Microsoft-მა საძიებო სისტემა Bing-ს ChatGPT დაამატა
Microsoft-მა საკუთარი საძიებო სისტემის, Bing-ის ახალი ვერსია გამოუშვა, რომელსაც თანამედროვე ხელოვნური ინტელექტის ძალები და ფუნქციები აქვს.
Microsoft-მა საკუთარი საძიებო სისტემის, Bing-ის ახალი ვერსია გამოუშვა, რომელსაც თანამედროვე ხელოვნური ინტელექტის ძალები და ფუნქციები აქვს.
Bing OpenAI-ის მიერ გამოშვებულ ChatGPT-ის ტექნოლოგიას იყენებს, რომელიც ბოლო პერიოდში ტექნოლოგიურ სფეროში მთავარი განსახილველი თემაა.
Microsoft-ის ხელმძღვანელის, სატია ნადელას თქმით, გიგანტ კომპანიებს შორის ხელოვნური ინტელექტით შეიარაღების შეჯიბრი იწყება.
«რბოლა დღეს იწყება» — თქვა მან.
ChatGPT საძიებო მოთხოვნებზე ადამიანის მსგავსი პასუხების შესაქმნელად ღრმა სწავლის ტექნიკას იყენებს.
ნადელა აღნიშნავს, რომ ონლაინ ძიების ხასიათისა და ფუნქციის მთლიანად შესაცვლელად მზად არის.
«ტექნოლოგია თითქმის ყველა პროგრამული უზრუნველყოფის კატეგორიას შეცვლის, რომელიც ჩვენ ვიცით» — აღნიშნა მან.
Bing ახლა მომხმარებლების შეკითხვებზე პასუხს იმაზე დეტალურად გასცემს, ვიდრე ოდესმე. ის მხოლოდ ვებსაიტების ბმულებით არ შემოიფარგლება.
მომხმარებლებს ბოტთან საუბარიც შეეძლებათ, რათა თავიანთი მოთხოვნები საძიებო სისტემას უკეთ მოარგონ. დეტალური პასუხები საძიებო სისტემის მარჯვენა მხარეს გამოჩნდება.
Microsoft-მა განცხადება მას შემდეგ გააკეთა, რაც კიდე ერთმა გიგანტმა ტექნოლოგიურმა კომპანიამ, Google-მა საკუთარი ჩატბოტი, Bard გამოუშვა. ორივე კომპანია საკუთარი პროდუქტის ბაზარზე გატანას ცდილობს.
Wedbush Securities-ის ანალიტიკოსმა, დენ აივსმა თქვა, რომ Microsoft-ის ინვესტიცია კომპანიის კონკურენციის უნარს მასობრივად გაზრდის.
«ეს ხელოვნური ინტელექტის ფრონტზე მხოლოდ საწყისი ნაბიჯებია… AI შეიარაღების რბოლა დიდ ტექნოლოგიებს შორის ახლა იწყება» — თქვა მან.
Microsoft, სან-ფრანცისკოში დაფუძნებული OpenAI-ის სტაჟიანი მხარდამჭერი, ხელოვნურ ინტელექტში მილიარდობით ინვესტიციას ანხორციელებს.
Microsoft-მა განაცხადა, რომ Bing OpenAI-ის ტექნოლოგიას გამოიყენებს, რომელიც იმაზე განვითარებული და დახვეწილი იქნება, ვიდრე გასულ წელს გამოქვეყნებული ChatGPT-ის ტექნოლოგია.
ანალიტიკოსები ამბობენ, რომ ChatGPT-ს, რომელიც სტუდენტების მიერ გამოცდებისა და ტესტების ჩასაბარებლადაც კი გამოიყენება — პოტენციალი აქვს, რომ მრავალ პროფესიას საფრთხე შეუქმნას, მათ შორის ჟურნალისტიკასაც. თუმცა ტექნოლოგია ჯერ კიდევ დახვეწის პროცესშია.
Microsoft ირწმუნება, რომ პროგრამების სკანირებისას კონფიდენციალურობას უზრუნველყოფს
Microsoft ირწმუნება, რომ პროგრამების სკანირებისას კონფიდენციალურობას უზრუნველყოფს
Microsoft Excel ფორმულებს აძლიერებს და ამარტივებს
Microsoft Excel ფორმულებს აძლიერებს და ამარტივებს
ChatGPT — ხელოვნური ინტელექტის დახმარებით შექმნილი საუკეთესო ჩატბოტი
ChatGPT — ხელოვნური ინტელექტის დახმარებით შექმნილი საუკეთესო ჩატბოტი
Google ChatGPT-ის კონკურენტ AI ჩატბოტს უშვებს, სახელწოდებით — Bard
Google ChatGPT-ის კონკურენტ AI ჩატბოტს უშვებს, სახელწოდებით — Bard
