ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!
ნანუკა კოხოძესტარტაპები
7 აპრილი 2023, 18:25
2023-04-07
Vrex Immersive — ქართული კომპანიის ტურისტული VR გამოცდილება
მსოფლიოს გარშემო მოგზაურობა ბევრისთვის ნამდვილად საოცნებოა. განსხვავებული კულტურებისა და ადგილების გაცნობა და საკუთარი თვალით ნახვა საინტერესო მოგონებებს აგროვებს. იყო დრო, როდესაც წარმოუდგენელი გვეჩვენებოდა, ადამიანს დედამიწა 80 დღეში შემოევლო. თუმცა, ახლა ტექნოლოგიის საშუალებით შეგიძლიათ, მსოფლიოს ნებისმიერ წერტილში სულ რამდენიმე წამში გაჩნდეთ. ამ გამოცდილებას ვირტუალური რეალობა გვჩუქნის.
Vrex Immersive Inc ქართული კომპანიაა, რომელიც სხვადასხვა ტურისტულ ორგანიზაციებს თუ ქვეყნებს ვირტუალური რეალობის გამოცდილებებს სთავაზობს ტურისტული ადგილების წარმოსაჩენად.
მსოფლიოს გარშემო მოგზაურობა ბევრისთვის ნამდვილად საოცნებოა. განსხვავებული კულტურებისა და ადგილების გაცნობა და საკუთარი თვალით ნახვა საინტერესო მოგონებებს აგროვებს. იყო დრო, როდესაც წარმოუდგენელი გვეჩვენებოდა, ადამიანს დედამიწა 80 დღეში შემოევლო. თუმცა, ახლა ტექნოლოგიის საშუალებით შეგიძლიათ, მსოფლიოს ნებისმიერ წერტილში სულ რამდენიმე წამში გაჩნდეთ. ამ გამოცდილებას ვირტუალური რეალობა გვჩუქნის.
Vrex Immersive Inc ქართული კომპანიაა, რომელიც სხვადასხვა ტურისტულ ორგანიზაციებს თუ ქვეყნებს ვირტუალური რეალობის გამოცდილებებს სთავაზობს ტურისტული ადგილების წარმოსაჩენად.
Vrex Immersive-ის თანადამფუძნებლის, ნიკოლოზ როსტომაშვილის თქმით, გუნდის წევრები ვირტუალური რეალობის მიმართულებით ჯერ კიდევ 2014 წელს დაინტერესდნენ, როდესაც VR ტექნოლოგიები იბადებოდა.
ნიკოლოზ როსტომაშვილი
«ჩვენ დავინახეთ ამ ტექნოლოგიის დიდი მომავალი და უბრალოდ მოგვინდა გვეკეთებინა ვირტუალური რეალობის გამოცდილებები. რა დანიშნულებით — არ გვქონია დაკონკრეტებული. უბრალოდ გვინდოდა გვეცადა, რადგან იმერსიული მედია იყო მომავალი და ჩვენ ამის გვჯეროდა».
ერთ-ერთი მუსიკალური ფესტივალის გადაღების შემდეგ პროდუქტისადმი ინტერესი და თანხის ინვესტირების სურვილი გაჩნდა. სწორედ ასე მიიღო Vrex-მა თავისი მიმართულება და სახელი.
Vrex-ს რამდენიმე სახის მომსახურება და პროდუქტი აქვს. მაგალითად, თუ რომელიმე სასტუმროს სურს, თავისი სერვისების გამორჩეული ექსპოზიცია მოახდინოს, კომპანია იღებს პერიმეტრს და 360 გრადუსიანი ვიდეოების საშუალებით ვებსაიტს აწყობს.
«გვიკვეთავს რომელიმე სასტუმრო, ტურისტული კომპანია ან ორგანიზაცია, რომელსაც რაღაც აქვს გასაყიდი და გვთხოვს, რომ გადავიღოთ და გავაკეთოთ სფერული ვიდეოებისგან შემდგარი გამოცდილება — ტური მისი პროდუქტის შესახებ. შემდეგ უკვე დამკვეთი წყვეტს, რა ფორმით მოახდენს შინაარსის დემონსტრირებას და ასე ირჩევა შესაბამისი პროდუქტი».
