ნინი ვანიშვილი მსოფლიო 27 თებერვალი 2023, 20:32

Twitter-მა გაათავისუფლა ქალი, რომელსაც ილონ მასკის მმართველობის პირველ დღეებში ოფისში ეძინა

Twitter-მა სამსახურიდან გაათავისუფლა პროდუქტის მენეჯერი, ესტერ კროუფორდი. ეს ის ქალია, რომელსაც ილონ მასკის მმართველობის პირველ დღეებში ოფისში ეძინა.

კომენტარის დატოვება

Twitter-მა გაათავისუფლა ქალი, რომელსაც ილონ მასკის მმართველობის პირველ დღეებში ოფისში ეძინა

Twitter-მა სამსახურიდან გაათავისუფლა პროდუქტის მენეჯერი, ესტერ კროუფორდი. ეს ის ქალია, რომელსაც ილონ მასკის მმართველობის პირველ დღეებში ოფისში ეძინა.

ესტერ კროუფორდს Twitter-ის შემცირებების მორიგი ტალღა შეეხო. 25 თებერვალს კომპანიიდან 50 თანამშრომელი გაათავისუფლეს. მოგვიანებით Platformer-მა განაცხადა, რომ ეს რიცხვი, სავარაუდოდ, გაცილებით მეტია.

ბოლო ტვიტში კროუფორდმა თქვა, რომ ყველაზე უარესი, რაც შეიძლება ხალხმა იფიქროს, არის ის, რომ მისი ოპტიმიზმი ან შრომისმოყვარეობა Twitter-ზე შეცდომა იყო.

კროუფორდმა თქვა, რომ ამაყობს Twitter-ის გუნდით, რომელმაც ხმაურსა და ქაოსში კომპანიის შენარჩუნება შეძლო.

პროდუქტის კიდევ ერთი მენეჯერი, რომელიც გაათავისუფლეს, მარტინ დე კუიპერია. როგორც ამბობს, გაიღვიძა და აღმოაჩინა, რომ მისი ელექტრონული ფოსტა დაბლოკილი იყო.

მასკმა Twitter-ზე შემცირებების ახალი ტალღის შესახებ არაფერი თქვა.

მას შემდეგ, რაც ილონ მასკმა კომპანია ჩაიბარა, Twitter-დან სრულ განაკვეთზე მომუშავე თანამშრომლების 80%-ზე მეტი გაათავისუფლეს. 2023 წლის იანვრის მდგომარეობით, კომპანიის ყოველდღიური შემოსავალი 40%-ით შემცირდა.