ჟიპიტაური — ChatGPT-ის ქართული ანალოგი
Pulsar AI-იმ ChatGPT-ის ქართული ანალოგი შექმნა. ჩატბოტს ჟიპიტაური ჰქვია. მისი გამოყენება უკვე შესაძლებელია. თუმცა, ჟიპიტაური, ჯერჯერობით, ძალიან არაზუსტია. მის მიერ გაცემული ფაქტობრივად ყველა პასუხი არასწორია.
Pulsar AI-იმ ChatGPT-ის ქართული ანალოგი შექმნა. ჩატბოტს ჟიპიტაური ჰქვია. მისი გამოყენება უკვე შესაძლებელია. თუმცა, ჟიპიტაური, ჯერჯერობით, ძალიან არაზუსტია. მის მიერ გაცემული ფაქტობრივად ყველა პასუხი არასწორია.
Pulsar AI აცხადებს, რომ მათი მიზანია, ქართულ ენაზე ხელმისაწვდომი გახადოს ის, რასაც მომხმარებლებს ChatGPT ინგლისურად სთავაზობს — კითხვებზე პასუხებს, მეილების, სტატიების და რეცენზიების დაწერას და სხვა.
«სანაცვლოდ კი GPT-3-ს და ავტომატური თარგმანის მიერ დაბრუნებულ შედეგების შეფასებას გთხოვთ». — აცხადებს კომპანია.
Pulsar AI ასევე წერს, რომ დაგროვებულ მონაცემებს გამოიყენებენ თარგმანის ხარისხობრივი ანალიზისთვის და ღრმა ნეირონულ ქსელებზე დაფუძნებული ქართულ-ინგლისური (და შემდეგ სხვა ქართველური ენების) დიდი ენობრივი მოდელის შესაქმნელად.
«პირველ ეტაპზე შევაფასებთ, რამდენად კარგად მუშაობს არსებული თარგმანი და ამოვიცნობთ ნაკლოვანებებს. ეს გვიკარნახებს, სად ვეძიოთ სწორი მასალა შემდგომი გაუმჯობესებისთვის.
შემდგომ ეტაპზე შევუდგებით სწორი მასალის (დატას) მოგროვებას და უფრო მეტი ადამიანის ჩართვას ავტომატური თარგმანის გაცილებით უკეთესი სისტემის შექმნისთვის.
ამ ყველაფრით მომავალში ქართულენოვანი ცოდნით გაჯერებული დიდი ენობრივი მოდელის შექმნას გვინდა საფუძველი ჩავუყაროთ».- აცხადებს კომპანია.
ასეთ პროექტებში მონაწილეობის მსურველებს შეუძლიათ, Pulsar AI-ს მიწერონ მეილზე [email protected] ან შეუერთდნენ ფეისბუქ ჯგუფსა და დისქორდ სერვერზე.
Pulsar AI — გზა თბილისიდან სილიკონის ველამდე
Pulsar AI — გზა თბილისიდან სილიკონის ველამდე
უნდა ვუწოდოთ თუ არა ChatGPT-ს ხელოვნური ინტელექტი
უნდა ვუწოდოთ თუ არა ChatGPT-ს ხელოვნური ინტელექტი
