $5.60-ის მოგების მიღებას და გაყიდვებში — $24.59 მილიარდს პროგნოზირებდნენ. შედეგად, Nvidia-ს მოგება და შემოსავლები, გასული წლის შესაბამის პერიოდთან შედარებით, 628%-ითა და 268%-ით გაიზარდა.
ეს კვარტალი Nvidia-სთვის ყველაზე მომგებიანი აღმოჩნდა. შედეგებმა მიმდინარე წლის იანვარში დასრულებული კვარტალის რეკორდულ მონაცემებსაც გადააჭარბა — $12.3 მილიარდის მოგება და $22.1 მილიარდის შემოსავალი.
გასაკვირი არაა, რომ ნახევარგამტარების მწარმოებლის შემოსავლების მთავარი წყარო მისი AI-განყოფილებაა, რომელმაც გასულ წელს $22.6 მილიარდის შემოსავალი მიიღო — წლიურ ჭრილში 427%-იანი ზრდა. AI-ის განყოფილებისთვის შემოსავლები 2020 წელთან შედარებით ($1.1 მილიარდი) ოცჯერაა გაზრდილი.
კვარტალური შედეგების გამოქვეყნების შემდეგ, Nvidia-ს აქციების ფასი 4%-ით გაიზარდა და ჩვეულებრივ სავაჭრო საათებში მისთვის ყველა დროის მაქსიმალურ მაჩვენებელს მიაღწია.
უახლესი მონაცემებით, Nvidia საბაზრო კაპიტალიზაციით მსოფლიოს მესამე უმსხვილესი კომპანიაა. მისი ღირებულება $2.3 ტრილიონს უტოლდება, მაშინ როდესაც 2022 წლის ბოლოს მხოლოდ $400 მილიარდს უდრიდა.
Nvidia-ს პრეზიდენტის, ჯენსენ ჰუანგის აზრით, ზოგად AI-ს 5 წელში მივიღებთ
Nvidia-ს პრეზიდენტის, ჯენსენ ჰუანგის აზრით, ზოგად AI-ს 5 წელში მივიღებთ
Nvidia-მ მსოფლიოში ყველაზე ძლიერი AI ჩიპი წარმოადგინა
Nvidia-მ მსოფლიოში ყველაზე ძლიერი AI ჩიპი წარმოადგინა
