სიახლეების განყოფილება მსოფლიო 12 დეკემბერი 2022, 12:09

Twitter-ზე ფასიანი ლურჯი ნიშანი ბრუნდება

Twitter-ის ფასიანი ვერიფიკაციის ფუნქცია, რომელიც ნოემბერში შეჩერდა, კიდევ ერთხელ ამოქმედდება

ის $8 ეღირება. თუმცა, უფრო ძვირი იქნება მომხმარებლებისთვის, რომლებიც Twitter-ს Apple-ის მოწყობილობებზე იყენებენ.

Twitter-ის მფლობელმა, ილონ მასკმა თქვა, რომ აპლიკაციის შიგნით გაყიდვების შემთხვევაში Apple-ის მიერ გადახდილი საკომისიოს ოდენობით უკმაყოფილოა.

Twitter Blue-ის დამატებითი ფუნქცია რედაქტირების ღილაკი იქნება, რომელსაც პლატფორმის მრავალი მომხმარებელი ითხოვდა. მეორე მხრივ, ფასიანმა ლურჯმა ნიშანმა შესაძლოა დეზინფორმაციის გავრცელების პოტენციალი გაზარდოს.

ასევე, Blue-tick-ით მოსარგებლეები ნაკლებ რეკლამას ნახავენ. შეძლებენ უფრო ხანგრძლივი და უკეთესი ხარისხის ვიდეოები ნახონ და განათავსონ.

ადრე ლურჯი ნიშანი გამოიყენებოდა, როგორც მაღალი დონის ანგარიშების დასტური. მას Twitter უფასოდ გასცემდა, მაგრამ მხოლოდ იმ ადამიანებისთვის, რომლებსაც თავად შეარჩევდა გამომწერების რაოდენობის ან სხვა კრიტერიუმის მიხედვით.

ილონ მასკს მტკიცებით, ეს უსამართლო მიდგომა იყო.

მათ, ვისაც ლურჯი ნიშანი უკვე აქვთ, შეუნარჩუნდებათ.

Twitter-ის ოფიციალური განცხადების მიხედვით, ეს ნიშნები საბოლოოდ ოქროსფერი (ბიზნესისთვის) ან ნაცრისფერი (სხვებისთვის, მაგალითად ხელისუფლების წარმომადგენელისთვის) ნიშნებით შეიცვლება.

ახალი სისტემის მიხედვით, აბონენტები, რომლებიც სახელს ან სურათს შეცვიან, ლურჯ ნიშანს დაკარგავენ, შემდეგ კი ანგარიში Twitter-ის მიერ განიხილება.

ფასიანი ლურჯი ნიშნის ჩაშვების პირველ ეტაპზე, ნოემბერში, ადამიანებმა ლურჯი ნიშნით მსხვილი ბრენდებისა და ცნობილი ადამიანების იმიტაცია დაიწყეს და ათობით ყალბი ანგარიში გახსნეს.

ბევრმა თავი ილონ მასკად წარმოადგინა.

ერთმა მომხმარებელმა, რომელიც თავს ამერიკულ ფარმაცევტულ ფირმა Eli Lilly-იდ აჩვენებდა, დატვიტა — «ინსულინი უფასოა», რამაც კომპანიის აქციების ფასის ვარდნა გამოიწვია. თუმცა, Eli Lilly ინსულინის ფასების შემცირებას რეალურად დათანხმდა.

მსოფლიოს უმდიდრესმა ადამიანმა, ილონ მასკმა Twitter 44 მილიარდ აშშ დოლარად 2022 წლის ოქტომბერში იყიდა.