Amazon დეველოპერებს AI-ზე მომუშავე კოდირების ასისტენტს უფასოდ სთავაზობს, რაც Microsoft-ს იძულებულს ხდის, რომ მსგავს პროდუქტს, რომელიც ამჟამად 10$ ღირს, ფასი დააკლოს. 13 აპრილს გამოქვეყნებულ ბლოგ-პოსტში Amazon-მა განაცხადა, რომ CodeWhisperer ინსტრუმენტი ყველასთვის ხელმისაწვდომი იქნება, ვინც მის გამოსაყენებლად დარეგისტრირდება.
Amazon დეველოპერებს AI-ზე მომუშავე კოდირების ასისტენტს უფასოდ სთავაზობს, რაც Microsoft-ს იძულებულს ხდის, რომ მსგავს პროდუქტს, რომელიც ამჟამად 10$ ღირს, ფასი დააკლოს. 13 აპრილს გამოქვეყნებულ ბლოგ-პოსტში Amazon-მა განაცხადა, რომ CodeWhisperer ინსტრუმენტი ყველასთვის ხელმისაწვდომი იქნება, ვინც მის გამოსაყენებლად დარეგისტრირდება.
Amazon-მა CodeWhisperer გასულ წელს გამოუშვა. ინსტრუმენტის გამოყენება დეველოპერებს მრავალმხრივ შეუძლიათ. მაგალითად, სხვადასხვა ინტეგრირებული განვითარების გარემოში (IDE), როგორიცაა Visual Studio Code, ან ტექსტურ მოთხოვნაზე დაფუძნებული კოდის ხაზების შესაქმნელად. მიუხედავად იმისა, რომ ის თავდაპირველად მხოლოდ Amazon-ის ვებ სერვისების მომხმარებლებისთვის იყო ხელმისაწვდომი, ახლა მისი გამოყენება, სავარაუდოდ, ისეთ დეველოპერებსაც შეეძლებათ, რომლებიც AWS-ს არ იყენებენ.
CodeWhisperer კოდის ნებისმიერ შეთავაზებას, რომელიც პოტენციურად მიკერძოებული ან უსამართლოა, ავტომატურად ფილტრავს. გარდა ამისა, მას აქვს უსაფრთხოების სკანირების ფუნქციაც, რაც დეველოპერის კოდში არსებული დაუცველობის იდენტიფიცირებასა და პრობლემის ავტომატურად გამოსწორებას გულისხმობს. CodeWhisperer-ს ახლა აქვს რამდენიმე ენის მხარდაჭერა, მათ შორის, Python, Java, JavaScript, TypeScript და C#.
Microsoft-ის საკუთრებაში არსებული ama-მა Amazon გასული წლის ივნისში Copilot AI-ის გამოშვებით დაამარცხა. Microsoft-მა ეს ინსტრუმენტი უფასო მხოლოდ ღია კოდის პოპულარულ პროექტებზე მომუშავე სტუდენტებისთვისა და დეველოპერებისთვის გახადა. ყველა სხვა მომხმარებელს კი თვეში $10-ის და წელიწადში $100-ის გადახდა უწევს.
ეს AI-სთან დაკავშირებული ერთადერთი სიახლე არ არის, რომელიც Amazon-მა დააანონსა. კომპანია ინსტრუმენტს ქმნის, სახელწოდებით Bedrock, რომელიც კომპანიებს გენერაციული AI აპლიკაციების შექმნასა და განვითარებაში დაეხმარება.
გიგანტი კომპანიების ყურადღება, ფული და მოტივაცია AI-ზეა ორიენტირებული. ორი რამ უკვე ნათელია — ხელოვნური ინტელექტისთვის რბოლა დაწყებულია და გამარჯვებულის გამოვლენამდე ის გზა რადიკალურად იცვლება, რომლითაც დიდი ტექნოლოგიური კომპანიები არსებობდნენ და დომინაციას ინარჩუნებდნენ.
