ინფლუენსერი — მომხმარებელი, რომელმაც მოიპოვა სანდოობა კონკრეტულ ინდუსტრიაში, აქვს წვდომა შესაბამის აუდიტორიაზე და შეუძლია დაარწმუნოს სხვები, იმოქმედონ მათი რეკომენდაციების საფუძველზე.
Echolize კომპანიაა, რომელიც ბიზნესებს მათთვის შესაფერისი ინფლუენსერის პოვნაში ეხმარება. ინფლუენსერ მარკეტინგი ამ ეტაპზე მსოფლიოში კარგად ნაცნობი მარკეტინგული გათვლაა და პოპულარობა ქართულ ბაზარზეც მოიპოვა.
ინფლუენსერი — მომხმარებელი, რომელმაც მოიპოვა სანდოობა კონკრეტულ ინდუსტრიაში, აქვს წვდომა შესაბამის აუდიტორიაზე და შეუძლია დაარწმუნოს სხვები, იმოქმედონ მათი რეკომენდაციების საფუძველზე.
Echolize კომპანიაა, რომელიც ბიზნესებს მათთვის შესაფერისი ინფლუენსერის პოვნაში ეხმარება. ინფლუენსერ მარკეტინგი ამ ეტაპზე მსოფლიოში კარგად ნაცნობი მარკეტინგული გათვლაა და პოპულარობა ქართულ ბაზარზეც მოიპოვა.
Echolize-ის შექმნის იდეა 2019 წელს გაჩნდა. მას შემდეგ კომპანია აქტიურად ვითარდება. Echolize-ს შესახებ მისი აღმასრულებელი დირექტორი, გიორგი თუშურაშვილი გვესაუბრება.
«ინფლუენსერ მარკეტინგის მიმართულება ძალიან აქტუალური იყო ამერიკასა და ევროპაში. ჩვენ გვინდოდა, იგივენაირი სერვისი შეგვეთავაზებინა მომხმარებლისთვის საქართველოში». — ამბობს გიორგი.
Echolize-ის მთავარი ამოცანაა ინფლუენსერ მარკეტინგის მაქსიმალური შედეგიანობა მომხმარებლებისა და ბრენდისთვის.
«ამისთვის მნიშვნელოვანია, პროცესი იყოს დამოკიდებული მონაცემებზე დაფუძნებული გადაწყვეტილებების მიღებაზე და არა იმაზე — პირადად რა მოგვწონს. მონაცემები თვითონ გვეუბნება, ვინ არის იდეალური ინფლუენსერი ჩვენთვის».
ინფლუენსერების შერჩევის პრინციპზე გავლენას მათი ასაკი, გამომწერების რაოდენობა, ლოკაცია, გამომწერების ასაკი, ჩართულობა და მათი კონკრეტულ ბრენდთან შესაბამისობა ახდენს.
«შეიძლება არ იყოს ადამიანი ყველაზე მეტი გამომწერით. შეიძლება მუშაობდეს რაღაც ნიშური მიმართულებით, მაგალითად, ჰყავდეს 2000-5000 ფოლოვერი, მაგრამ იმ კონკრეტული სეგმენტისთვის ძალიან პოპულარული იყოს და შესაბამისად, ბრენდისთვისაც საინტერესო». — ამბობს გიორგი.
მუშაობის პრინციპი შემდეგნაირია: კონკრეტული ბრენდი, რომელსაც სურს კამპანიის წარმოება, უკავშირდება Echolize-ს, რომელიც მისთვის საუკეთესო ინფლუენსერს შეარჩევს.
«მაგალითად, კოკა-კოლა. კოკა-კოლას აქვს უნარი, რომ თავისი პროდუქტის ცნობადობა გაზარდოს და მომხმარებლის თვალში ხვდებოდეს. შესაბამისად, აქვს რაღაც კამპანია, რისი გაკეთებაც უნდა. გვიკავშირდება ჩვენ, ჩვენ ვურჩევთ ინფლუენსერებს და უზრუნველვყოფთ კამპანიის სტრატეგიას, კონტენტის შექმნას, განთავსებას და შემდეგ რეპორტინგს იმის შესახებ, როგორ ჩაიარა ამ კამპანიამ». — ყვება გიორგი.
საქართველოში Echolize-ს ნებისმიერ კომპანიასთან შეუძლია თანამშრომლობა. მისი კლიენტები ძირითადად, B2C კომპანიები არიან, რომლებსაც აქვთ პირდაპირი კომუნიკაცია მომხმარებლებთან.
«სასმელიდან დაწყებული ყველანაირი ბიზნესი, სასტუმრო იქნება თუ რაიმე სხვა — ყველა ჩვენი მომხმარებელია. საქართველოში თუ ხარ აქტიური ბიზნესი და მუშაობ მომხმარებელთან კომუნიკაციაზე, მაშინ ინფლუენსერ მარკეტინგი შეიძლება იყოს საინტერესო შენთვის». — ამბობს გიორგი.
მისივე თქმით, Echolize-ის შექმნის ეტაპზე მთავარ პრობლემას ბრენდების ინფლუენსერ მარკეტინგის საჭიროებაში დარწმუნება წარმოადგენდა.
«თავიდან ყველაზე დიდი სირთულე ალბათ ბრენდების დარწმუნება იყო იმაში, რომ ეს საჭირო და სწორი მიმართულებაა. საქართველოში ჯერ კიდევ არ გვქონდა მოკიდებული ფეხი, შესაბამისად ძალიან ბევრი დრო დაგვჭირდა იმისთვის, რომ აგვეხსნა, ზოგადად რა არის ინფლუენსერ მარკეტინგი, როგორ მუშაობს. დღეს ეს უკვე ყველამ იცის, Echolize-იც ყველამ იცის და შესაბამისად, ბევრად უფრო გამარტივებულია ბრენდებთან კომუნიკაცია». — ყვება გიორგი.
კომპანიის განვითარების კუთხით, გიორგი თუშურაშვილი ამბობს, რომ სურთ ბრენდებს მომავალში სრული მარკეტინგული სერვისი შესთავაზონ.
«კრეატიული ნაწილიდან დაწყებული, რეკლამების განთავსება Facebook-სა და სხვა სოციალურ მედიებში და რეალურად სრული სერვისის სააგენტოს კუთხით გვინდა განვითარდეს ჩვენი კომპანია». — ამბობს გიორგი.
ამ ეტაპისთვის Echolize მხოლოდ ქართულ ბაზარზეა ფოკუსირებული.
