ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!
ბექა მაისურაძესტარტაპები
4 ნოემბერი 2022, 13:26
2022-11-04
Pulsar AI — გზა თბილისიდან სილიკონის ველამდე
2019 წელს, ქართველი დეველოპერების, ლინგვისტებისა და ლიდერშიფ გუნდმა გადაწყვიტა შეექმნა ვირტუალური ასისტენტი ავტომანქანების დილერებისთვის. მთავარი მიზანი იყო, ბაზრისთვის ინოვაციური, სწრაფი და კომფორტული მომსახურება შეეთავაზებინათ, პროდუქტს კი დრო დაეზოგა ავტომანქანის დილერებისთვის და უზრუნველეყო მათი ეფექტური მუშაობა. ძალიან მალე, Pulsar AI გახდა პირველი ქართული ტექნოლოგიური სტარტაპი წარმატებული Exit-ით — კომპანია რამდენიმე ათეულ მილიონ დოლარად გაიყიდა.
2019 წელს, ქართველი დეველოპერების, ლინგვისტებისა და ლიდერშიფ გუნდმა გადაწყვიტა შეექმნა ვირტუალური ასისტენტი ავტომანქანების დილერებისთვის. მთავარი მიზანი იყო, ბაზრისთვის ინოვაციური, სწრაფი და კომფორტული მომსახურება შეეთავაზებინათ, პროდუქტს კი დრო დაეზოგა ავტომანქანის დილერებისთვის და უზრუნველეყო მათი ეფექტური მუშაობა. ძალიან მალე, Pulsar AI გახდა პირველი ქართული ტექნოლოგიური სტარტაპი წარმატებული Exit-ით — კომპანია რამდენიმე ათეულ მილიონ დოლარად გაიყიდა.
ფოტო: ხათუნა ხუციშვილი / Forbes Georgia
Pulsar AI-ის ერთ-ერთი დამფუძნებელი სოფო ჭყოიძეა, 26 წლის ბიზნეს ადმინისტრირების სპეციალისტი. სოფო გვიყვება, რომ თავდაპირველად ადგილობრივი ბაზრისთვის ხელოვნურ ინტელექტზე დაფუძნებულ გადაწყვეტილებების შექმნაზე მუშაობა დაჩი ჭოლაძემ და ზაალ გაჩეჩილაძემ 2016 წელს დაიწყეს, ის კი მოგვიანებით შეუერთდა.
სოფო ჭყოიძე
«კომპანიის თავდაპირველი მიზანი ქართული ბაზარზე თავის დამკვიდრება და მომხმარებლისთვის ინოვაციური და განსხვავებული პროდუქტის შეთავაზება იყო. გეგმა მოიცავდა ხელოვნური ინტელექტის წყალობით ქართულ ენაზე დიალოგების ავტომატიზაციას და სხვადასხვა AI ტექნოლოგიების გამოყენებას მოიცავდა, რაც ნებისმიერი ინდუსტრიისთვის მიმზიდველი იქნებოდა. ასე გაჩნდა ქართულენოვანი ხმოვანი ასისტენტი, მომხმარებლის დისტანციური ვერიფიკაციის სერვისი და სხვადასხვა დიდ მონაცემებზე დაფუძნებული გადაწყვეტილებები».
სოფო ამბობს, რომ საერთაშორისო ბაზარზე გასვლის იდეის განხორციელება 2019 წლიდან დაიწყეს. ის dev.ge-ს უყვება, რა გზა გაიარა სტარტაპმა პირველი მილიონ დოლარიანი ინვესტიციის მოზიდვამდე, შემდეგ კი ქვეყნის საზღვრებს გარეთ საკუთარი სახელის დასამკვიდრებლად.
სოფო ჭყოიძე
«მილიონ ორასი ათასი დოლარი მოვიზიდეთ ამერიკელი და ქართველი ინვესტორებისგან, მივიღეთ დაფინანსება GITA-სგან და ვოპერირებდით ამერიკის ბაზარზე. 30-მდე კლიენტი გვყავდა, როცა გავიცანით კომპანია Spincar. ჩვენთვის მათი შემოთავაზება ყიდვაზე და ძალების გაერთიანებაზე საინტერესო შესაძლებლობად ჩავთვალეთ და რამდენიმეთვიანი დისკუსიის შემდეგ, წარმატებით ჩავხურეთ მოლაპარაკებები და due diligence ის პროცესი. შედეგად, კომპანია პულსარი 2021 წელს ავტო-ინდუსტრიაში ციფრული გაყიდვების სისტემების გლობალურმა ლიდერმა, კომპანია Impel-მა შეიძინა, რომელიც შესყიდვის დროს Spincar-ის სახელით იყო ცნობილი».
სოფო ჭყოიძე ახლა საოპერაციო მიმართულებით Impel-ის ვიცე-პრეზიდენტია. ამბობს, რომ Impel-ის პროდუქტებთან პულსარის პროდუქტის ინტეგრირება აუმჯობესებს აშშ-ის დილერებისთვის შეთავაზებულ სერვისებს. Impel-ის გუნდთან შეერთების შედეგად, ფართოვდება მყიდველთა და სერვისის გამოყენების მსურველთა რაოდენობა.
