„6 წელია, ანაზღაურება არ მიუღია" — Tesla-ს სურს, ილონ მასკს $56 მლრდ გადაეცეს

ელექტრომობილების მწარმოებელი კომპანია აქციონერებს სთხოვს, Tesla-ს აღმასრულებელი დირექტორის რეკორდული ანაზღაურების მოთხოვნას ხელი მოაწერონ.

თავდაპირველად, კერძოდ იანვარში, აშშ-ის სასამართლომ ეს გარიგება არ დააკმაყოფილა და თქვა, რომ ეს «გაუგებარი თანხაა». 

ილონ მასკისთვის 56 მილიარდის გადაცემა განიხილება მას შემდეგ, რაც მასკმა თავისი გლობალური სამუშაო ძალის 10%-ზე მეტის შემცირების გეგმა გამოაცხადა.

თანამშრომლებისთვის გაცემულ მემორანდუმში მასკმა თქვა, რომ მას რეორგანიზაციასა და გათავისუფლებებზე მეტად არაფერი სძულს, «მაგრამ ეს უნდა გაკეთდეს».

ახლა ბიზნესმენის ანაზღაურება ყურადღების ცენტრშია — თუმცა, შემოთავაზებული კომპენსაცია არ არის ხელფასი ან პრემია. 

2023 წელს Tesla-ში ილონ მასკის ანაზღაურება $0 იყო, ვინაიდან ის ხელფასს არ იღებს — შესამოვლის წყარო კომპანიის აქციებია. 

2018 წლის გადაწყვეტილების თანახმად, ის თანხას სწორედ აქციების ფასის მიხედვით მიიღებდა. ხოლო ბოლო 10 წელში Tesla-ს აქციები $650 მილიარდამდე გაიზარდა. ამ ეტაპზე კომპანიის ღირებულება 500,36 მილიარდი აშშ დოლარია. 

როგორც Tesla-ში ამბობენ, მასკს კომპანიიდან 6 წელია, ცენტიც არ მიუღია. 

«ჩვენ ვფიქრობთ, რომ ეს ფუნდამენტურად უსამართლოა». — აცხადებს Tesla-ს წარმომადგენელი და დასძენს, რომ თუ ეს სამართლებრივად მიზანშეწონილია, ემხრობა საკითხის გადაწყვეტას აქციონერთა ხმის მიცემის საფუძველზე. 

Bloomberg-მა და Forbes-მა 2023 წლის ნოემბერში ილონ მასკის ქონება 220 მილიარდ აშშ დოლარად შეაფასეს, რაც მას მსოფლიოს უმდიდრეს ადამიანად აქცევს.

მილიარდერი თავისი რეპუტაციის აღდგენასაც ცდილობს. კერძოდ, Tesla-ს, უსაფრთხოების მიზნით, მანქანების გადამოწმება მოუწია. ასევე, ის  ანტისემიტურ კონსპირაციულ დაპირისპირებაში იყო ჩაბმული და განგრძობადი პრობლემები ჰქონდა X-თან.

ილონ მასკი ამბობს, რომ Tesla 8 აგვისტოს თავის robotaxi-ის წარადგენს

თემის მიხედვით

ილონ მასკი ამბობს, რომ Tesla 8 აგვისტოს თავის robotaxi-ის წარადგენს

Tesla სამუშაო ძალის 10%-ზე მეტს ათავისუფლებს

თემის მიხედვით

Tesla სამუშაო ძალის 10%-ზე მეტს ათავისუფლებს