სინგაპურის სახელმწიფო საკუთრებაში არსებული საინვესტიციო ფონდი, Temasek Holdings აცხადებს, რომ მან იმ პერსონალის ხელფასები შეამცირა, რომლებიც კრიპტოვალუტის ბირჟა FTX-ში ინვესტიციებზე არიან პასუხისმგებელნი. შეგახსენებთ, რომ FTX გასულ წელს ჩამოიშალა და გაკოტრდა.
სინგაპურის სახელმწიფო საკუთრებაში არსებული საინვესტიციო ფონდი, Temasek Holdings აცხადებს, რომ მან იმ პერსონალის ხელფასები შეამცირა, რომლებიც კრიპტოვალუტის ბირჟა FTX-ში ინვესტიციებზე არიან პასუხისმგებელნი. შეგახსენებთ, რომ FTX გასულ წელს ჩამოიშალა და გაკოტრდა.
პროკურორებმა FTX-ის ყოფილი აღმასრულებელი დირექტორი, სემ ბანკმან-ფრიდი ეპიკური თაღლითობის ორკესტრირებაში დაადანაშაულეს, რაც შესაძლოა ინვესტორებს მილიარდობით დოლარი დაუჯდეს. ბანკმენ-ფრიდი სასამართლომ უდანაშაულოდ სცნო.
«საინვესტიციო გუნდსა და უფროსმა მენეჯმენტს, რომლებიც მიღებულ საინვესტიციო გადაწყვეტილებებზე არიან პასუხისმგებელნი, კოლექტიური პასუხისმგებლობა დაეკისრებათ და მათი კომპენსაცია შემცირდება». — განაცხადა Temasek-მა.
უცნობია, თუ რამდენი აშშ დოლარით შეამცირებს Temasek ხელფასებს.
საინვესტიციო ფორნდმა FTX-ში დაფინანსების ორ რაუნდში, 2021 წლის ოქტომბრიდან 2022 წლის იანვრამდე, 210 მილიონი აშშ დოლარის და შემდეგ კიდევ 65 მილიონი აშშ დოლარის ინვესტიცია განახორციელა.
გასულ წელს, სახელმწიფო საკუთრებაში არსებულმა ფონდმა განაცხადა, რომ ამ ინვესტიციების განხორციელებამდე კრიპტოვალუტის ბირჟის შეფასებაზე რვა თვე დახარჯა. ეს პროცესი აუდიტირებული ფინანსური ანგარიშების განხილვას მოიცავდა, «რომელმაც აჩვენა, რომ ის მომგებიანია».
2022 წლის მარტის მდგომარეობით, Temasek-ის ღირებულება 298 მილიარდ აშშ დოლარზე მეტი იყო — ასე რომ, ფული, რომელიც მან კრიპტოვალუტის პლატფორმაში ჩადო, მისი ინვესტიციების მცირე პროცენტს შეადგენდა.
თუმცა, სინგაპურის ვიცე-პრემიერმა, ლოურენს ვონგმა დეკემბერში განაცხადა, რომ Temasek-ის ზარალმა ფონდის რეპუტაციას ზიანი მიაყენა.
«ფაქტი, რომ სხვა წამყვანმა გლობალურმა ინსტიტუციონალურმა ინვესტორებმა, როგორიცაა BlackRock და Sequoia Capital, ასევე განახორციელეს ინვესტიცია FTX-ში, სიტუაციას არ ამსუბქებს». — დასძინა ვონგმა, რომელიც ასევე ქვეყნის ფინანსთა მინისტრიცაა.
სინგაპურის კრიპტო ამბიციები FTX-ის კოლაფსით შეირყა. FTX-მა, რომელიც ერთი წლის წინ 32 მილიარდ დოლარად იყო შეფასებული, ნოემბერში გაკოტრებისგან დაცვა მოითხოვა. ცნობილია, რომ მომხმარებლის 8 მილიარდი აშშ დოლარის სახსრები აკლიათ.
ბანკმენ-ფრიდი კრიპტოვალუტის ინდუსტრიაში ერთ-ერთი ყველაზე პოპულარული ფიგურა იყო, რომელიც თავისი პოლიტიკური კავშირებით, ცნობილ ადამიანებთან ურთიერთობებითა და სკანდალებით გამოირჩეოდა.
აშშ-ის ფედერალურმა პროკურორებმა ბანკმენ-ფრიდი FTX-ის მომხმარებლებისგან მილიარდობით დოლარის მოპარვაში დაადანაშალეს. როგორც ცნობილია, სემს თავის მეორე კომპანიაში, Alameda Research-ში ვალების გადახდა სურდა.
დეკემბერში, პროკურორებმა ბანკმენ-ფრიდის წინააღმდეგ სისხლის სამართლის 8 ბრალდება გამოაცხადეს. მათ შორის თაღლითობისა და ფულის გათეთრების ბრალდებები. მარტში მას კიდევ ხუთი ბრალდება დაემატა.
FTX-ის თანადამფუძნებელ გარი ვანგსა და Alameda-ს ყოფილ ხელმძღვანელს კეროლაინ ელისონს, ბრალი კომპანიის კოლაფსში მათი სავარაუდო როლის გამო წაუყენეს.
ბენკმენ-ფრიდი დეკემბერში ბაჰამის კუნძულებზე დააკავეს, სადაც ის ცხოვრობდა.