ხათუნა ხუციშვილი / Forbes Georgia
Impel-ის კლიენტები ძირითადად ავტომანქანის დილერები არიან, რომელთაც სურთ ციფრული გაყიდვების სფეროში ინოვაციური ტექნოლოგიური სერვისით თავიანთი გაყიდვებისა და მომსახურების გაზრდა.
სოფო ჭყოიძე
«ჩვენი სპეციფიკიდან გამომდინარე, საქართველოში კონკურენტები არ გვყავს. ამჟამად, უცხოურ ბაზარზე პულსარის კონკურენტებად შეიძლება ჩაითვალოს Conversica და Exceed. თუმცა, მათ მიერ შემოთავაზებული პროდუქტები ვერ აკმაყოფილებენ ისეთ მომსახურებას, რომელსაც პულსარი ერთიანად სთავაზობს კლიენტებს».
გაერთიანების შედეგად, პულსარის თანამშრომლები შეუერთდნენ აშშ-ის გუნდის პროდუქტის, ოპერაციების, კვლევისა და განვითარების პროცესებს. საქართველოში მყოფი გუნდი უკვე გლობალური კომპანიის პროდუქტისა თუ სერვისის განვითარებაში იღებს მონაწილეობას.
ამჟამად კომპანიას ოთხი ოფისი აქვს: აშშ-ში, კანადაში, ინგლისსა და საქართველოში. თბილისის ოფისში, რომელიც სიდიდით მეორეა, დაახლოებით 50 თანამშრომელი მუშაობს.
სოფო ჭყოიძე
«თავიდან, როცა დავიწყეთ, ძალიან რთული იყო ისეთი კადრის მოზიდვა, რომელსაც ჰქონდა ის გამოცდილება, რაც ჩვენ გვინდოდა. ამიტომ უბრალოდ ვირჩევდით ადამიანებს, რომლებსაც ჰქონდათ მოტივაცია და სურვილი, ესწავლათ ის ტექნოლოგიები, რაზეც ჩვენ ვმუშაობთ. ახლა ჩვენთვის მნიშვნელოვანია, გუნდის ახალი წევრი იყოს პირველ რიგში დაინტერესებული ჩვენი საქმიანობით, იყოს აქტიური, გააჩნდეს ვაკანსიისთვის შესაბამისი კომპეტენცია და უნარები. წინა წელთან შედარებით, გუნდი გაორმაგდა და გვყავს ძალიან განსხვავებული, საინტერესო და ინოვაციური ჯგუფი, რომელიც უფრო და უფრო იზრდება».
სოფო dev.ge-ს უყვება სამომავლო გეგმების შესახებაც. წარსულში Pulsar AI-ის, ახლა უკვე Impel-ის გუნდი ინოვაციური და ტექნოლოგიური პროდუქტების შექმნას გააგრძელებს.
სტარტაპის გაშვებიდან ინვესტიციების მოზიდვამდე — რა უნდა იცოდნენ ახალგაზრდა ანტრეპრენერებმა
ავტორი: ვალერია ვაგოროვსკა. ბლოგი თავდაპირველად გამოქვეყნდა dev.ua-ზე.
იმისათვის, რომ ბიზნესიდეა რეალობად აქციოთ, წლობით ნაგროვები ცოდნა და გამოცდილება დაგჭირდებთ. მაგრამ ესეც ცოტა იქნება. ნებისმიერ შემთხვევაში რეალიზებაზე ბევრი მუშაობაა საჭირო.
გიორგი ტუხაშვილის სახელობის სტარტაპ დაჯილდოებაზე რეგისტრაცია დაიწყო
2024 წლის 28 მაისს, თბილისში გიორგი ტუხაშვილის სახელობის სტარაპ დაჯილდოება გაიმართება — რეგისტრაცია დღეიდან ღიაა, როგორც საკუთარი თავის კანდიდატურის წარდგენისთვის, ასევე, სხვების ნომინირებისთვის.
ლილი ფულარიანი: რუსული კანონი მოწყვლადი ჯგუფების ცხოვრებას კიდევ უფრო გაართულებს
«ციფრული ცოდნის გამავრცელებელი ქალების» დამფუძნებელი, ლილი ფულარიანი, რომელიც სოფლად მცხოვრებ ქალებსა და ბავშვებს ინტერნეტთან მუშაობას ასწავლის და ციფრული უნარების გამომუშავებაში ეხმარება, რუსული კანონის მეორედ დაინიციირებაზე ამბობს, რომ წინა წლის შემდეგ არაფერი შეცვლილა და კანონს ახლაც უარყოფითად აფასებს.
25 მარტს Startup Grind Tbilisi ბათუმში მორიგ ღონისძიებას გამართავს
25 მარტს Startup Grind Tbilisi ბათუმში მორიგი ღონისძიებით ბრუნდება მათთვის, ვისაც სტარტაპის მართვის შიდა სამზარეულოსა და მამაკაცების მიერ დომინირებულ ტექნოლოგიების სფეროში ქალი დამფუძნებლის მოღვაწეობის თავისებურებებზე მეტის გაგება სურს.
