ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

რა არის და როგორ დავიწყოთ Affiliate მარკეტინგი

Affiliate marketing მარკეტინგული მოდელია, რომელშიც პარტნიორი (Affiliate) საკომისიო გადასახადს სხვა კომპანიის ან პიროვნების პროდუქციის მარკეტინგისთვის იღებს. პარტნიორი უბრალოდ ეძებს და იკვლევს იმ პროდუქტს, რომელიც მოსწონს, შემდეგ მას არეკლამებს და  ყოველი გაყიდვიდან მოგების წილს იღებს. გაყიდვები პარტნიორული ლინკებით ერთი ვებ გვერდიდან მეორეზე ანგარიშდება.

კომენტარის დატოვება
რა არის და როგორ დავიწყოთ Affiliate მარკეტინგი

Affiliate marketing მარკეტინგული მოდელია, რომელშიც პარტნიორი (Affiliate) საკომისიო გადასახადს სხვა კომპანიის ან პიროვნების პროდუქციის მარკეტინგისთვის იღებს. პარტნიორი უბრალოდ ეძებს და იკვლევს იმ პროდუქტს, რომელიც მოსწონს, შემდეგ მას არეკლამებს და  ყოველი გაყიდვიდან მოგების წილს იღებს. გაყიდვები პარტნიორული ლინკებით ერთი ვებ გვერდიდან მეორეზე ანგარიშდება.

Affiliate მარკეტინგი ბიზნესებს საშუალებას აძლევს, თავიანთ მარკეტინგულ მიზნებს დაბალ ფასად მიაღწიონ.  Affiliate შემოსავლის გენერირება პლატფორმის განვითარებასა და ონლაინ აუდიტორიის შექმნას მოითხოვს. გარდა ამისა, აუცილებელია affiliate მარკეტინგის ინდუსტრიის ტენდენციებს კარგად იცნობდეთ.

მაგალითად, Affiliate Insider-ის თანახმად, ხელოვნური ინტელექტი (AI) და ღრუბლოვანი პროგრამული უზრუნველყოფა მნიშვნელოვან როლს ითამაშებს იმაში, თუ როგორ შეაგროვებენ Affiliate მარკეტოლოგები გადაწყვეტილების მისაღებად მონაცემებს.

რა არის affiliate მარკეტინგი?

Affiliate მარკეტინგი შემოსავლის გაზიარების მარკეტინგული მეთოდია, რომლის დროსაც მესამე მხარის affiliate კომპანია, როგორიცაა ბლოგერი, იუთუბერი ან გავლენიანი პირი, კონკრეტული ბიზნესის მიერ წარმოებულ საქონელს ან მომსახურებას არეკლამებს, რათა მათ გაყიდვების ან მარკეტინგის მიზნების მიღწევაში დაეხმაროს. ბიზნესმა affiliate-სთან შემდეგი მიზნების მისაღწევად შეიძლება იმუშაოს:

  • გაყიდვების გაზრდა;
  • დამატებითი ვებ ტრაფიკის მოზიდვა;
  • ბრენდის ცნობადობის გაზრდა;
  • affiliate აუდიტორიაზე გასვლა. 

მაგალითად, ფეხსაცმლის კომპანიას შეუძლია, ფიტნეს ბლოგერთან ითანამშრომლოს, რათა დამატებით აუდიტორიაზე გავიდეს და ბრენდის ცნობადობა გაზარდოს. ბლოგერთან თანამშრომლობით, ფეხსაცმლის კომპანია დამატებით ვებ ტრაფიკს იზიდავს და გაყიდვებსაც ზრდის. ზოგიერთი ახალი კლიენტი შეიძლება გრძელვადიანი მომხმარებელი გახდეს.

რაც affiliate მარკეტინგს მიმზიდველს ხდის არის ის, რომ ბიზნესს affiliate-სთან პარტნიორობა დაბალ ფასად შეუძლია. როგორც წესი, ბიზნესი affiliate პარტნიორებს ისეთ კომპენსაციას სთავაზობს, როგორიცაა:

  • საკომისიოები (გაყიდვების პროცენტი);
  • უფასო პროდუქტები;
  • ექსკლუზიური ჯილდოები;
  • ტრენინგზე ან განათლებაზე წვდომა.

როგორ მუშაობს Affiliate მარკეტინგი?

იმისათვის რომ პროდუქტი ან სერვისი გაყიდოს, მარკეტერს რეალურად პროდუქტის ან სერვისის წარდგენის სხვადასხვა მეთოდებს შორის შეუძლია საუკეთესო და ყველაზე რელევანტური აირჩიოს. ეს შესაძლოა იყოს მეგობრებისათვის პროდუქტის შესახებ ინფორმაციის მიწოდება,  საკუთარ სოციალურ გვერდზე ამ პროდუქტისთვის რეკომენდაციის გაწევა, ბლოგისა და სტატიების შექმნა, Facebook ჯგუფებში გაზიარება და Facebook რეკლამების გაშვება. 

