Meta-ში მომუშავე რამდენიმე ადამიანის ცნობით, კომპანია, სავარაუდოდ, 20 აპრილს მასობრივი შემცირების მორიგ რაუნდს დაიწყებს. Meta-მ ინფორმაცია დაადასტურა, თუმცა დამატებითი კომენტარის გაკეთებაზე უარი განაცხადა.
Meta-ში მომუშავე რამდენიმე ადამიანის ცნობით, კომპანია, სავარაუდოდ, 20 აპრილს მასობრივი შემცირების მორიგ რაუნდს დაიწყებს. Meta-მ ინფორმაცია დაადასტურა, თუმცა დამატებითი კომენტარის გაკეთებაზე უარი განაცხადა.
მოსალოდნელია, რომ კომპანიიდან დაახლოებით 4,000 ადამიანს გაათავისუფლებენ. ეს იმ რეორგანიზაციის ნაწილია, რომელიც Meta-ს აღმასრულებელმა დირექტორმა, მარკ ცუკერბერგმა მარტში დააანონსა. გეგმის მიხედვით, გაზაფხულზე კომპანიამ 10,000 თანამშრომელი უნდა გაათავისუფლოს. Meta-ში სამუშაო ადგილების მასობრივი შემცირება ფართო რესტრუქტურიზაციის ნაწილია, რომელიც ნოემბერში 11,000 თანამშრომლის გაშვებით დაიწყო.
ცუკერბერგმა თქვა, რომ აპრილში დაგეგმილი შემცირება გავლენას ტექნიკურ განყოფილებებზე მოახდენს, ხოლო მაისში ძირითადად ბიზნეს მხარე დაზარალდება.
ზოგიერთი ვარაუდობს, რომ რამდენიმე პროექტი Facebook აპისა და Reality Labs-ის (განყოფილება, რომელიც გაძლიერებულ და ვირტუალურ რეალობის გამოცდილებაზე მუშაობს) ფარგლებში, მალე შეჩერდება. თუმცა ისინი, ვინც თამაშების შექმნაზე მუშაობენ, ჯერჯერობით უსაფრთხოდ არინ, რადგან Meta-ს საკუთარი მეტავერსული აზარტული თამაშების გაყივდა სურს.
მეტავერსი Meta-სა და ცუკერბერგის სტრატეგიულ საყრდენად ითვლება. კომპანიამ VR პლატფორმისთვის, Horizon Worlds მილიარდები დახარჯა. თუმცა პროექტმა არ გაამართლა — მას გასული წლის ბოლოს თვეში მხოლოდ 200,000 აქტიური მომხმარებელი ჰყავდა.
