ბოტების ზრდა, სიძულვილის ენის მატება და შინაარსის მოდერაციის პოლიტიკა — ეს იმ პრობლემების ჩამონათვალია, რომელიც X-ში მას შემდეგ გამწვავდა, რაც ილონ მასკმა კომპანია 2022 წლის ოქტომბერში შეიძინა.
ბოტების ზრდა, სიძულვილის ენის მატება და შინაარსის მოდერაციის პოლიტიკა — ეს იმ პრობლემების ჩამონათვალია, რომელიც X-ში მას შემდეგ გამწვავდა, რაც ილონ მასკმა კომპანია 2022 წლის ოქტომბერში შეიძინა.
დაახლოებით წლინახევრის შემდეგ მასკის X-მა მომხმარებლის თითქმის მეოთხედი დაკარგა.
ანალიტიკური კომპანიის, Sensor Tower-ის ახალი მონაცემების მიხედვით, X-ის ყოველდღიური აქტიური მობილური აპლიკაციების მომხმარებელთა რაოდენობა აშშ-ში 2022 წლის ნოემბრის შემდეგ 23%-ით შემცირდა.
ერთი წლის მონაცემების მიხედვით, მობილური აპლიკაციების მომხმარებლები აშშ-ში 18%-ით შემცირდა.
გასული თვის მონაცემებით, აშშ-ში X-ის მობილურ აპლიკაციას ყოველდღიურად 27 მილიონი აქტიური მომხმარებელი ჰყავდა.
Sensor Tower-ის კვლევის მიხედვით, X-მა სხვა სოციალურ პლატფორმებთან შედარებით ყველაზე მეტი მომხმარებელი დაკარგა.
მასკის X-ის გვერდით, პლატფორმა, რომელმაც მომხმარებელთა ყველაზე დიდ კლება განიცადა TikTok-ია. აპლიკაციის გამოყენების ბაზა 2022 წლის ნოემბრის შემდეგ 9,5%-ით შემცირდა. ამ მხრივ, Instagram თითქმის 4,5%-ით, Snapchat თითქმის 2%-ით, ხოლო Facebook 1%-ზე ნაკლებით შემცირდა.
«X მობილური აპლიკაციის აქტიური მომხმარებლების კლება შესაძლოა გამოწვეული იყოს უხეში კონტენტით, სიძულვილის ენის მატებითა და სხვა მიზეზები». — თქვა Sensor Tower-მა თავის კვლევაში.
X-ის გამოყენების ყველაზე მკვეთრი შემცირება, როგორც ჩანს, გასულ ზაფხულს დაფიქსირდა. ორ თვეში მასკმა პლატფორმაზე ორი ყველაზე დიდი ცვლილება დაანონსა: მან 2023 წლის ივლისში Twitter-ის იმდროინდელ მომხმარებლებს შეზღუდვა დაუწესა — რამდენი ტვიტის ნახვა შეეძლოთ დღეში. შემდეგ, 2023 წლის აგვისტოში, მასკმა პლატფორმის გარდაქმნა დაიწყო. შეცვალა ფრინველის საკულტო ლოგო და ასევე პლატფორმის სახელი «X“-ით შეცვალა. მკვლევრებმა მაშინვე შენიშნეს, რომ X-ის App Store-ზე ჩამოტვირთვებმა მომენტალურად იკლო.
გასათვალისწინებელია, Sensor Tower-ის შეფასებები მხოლოდ მობილური მომხმარებლის მონაცემებს ეფუძნება.