Affiliate მარკეტინგი ოთხ მთავარ აქტორს მოიცავს, რომლებიც თითოეული მარკეტინგის პროცესში უდიდეს როლს თამაშობენ — აფილირებული პირი, მერჩანტი, ანუ გამყიდველი, ეფილიეით ქსელი და მომხმარებელი.

Affiliate-ის სავაჭრო ობიექტებთან დაკავშირება Affiliate მარკეტინგის პროგრამების საშუალებით შეუძლია. პროგრამის მეშვეობით თავდაპირველი კავშირის დამყარების შემდეგ, Affiliate-ს შეუძლია სხვა merchant (ვაჭრები) მოძებნოს და თანდათან კონკრეტულ ინდუსტრიაში ბრენდის პარტნიორების ფართო ქსელი შექმნას. 

Affiliate მარკეტინგის მაგალითები

სავარაუდოდ, შვილობილი მარკეტინგის მაგალითები გინახავთ, მაშინაც კი, თუ ამას ვერ მიხვდით. მიზეზი მარტივია: ყველაზე ეფექტური Affiliate მარკეტინგი, როგორც წესი, ხარისხიან კონტენტთან არის შერწყმული, რომელიც მკითხველს სიამოვნებს და მას სასარგებლოდ მიიჩნევს. მიუხედავად იმისა, რომ სხვადასხვა პროდუქტის პოპულარიზაცია შეიძლება მაცდური იყოს, affiliates, რომლებმაც საკუთარი აუდიტორიის ნდობა მოიპოვეს, ხარისხიან პროდუქტებს უჭერენ მხარს.

Affiliate მარკეტინგის რამდენიმე გავრცელებული მაგალითია:

ვებსაიტები, რომლებიც ზოგად თემებს მოიცავს, სადაც შიგადაშიგ ბლოგ პოსტებში ან სტატიებში affiliate ბმულებს ვხვდებით. მაგალითად, affiliate Kitchen Essentials-ის ამ სიაში, რომელიც სამზარეულოზე ორიენტირებული ვებსაიტის, Kitchn.com-ის მიერ არის შედგენილი.

YouTube ვიდეოები, რომელთა აღწერაშიც affiliate ბმულებს ვხვდებით, როგორიცაა, მაგალითად, MKBHD-ის «My Every Day Tech 2022«-ის ვიდეოზე მიმაგრებული ლინკები.

Affiliate მარკეტერის შემოსავალი

Affiliate-ის შემოსავალი ძალიან ცვალებადია და ხშირად შეიძლება წლიდან წლამდე მერყეობდეს. გარდა ამისა, affiliate მარკეტერს ონლაინ აუდიტორიის შესაქმნელად და მოგების მისაღებად შეიძლება დრო დასჭირდეს.

გთავაზობთ, ხელფასის საშუალო მაჩვენებლებს 2023 წლის აგვისტოს მდგომარეობით, სხვადასხვა საიტების მიხედვით:

ZipRecruiter: $72,969 

Payscale: $55,829 

Glassdoor: $49,847 

როგორ დავიწყოთ affiliate მარკეტინგი?

ეს ყველაფერი მიმზიდველად ჟღერს და ალბათ, უკვე გექნებათ კითხვა თუ როგორ შეიძლება გახდეთ წარმატებული Affiliate მარკეტერი, რომელიც შემოსავალს ძილის დროსაც კი იღებს — არ არის დამოკიდებული ადგილმდებარეობაზე და მუშაობს იმ პროდუქტების წარდგენაზე, რომელიც კონკრეტული საზოგადოების ჯგუფისთვის  მართლაც საჭიროა.

მზად ხართ თქვენი მოგზაურობის დასაწყებად? მიჰყევით ქვემოთ მოცემულ ნაბიჯებს პროცესის გასამარტივებლად.

1. აირჩიეთ შენი ნიშა

Affiliate მარკეტერები სავაჭრო ობიექტებისთვის ღირებულნი არიან, რადგან მათ პოტენციური მომხმარებლებისგან დაკომპლექტებულ, კონკრეტულ აუდიტორიამდე მიღწევა შეუძლიათ. რაც უფრო უკეთ განსაზღვრავთ თქვენს ნიშას, მით უფრო ადვილი იქნება affiliate პლატფორმისა და ორიგინალური კონტენტის შექმნა, რომელიც თქვენი აუდიტორიის საჭიროებებს მოერგება და დააკმაყოფილებს.

იდეალურ შემთხვევაში, ნიშა, რომლის ირგვლივაც მთელ პროცესს აყალიბებთ, თქვენს ინტერესებს უნდა ეხებოდეს. სანამ იდეებზე ფიქრობთ, Google Trends-ის დახმარებით კვლევა ჩაატარეთ, რათა გაარკვიოთ, თუ რას ეძებენ ადამიანები ინტერნეტში, რაც შეიძლება თქვენს თემასთან დაკავშირებული იყოს.

