Meta-ს მოგებამ ექსპერტების მოლოდინს გადააჭარბა
Facebook-ისა და Instagram-ის მშობელმა კომპანია Meta-მ ამ წლის პირველ კვარტალში 5,7 მილიარდი აშშ დოლარის მოგება გამოაცხადა, რამაც ექსპერტების მოლოდინს გადააჭარბა.
Facebook-ისა და Instagram-ის მშობელმა კომპანია Meta-მ ამ წლის პირველ კვარტალში 5,7 მილიარდი აშშ დოლარის მოგება გამოაცხადა, რამაც ექსპერტების მოლოდინს გადააჭარბა.
კომპანიის თქმით, ხელოვნური ინტელექტი ბიზნესზე დადებითად აისახება.
მთლიანმა შემოსავალმა 28,6 მილიარდი აშშ დოლარი შეადგინა, ხოლო Facebook-ზე მომხმარებელთა რიცხვი სამ მილიარდამდე გაიზარდა.
«ჩვენი ქომუნითი ზრდას აგრძელებს. ჩვენ უფრო ეფექტურები ვხდებით, რათა უკეთესი პროდუქტები მოკლე დროში შევქმნათ და საკუთარის თავის საუკეთესო ვერსია მივიღოთ». — თქვა Meta-ს აღმასრულებელმა დირექტორმა, მარკ ცუკერბერგმა.
მარკ ცუკერბერგმა ინვესტორებს განუცხადა, რომ Meta ხელოვნურ ინტელექტზე მუშაობას აქტიურად აპირებს და სურს, მომხმარებლებს სასარგებლო, მათზე მორგებული პროდუქტები შესთავაზოს.
კომპანია თავისი გენერაციული AI-ის კომერციალიზაციას აპირებს — Google-ის პრაქტიკული აპლიკაციების მოძიების საქმეში უერთდება — რადგან მთელი ინდუსტრია ხელოვნური ინტელექტის შესაძლებლობებით არის აღფრთოვანებული.
Meta-მ 2013 წელს Facebook-ის ხელოვნური ინტელექტის კვლევის ლაბორატორია დააარსა, მაგრამ ამ სფეროში გარდამტეხი წინსვლა, როგორც, მაგალითად, Microsoft-ს ჯერ არ ჰქონია.
თუმცა, ცუკერბერგი ამბობს, რომ კომპანია ხელოვნური ინტელექტის მქონე ინფრასტრუქტურის მშენებლობას აღარ ჩამორჩება და ეცდება, დანარჩენ კომპანიებს ღირსეული კონკურენცია გაუწიოს.
პოზიტიური ფინანსური მაჩვენებლები იმ პერიოდს ემთხვევა, როდესაც Meta-მ სამუშაო ადგილები და პროექტები შეამცირა. «მიზანი 2023 წლის ეფექტურ წლად გადაქცევა იყო». — თქვა ცუკერბერგმა.
Meta ყველაზე აგრესიული მსხვილი ტექნოლოგიური კომპანია აღმოჩნდა, როცა საქმე შემცირებას შეეხო — თავისი გლობალური მუშახელის თითქმის მეოთხედი დაკარგა, სულ რამდენიმე თვეში 20000-ზე მეტი სამუშაო ადგილი შეამცირა.
«ამ ეკონომიკურ გარემოში — და კატასტროფის შემდეგ, რომელიც 2022 წელი იყო — შემოსავლების 3%-ით ზრდა მიღწევაა». — თქვა Insider Intelligence-ის მთავარმა ანალიტიკოსმა, დებრა აჰო უილიამსონმა.
«ეფექტურ წელს», რომელზეც ცუკერბერგი ხშირად საუბრობს, ნაყოფი გამოაქვს. შედეგებმა მოლოდინს, ცალსახად, გადააჭარბა. მთავარია, Meta-მ კურსი არ შეცვალოს და კრიტიკულ მომენტში გარდამტეხი გადაწყვეტილება მიიღოს.
Meta-ში მასობრივი შემცირების მორიგი რაუნდია მოსალოდნელი
Meta-ში მასობრივი შემცირების მორიგი რაუნდია მოსალოდნელი
Meta-მ VR დეველოპერებს $1 მილიონამდე გადაუხადა, ახლა კი ფინანსურ პრობლემებს ებრძვის
Meta-მ VR დეველოპერებს $1 მილიონამდე გადაუხადა, ახლა კი ფინანსურ პრობლემებს ებრძვის
Meta-ს ახალი AI, რომელიც ნახატებს ანიმაციად აქცევს
Meta-ს ახალი AI, რომელიც ნახატებს ანიმაციად აქცევს
