Google-ის თანამშრომლები კომპანიის ხელმძღვანელებს, განსაკუთრებით აღმასრულებელ დირექტორს, სუნდარ პიჩაის ChatGPT-ის კონკურენტ ჩატბოტზე, Bard-ზე ნაჩქარევი განცხადებების გაკეთების გამო აკრიტიკებენ.
Google-ის თანამშრომლები კომპანიის ხელმძღვანელებს, განსაკუთრებით აღმასრულებელ დირექტორს, სუნდარ პიჩაის ChatGPT-ის კონკურენტ ჩატბოტზე, Bard-ზე ნაჩქარევი განცხადებების გაკეთების გამო აკრიტიკებენ.
თანამშრომლები პოპულარულ შიდა ფორუმზე, Memegen-ზე შეიკრიბნენ, რათა Bard-თან დაკავშირებით საკუთარი აზრი გამოეხატათ. მათ Google-ის ჩანაფიქრს «აჩქარებული», «გაფუჭებული» და «ანტი-Google» უწოდეს.
Google-მა Microsoft-ს დაასწრო და 6 თებერვალს Bard-ის გამოსვლა დააანონსა, ხოლო დეტალური ინფორმაცია ცნობილი 8 თებერვალს, პარიზში გამართულ ღონისძიებაზე გახდა. ამ მოვლენებს შორის კი Microsoft-მა ჟურნალისტები ვაშინგტონში, კომპანიის შტაბ-ბინაში შეკრიბა და მათ საკუთარ საძიებო სისტემაზე, Bing-ზე ChatGPT ტექნოლოგიის დამატება ამცნო.
6 თებერვლის ღონისძიებაზე Google-ის საძებო უფროსმა, პრაბჰაკარ რაღავანმა Bard-ის შესაძლებლობების შესახებ რამდენიმე სლაიდი წარადგინა. დამსწრე საზოგადოება მეტს ელოდა, ზოგიერთმა თანამშორმელმა კი Bard-ის შესახებ არაფერი იცოდა. ერთ-ერთ წამყვანს ტელეფონის მოტანა დაავიწყდა, რომელიც საჭირო დემო ვერსიის გასაშვებად იყო.
მიუხედავად იმისა, რომ Google-ის თანამშრომლები Memegen-ს იუმორისტული კუთხით იყენებენ და კომპანიის უცნაურობებსა და შეცდომებს დასცინიან, Bard-ის დაანონსების შემდეგ პოსტებმა უფრო სერიოზული სახე მიიღო, საუბარი და კრიტიკა მიმართული პირდაპირ პიჩაისკენ იყო.
«ძვირფასო სუნდარ, Bard-ის გაშვება და თანამშრომლების გათავისუფლება ნაჩქარევი და სულელური იყო. გთხოვთ, გრძელვადიან პერსპექტივას დაუბრუნდით». — წერს ერთ-ერთი თანამშრომელი ფორუმზე. პოსტმა სხვა თანამშრომლებისგან ბევრი დადებითი გამოხმაურება.
გასული წლის ბოლოს პიჩაიმ თანამშრომლებს მეტი კონცენტრირებისკენ მოუწოდა. კომპანიის ხელმძღვანელობას სურს, რომ ყველა ამბიციური, შრომისმოყვარე, გუნდური მუშაობის მოყვარეული და კონკურენტუნარიანი იყოს.
ამ კვირაში Alphabet-ის ფასი 9%-ით დაეცა, რასაც ექსპერტები კომპანიის ნაჩქარევ გადაწყვეტილებებსა და თანამშრომლების მსგავს გამოხმაურებას უკავშირებენ.
Google-ის ნერვიულობა ხელოვნურ ინტელექტთან და მის შესაძლებლობებთან დაკავშრებით ახალი არ არის. დეკემბერში გამართულ შეხვედრაზე თანამშრომლებმა ხელმძღვანელებს AI-ში კომპანიის კონკურენტუნარიონობაზე ჰკითხეს. აღმასრულებლებმა კი უპასუხეს, რომ კომპანიის რეპუტაცია სავარაუდოდ დაზარალდება და შეილახება, რადგან კონკურენციის გაწევა არც თუ ისე მარტივი იქნება.
