Google-მა დღეს გამოაცხადა, რომ Duet AI ასისტენტს ყველა Workspace აპში ავრცელებს, მათ შორის Gmail, Drive, Slides, Docs და სხვა. კომპანიამ თქვა, რომ Duet-ის ტექნოლოგია ჯერ კიდევ ტესტირების პროცესშია და მას უკვე მილიონზე მეტი ადამიანი იყენებს.
Google-მა დღეს გამოაცხადა, რომ Duet AI ასისტენტს ყველა Workspace აპში ავრცელებს, მათ შორის Gmail, Drive, Slides, Docs და სხვა. კომპანიამ თქვა, რომ Duet-ის ტექნოლოგია ჯერ კიდევ ტესტირების პროცესშია და მას უკვე მილიონზე მეტი ადამიანი იყენებს.
Google-მა Duet AI მომხმარებლებს I/O დეველოპერების კონფერენციაზე, ამ წლის დასაწყისში წარუდგინა. თქვენ შეგიძლიათ Duet-ს სთხოვოთ, Google Docs-ის მონახაზი Slide-ად გადააქციოს, ან მონაცემების გამოყენებით ელექტრონულ ცხრილში დიაგრამა შეადგინოს. ყველაფერთან ერთად, Duet კრეატიული ინსტრუმენტია — მას ელფოსტის პასუხის დაწერა, სურათების შექმნა და თქვენი გრამატიკის შემოწმება შეუძლია. ექსპერტები ამბობენ, რომ Duet Clippy-ისa და ChatGPT-ის შემოქმედებითი შესაძლებლობების ნაზავია.
Duet ასევე აპლიკაციების სპეციფიკურ ფუნქციებს ერგება ის Google Meet-ში AI-ზე დაფუძნებულ განათებას, ხმის ავტომატურ შესწორებასა და შეხვედრების ავტომატურ შეჯამებას გთავაზობთ; ჩატში, Duet გრძელ შეტყობინებებს, რომლის წაკითხვის დროც არ გაქვთ, ავტომატურად აჯამებს.
ტექნოლოგიაზე წვდომა იაფი არ იქნება. Google ამისთვის თვეში 30 აშშ დოლარს ითხოვს. ეს იგივე ფასია, რასაც მომხმარებლები Microsoft-ის ხელოვნური ინტელექტის სისტემის, Copilot-ის გამოყენებისთვის იხდიან.
ხელოვნური ინტელექტის ძირითადი მოდელები სრულყოფილი არ არის. ფსონები მაღალია, როდესაც ბიზნესისთვის კრიტიკულ მონაცემებთან მუშაობთ. მაგალითად, Google-ის Bard ჩათბოტი დღემდე უშვებს შეცდომებს თუ Duet რამეს არასწორად განმარტავს ან გამოიგონებს, პრობლემები შეგექმნებათ. ის ცდილობს, თქვენს მონაცემებსა და ფაილებში დარჩეს, მაგრამ ნებისმიერმა, ვინც Google-ის AI-ს ეყრდნობა, გონივრული იქნება, შედეგი ყოველთვის გადაამოწმოს.
Duet-ის გამოშვებით Google მაიკროსოფტს გამოწვევას უქმნის. ეს ინსტრუმენტები, რომლებიც ყველაფერს აკეთებენ, მომავლის ძირითადი ინსტრუმენტებია. ორივე კომპანიას სჯერა, AI-ის ჩვენი მუშაობის გზის სამუდამოდ შეცვლის პოტენციალი აქვს.