Vrex-ის პროდუქტებიდან ერთ-ერთი — ჩემოდანი «Vrex Box-ია», რომელიც საგამოფენო მოწყობილობაა.
«მისი აწყობა საკმაოდ მარტივია. აქვს ეკრანი და სათვალეები. ეკრანზე გადის რეკლამა და სათვალის საშუალებით მომხმარებელი ვირტუალურ რეალობაში ათვალიერებს იმ ადგილს, რომელიც პროდუქტის სახითაა წარმოდგენილი გამოფენაზე. ეკრანზე გადის ის, რასაც ერთი კონკრეტული მომხმარებელი სათვალეში ნახულობს. ეს ძალიან ეფექტური ტურისტული პროდუქტი და ტექნოლოგიური საგამოფენო გადაწყვეტილებაა». — ამბობს ნიკოლოზ როსტომაშვილი.
Vrex Immersive-ის მომხმარებლები ძირითადად ტურიზმის მსხვილი მოთამაშეები — კონკრეტული ქვეყნები და გამოფენები არიან.
«მაგალითად, ესტონეთს უნდა, რომ ერთ-ერთ გამოფენაზე წარმოდგენილი იყოს შთამბეჭდავი მარკეტინგული ექსპოზიციით, ამ დროს ჩვენს პროდუქტს ქირაობს. ჩვენს პროდუქტს აქტიურად იყენებს საქართველოს მთავრობა. მსხვილი ტურისტული კომპანიები — მაგალითად, ერთ-ერთი კომპანია თურქეთში, რომელიც რამდენიმე ტურისტულ ობიექტს ფლობს. ძირითადი მომხმარებლები ისინი არიან, ვისაც დიდი ობიექტების ჩვენება უნდათ ეფექტური ფორმით».
დღესდღეობით Vrex Immersive-ის აპლიკაციით სარგებლობა მხოლოდ მათ სამიზნე აუდიტორიას შეუძლია. ამის მიზეზად ნიკოლოზ როსტომაშვილი ვირტუალური რეალობის სათვალეების არა-მასობრიობას ასახელებს. თუმცა, ამბობს, რომ სჯერათ, სამომავლოდ ეს პროდუქტი ნებისმიერი ადამიანს ექნება.
«ჩვენ გვჯერა, რომ ვირტუალური რეალობის სათვალე გახდება მასობრივი მოხმარების პროდუქტი, როგორც ტელევიზორი, ლეპტოპი, რომელიც მსოფლიოში ნებისმიერ ადამიანს ექნება. იმ მომენტისთვის, როცა ეს მოხდება, გვექნება აპლიკაცია, რომლის გადმოწერა ნებისმიერ ადამიანს შეეძლება. დღეს გარკვეული შეზღუდვები არსებობს და დახურული პლატფორმა გვაქვს».
სტარტაპის წამოწყებას თან მრავალი სირთულე ახლავს, გამონაკლისი არც Vrex Immersive იყო.
«სტარტაპერის და ანტრეპრენერის ცხოვრება ძნელია, ყოველ წუთი ბევრი სირთულისგანაა შემდგარი. სულ ხდება რაღაც, რაც შენს წინააღმდეგაა. მთავარი სირთულე ეგაა, რომ შენ ხარ ერთი-ერთზე გარემოსთან. გარემო პირობები გებრძვიან და შენ უნდა მოიგო ეს არასამართლიანი ბრძოლა. გარემო შენზე ბევრად ძლიერია და ერთადერთი უპირატესობა რაც გაქვს არის ის, რომ უნდა მოახერხო და იყო გარემოზე უფრო სწრაფი და იღბალზე მეტად მოქნილი. სწორედ ესაა ერთადერთი გზა, რომ დიდ კომპანიად ჩამოყალიბდე, რომელსაც რყევები ვეღარ არღვევს». — ამბობს ნიკოლოზ როსტომაშვილი.
ის ასევე გამოყოფს ახალ ტექნოლოგიებთან მუშაობის სირთულეებს.
