Meta-ს აღმასრულებელ დირექტორს, მარკ ზაკერბერგს ბოლო დროს პოდკასტებში ხშირად ვხედავთ. ის ახლახან კომპანიის ყოველწლიურ დეველოპერთა კონფერენციაზე, Meta Connect 2023-ზე გამოვიდა.
Meta-ს აღმასრულებელ დირექტორს, მარკ ზაკერბერგს ბოლო დროს პოდკასტებში ხშირად ვხედავთ. ის ახლახან კომპანიის ყოველწლიურ დეველოპერთა კონფერენციაზე, Meta Connect 2023-ზე გამოვიდა.
ღონისძიებაზე კომპანიამ Meta Quest 3 შერეული რეალობის ყურსასმენი, სმარტ სათვალეების შემდეგი თაობა და რამდენიმე განახლებული ხელოვნური ინტელექტი დააანონსა, მათ შორის Meta-ს ახალი ასისტენტი და 28 AI სიმბოლო, რომლითაც მომხმარებლები Facebook-ზე, Instagram-სა და WhatsApp-ზე ურთერთობენ.
ზაკერბერგი The Verge-ის რეპორტიორს, ალექს ჰიტს, Decoder-ის პოდკასტზე შეურთდა, რათა ყველა ახალ ანონსზე ესაუბრა, მაგრამ ეს ინტერვიუ — რაც არუნდა კარგი და საინტერესო იყოს — რეალურ სამყაროში გადაიღეს. თუ გსურთ, ამ ინტერვიუს გაეცნოთ, შეგიძლიათ მას YouTube-ზე უყუროთ. მართლაც მრავლისმომცველი ინტერვიუა და ილონ მასკთან ბრძოლასაც კი ეხება:
თუმცა, უფრო საინტერესო ინტერვიუა ის, რომელიც ზაკერბერგმა ლექს ფრიდმანთან ერთად გააკეთა — გაგიკვირდებათ, თუმცა ეს საერთოდ არ არის დაკავშირებული ინტერვიუს შინაარსთან. ამ კონკრეტული ინტერვიუსთვის ფრიდმანი ზაკერბერგს Metaverse-ში შეურთდა, რათა მათ კომპანიის AR და VR ამბიციებზე ესაუბრათ. თუმცა, იმის ნაცვლად, რომ საკუთარი თავის ანიმაციური ვერსიები ყოფილიყვნენ, ისინი საკუთარი თავის ფოტორეალისტურ ვერსიებად მოგვევლინენ.
YouTube-ზე ამ ინტერვიუს ხილვაც შესაძლებელია:
ფრიდმანის რეაქცია აშკარა იყო. მასპინძელი მთელი ინტერვიუს განმავლობაში აღფრთოვანებული იყო იმით, თუ რამდენად რეალური იყო ეს გამოცდილება. მიუხედავად იმისა, რომ ძნელია დადგენა, როგორია ეს გამოცდილება 2D ეკრანზე ყურებისას, ფრიდმანმა ისაუბრა იმაზე, თუ რამდენად წარმოუდგენელი იყო ეს გამოცდილება მისთვის. ისინი ერთმანეთისგან შორს იყვნენ, მაგრამ სიახლოვეს გრძნობდნენ. მან ასევე ხაზი გაუსვა, რამდენად ზუსტი იყო ექსპრესიულობა, რამაც საშუალება მისცა, ზაკერბერგის სხეულის ენა წაეკითხა. ფრიდმანმა ინტერვიუს მსვლელობისას თქვა: «მე უკვე მავიწყდება, რომ შენ რეალური არ ხარ».
საუბრისას სხეული არ ჩანდა. ზაგერბერგმა თქვა, რომ ეს უფრო რთული გამოწვევაა, რომლის გადაჭრაც კომპანიას ჯერ კიდევ სჭირდება. მაგრამ როგორც კი ამას მოახერხებენ, ადამიანებს Metaverse-ში ბევრი საინტერესო რამის გაკეთება შეეძლებათ.
ზაკერბერგი ამბობს, რომ ამაზე მუშაობას მინიმუმ სამი წელი დასჭირდება. თუ Metaverse-ში საკუთარი თავის სკანირებას ცდილობთ და გსურთ, ისეთივე რეალურად გამოიყურებოდეთ, როგორც ფრიდმანი და ზაკერბერგი, იცოდეთ, რომ ტყუილად წვალობთ. ეს ყოვლისმომცველ სკანირებას მოითხოვს. თუმცა, კომპანია იმედოვნებს, რომ მომავალში ასეთი შედეგის მიღწევას ისეთი მარტივი სმარტფონის გამოყენებით შეძლებთ, როგორიც კომპანიამ Meta Connect 2022-ზე წარადგინა. Apple ამის გაკეთებას უკვე ცდილობს — მომავალი Vision Pro ყურსასმენითა და iPhone-ით.
