Neuralink-მა მეორე პაციენტისთვის ტვინის ექსპერიმენტული ჩიპის ჩანერგვაზე ნებართვა მიიღო
ახალი ანგარიშის თანახმად, FDA-მ ილონ მასკის სტარტაპს, Neuralink-ს მეორე პაციენტისთვის ტვინის ექსპერიმენტული ჩიპის ჩანერგვაზე ოფიციალური ნებართვა მისცა.
ახალი ანგარიშის თანახმად, FDA-მ ილონ მასკის სტარტაპს, Neuralink-ს მეორე პაციენტისთვის ტვინის ექსპერიმენტული ჩიპის ჩანერგვაზე ოფიციალური ნებართვა მისცა.
Wall Street Journal-ის ცნობით, კომპანია იმპლანტის ძაფებს წინასთან შედარებით ტვინში უფრო ღრმად ჩააყენებს. უფრო კონკრეტულად კი, იმპლანტის ძაფები თავის ქერქში 8 მილიმეტრის სიღრმეზე განთავსდება. პირველი პაციენტის შემთხვევაში ეს დაშორება 3-დან 5 მილიმეტრამდე იყო.
მასკის კომპანიას FDA-მ მაისში ჩიპის ადამიანებზე ტესტირების ნებართვა მისცა, რაც Neuralink-სთვის გარდამტეხი მომენტი აღმოჩნდა.
Neuralink-ის წარმომადგენელმა განაცხადა, რომ ამ ფაქტმა კომპანიას ექვსწლიანი კვლევის დაწყების უფლება მისცა, რომელიც მედიცინისა და ტექნოლოგიის სფეროში რევოლუციური იქნება.
შეგახსენებთ, რომ Neuralink-ის ნეიროჩიპი პირველ ადამიანს მიმდინარე წლის იანვარში ჩაუნერგეს, რისი საშუალებითაც მან აზროვნების ძალით ელექტრონულ მოწყობილობების გაკონტროლება შეძლო.
მიუხედავად იმისა, რომ საქმეში მასკის მონაწილეობა Neuralink-ის პროფილს ამაღლებს, მას კონკურენტები ჰყავს, რომელთაგან ზოგიერთს ორი ათეული წლის წინანდელი გამოცდილება აქვს. მაგალითად, იუტაში დაფუძნებულმა Blackrock Neurotech-მა 2004 წელს თავისი პირველი ტვინის იმპლანტი ჩანერგა.
Neuralink-მა ადამიანის ტვინში უკაბელო ჩიპის იმპლანტი წარმატებით ჩადგა
Neuralink-მა ადამიანის ტვინში უკაბელო ჩიპის იმპლანტი წარმატებით ჩადგა
Neuralink-მა აშშ-სგან ადამიანებზე გამოცდის ჩატარების უფლება მოიპოვა
Neuralink-მა აშშ-სგან ადამიანებზე გამოცდის ჩატარების უფლება მოიპოვა