«ყოფილა შემთხვევა, როცა გამოფენის მიმდინარეობისას რაღაც განახლებები გამოსულა და ამის გამო პროდუქტმა მუშაობა შეწყვიტა. როცა ახალ ტექნოლოგიასთან მუშაობ, იცი, რომ ის დაუმუშავებელია და მწარმოებელი ხშირად პროგრამული უზრუნველყოფის განახლებას აკეთებს, რა დროსაც რაღაც ხარვეზი ეპარებათ და ეს ხარვეზი შეიძლება იყოს ისეთი, რომელიც შენი პროდუქტის მუშაობას აჩერებს. გამოფენაზე, რომელიც სულ ორი დღე მიმდინარეობს, საკვანძო მომენტში შენი პროდუქტი მუშაობას წყვეტს — ამას შეიძლება, შენი კომპანია გადაყვეს. ამ დროს ძალიან ოპერატიული და სწრაფი რეაგირებაა საჭირო. თუ არ გამოასწორე პრობლემა, არავინ გაითვალისწინებს, რომ შენი ბრალი არ იყო და აღარ ითანამშრომლებს შენთან. სხვებსაც ეტყვის, რომ არ ითანამშრომლონ. აქ მთავრდება დამწყები კომპანიის მოღვაწეობა».
კომპანიის მთავარი მიზანი საერთაშორისო ბაზარზე ტურისტულ გამოცდილებაში რევოლუციური ცვლილებების შეტანაა.
«მომავალი ასეთია — Vrex არის კომპანია, რომელმაც ბევრად უფრო გაამარტივა ტურისტული ადგილის შერჩევის პროცესი მსოფლიოს ნებისმიერი ადამიანისთვის. თუ კი დღეს ტურისტული პროდუქტის შესარჩევად შევდივართ საიტზე, ვნახულობთ ბროშურებს, მივდივართ ტურისტულ სააგენტოში, Vrex Immersive-თან ერთად, ვიკეთებთ სათვალეს და თავად ვართ იმ ტურისტულ ობიექტზე, რომელიც გვაინტერესებს. ასე ძალიან ობიექტურად, დამატებითი შელამაზებების და თავს მოხვევების გარეშე ვიღებთ ინფორმაციას ტურისტული პროდუქტების და ადგილების შესახებ».
ამ ეტაპისთვის, Vrex Immersive-ის მიზანს საერთაშორისო ბაზარზე ოპერაციების განვითარება და შეკვეთებისა და პროდუქტის მომხმარებლების რიცხვის დრამატული ზრდა წარმოადგენს.
ArtOa — ქართული პლატფორმა, რომელიც კედლის მხატვრებისთვის ახალ კარიერას ქმნის
კედლის მხატვრობას ვხვდებით ყველგან: დიდ თუ პატარა ქალაქში როგორც საქართველოში, ისე საზღვარგარეთ, დიდი შენობების ფასადებზე, კედლებზე, მიწისქვეშა გადასასვლელებში, კომერციული ობიექტების შიდა თუ გარე ინტერიერში.
როგორ უნდა მოვიქცეთ, თუ გვინდა, ჩვენი სახლის ან მაგალითად, კაფეს კედელი მოვხატოთ? სად მოვძებნოთ არტისტი, რომელიც ამ რთულ და დელიკატურ სამუშაოს შეასრულებს?
სწორედ ამ საკითხის მოსაგვარებლად გიორგი ინწკირველმა და მარიამ ღოღაძემ შექმნეს ArtOa.io — პირველი ინოვაციური პლატფორმა, რომელიც კედლის მხატვრებსა და არტ ენთუზიასტებს ერთმანეთთან აკავშირებს. მისი ძირითადი მომხმარებლები ის ბიზნესები, ბრენდები და ცალკეული ადამიანები იქნებიან, რომლებსაც საკუთარ სივრცეებში კედლის მხატვრობის შეტანა სურთ.
სტარტაპის გაშვებიდან ინვესტიციების მოზიდვამდე — რა უნდა იცოდნენ ახალგაზრდა ანტრეპრენერებმა
ავტორი: ვალერია ვაგოროვსკა. ბლოგი თავდაპირველად გამოქვეყნდა dev.ua-ზე.
იმისათვის, რომ ბიზნესიდეა რეალობად აქციოთ, წლობით ნაგროვები ცოდნა და გამოცდილება დაგჭირდებთ. მაგრამ ესეც ცოტა იქნება. ნებისმიერ შემთხვევაში, ბევრი მუშაობაა საჭირო.
