ელექტრომობილების მწარმოებელმა,Tesla-მ განაცხადა, რომ ფასების შემცირების შემდეგ, რომელიც გაყიდვების გაზრდას ემსახურებოდა, მომხმარებლებს რეკორდული რაოდენობის მანქანები მიაწოდა.
ელექტრომობილების მწარმოებელმა,Tesla-მ განაცხადა, რომ ფასების შემცირების შემდეგ, რომელიც გაყიდვების გაზრდას ემსახურებოდა, მომხმარებლებს რეკორდული რაოდენობის მანქანები მიაწოდა.
კომპანიამ კონკურენტ მწარმოებლებთან კონკურენციის მიზნით ფასები აშშ-ის, დიდ ბრიტანეთისა და ჩინეთის ბაზრებზე შეამცირა.
გასულ კვირას, ჩინური ავტომობილების მთავარმა მწარმოებლებმა ივნისში გაყიდვების ზრდა დააფიქსირეს.
ამ წლის დასაწყისში, Tesla-ს აღმასრულებელმა დირექტორმა, ილონ მასკმა თქვა, უფრო მაღალი გაყიდვები, დაბალი მოგებით კომპანიითვის «სწორი არჩევანი» იყო.
2 ივნისს, Tesla-მ განაცხადა, რომ მეორე კვარტალში მომხმარებლებს 466,140 მანქანა მიაწოდა, რაც წინა წელთან შედარებით 80%-ზე მეტი იყო.
ამავდროულად, კომპანიამ განაცხადა, რომ იმავე პერიოდში ავტომობილების წარმოება თითქმის 480,000-მდე გაზარდა.
«Tesla-მ სტრატეგიული არჩევანი გააკეთა იმისთვის, რომ წამყვანი მწარმოებელი იყოს». — განუცხადა BBC-ს საკონსულტაციო კომპანიის, Automobility-ის დამფუძნებელმა და აღმასრულებელმა დირექტორმა, ბილ რუსომ.
საინვესტიციო კომპანიის, Wedbush Securities-ის წარმომადგენელმა, დენ აივზმა BBC-ს განუცხადა, რომ ჩინეთში ფასების შემცირება ჭკვიანური ნაბიჯი იყო, რამაც შედეგი უკვე გამოიღო.
ჩინეთი ჩრდილოეთ ამერიკის შემდეგ Tesla-ს მეორე უდიდესი ბაზარია.
გასულ კვირას, პეკინში დაფუძნებულმა Li-Auto-მ განაცხადა, რომ მისმა მიწოდებებმა ივნისში ყველა დროის მაქსიმუმს, 32,575-ს მიაღწია, რაც ზედიზედ მესამე ყოველთვიური რეკორდია.
ამავდროულად, შანხაიში დაფუძნებული Nio-სა და გუანჯოუში დაფუძნებული Xpeng-ის მიწოდება თვის განმავლობაში, 10,707 და 8,620-მდე გაიზარდა.
აპრილში Tesla-მ განაცხადა, რომ თავისი მანქანების ფასების სტაბილიზაციას არ აპირებდა, მიუხედავად იმისა, რომ ფასების განმეორებითმა შემცირებამ მოგება შეაფერხა.
«ჩვენ არ ვიწყებთ „ფასის ომს“, ჩვენ უბრალოდ ფასებს ვამცრებთ, რათა ხელმისაწვდომობა უფრო მასშტაბური გახდეს». — დატვიტა მასკმა.