2. შეარჩიეთ მარკეტინგული არხი, რომელიც თქვენს ნიშას შეესაბამება

როგორც კი თემას, აუდიტორიას და პროდუქტს აარჩევთ, რომელსაც თქვენი ბრენდი მოუმსახურება, თქვენ მარკეტინგული არხის არჩევა მოგიწევთ — იმ სივრცისა თუ პლატფორმის, სადაც პროდუქტის პოპულარობის გაზრდაზე იზრუნებთ.

მიუხედავად იმისა, რომ სპეციალიზირებული მიმოხილვის ვებსაიტის შექმნა, როგორიცაა OutdoorGearLab, პოპულარული მიდგომაა, თქვენ ასევე შეგიძლიათ, affiliate მარკეტინგი სოციალური მედიის პლატფორმებზე გააკეთოთ, როგორიცაა Instagram. პროცესში შეიძლება აღმოაჩინოთ, რომ ერთი არხი უფრო შესაფერისია თქვენი შვილობილი მარკეტინგის მიზნებისთვის, ვიდრე სხვები.

ყველაზე პოპულარული სოციალური მედიის პლატფორმებია Facebook, Instagram, Twitter და YouTube.

3. გააფართოვეთ თქვენი ქსელი

წარმატებული affiliate მარკეტინგის პლატფორმის შექმნას დრო და თავდადება სჭირდება. თუმცა, თქვენი საერთო აუდიტორიის მოცულობის გასაზრდელად, ციფრული მარკეტინგის მიდგომების ნაზავის გამოყენება სასარგებლოა, მათ შორის:

  • კონტენტ მარკეტინგი
  • საძიებო სისტემის ოპტიმიზაცია (SEO)
  • სოციალური მედიის მარკეტინგი
  • ელ.ფოსტის სიები

მაგალითად, შეიძლება აღმოაჩინოთ, რომ ელ.ფოსტის სიებისა და SEO შინაარსის ერთობლიობა თქვენს მარკეტინგულ ძალისხმევას უფრო ეფექტურად აუმჯობესებს, ვიდრე რომელიმე მათგანი დამოუკიდებლად.

Affiliate მარკეტინგთან დაკავშირებული რჩევები

როდესაც affiliate მარკეტინგის ბიზნესის შექმნას იწყებთ, მიჰყევით ამ რჩევებს თქვენი ძალისხმევიდან მაქსიმუმის მისაღებად.

შეისწავლეთ მარკეტინგული სტრატეგიები

Affiliate მარკეტინგის უახლესი სტრატეგიების გაცნობა, საშუალებას მოგცემთ თქვენი დრო და რესურსები მაქსიმალურად გამოიყენოთ და საბოლოოდ მეტი შემოსავალი მიიღოთ. 

ყურადღება მიაქციეთ ჯილდოებს, რომლებიც შეგიძლიათ, მიიღოთ

Affiliate საინფორმაციო დაფა ვებ-ზე დაფუძნებული ინტერფეისია, რომელსაც affiliate პარტნიორი ან პროგრამა გთავაზობთ, რათა ნახოთ, როგორ მუშაობს თქვენი კამპანიები, რას გამოიმუშავებთ, აკონტროლოთ თქვენი შემოსავალი და გადახდები და სხვა.

ჩამოაყალიბეთ ძლიერი ურთიერთობები

იმის გათვალისწინებით, რომ affiliate მარკეტინგი ურთიერთობებთან არის დაკავშირებული, აუცილებელია, რომ ამ მხრივ გაძლიერდეთ. ამის გაკეთება ბრენდების უახლესი მოვლენების, პროდუქტებისა და ინიციატივების შესახებ განახლებით შეგიძლიათ, რათა თქვენი აუდიტორიისთვის ზუსტი ინფორმაციის მიწოდება შეძლოთ.

რა არის დროფშიფინგი და როგორ დავიწყოთ ის — 6 ნაბიჯი
რა არის დროფშიფინგი და როგორ დავიწყოთ ის — 6 ნაბიჯი
თემის მიხედვით
რა არის დროფშიფინგი და როგორ დავიწყოთ ის — 6 ნაბიჯი
ლევან მოლაშვილი და ელექტრონული მარკეტინგის ასოციაცია E-commerce-ის სწავლაში დაგეხმარებათ
ლევან მოლაშვილი და ელექტრონული მარკეტინგის ასოციაცია E-commerce-ის სწავლაში დაგეხმარებათ
თემის მიხედვით
ლევან მოლაშვილი და ელექტრონული მარკეტინგის ასოციაცია E-commerce-ის სწავლაში დაგეხმარებათ


ასევე წაიკითხეთ
როგორ გავხდეთ შესამჩნევი და შევქმნათ პერსონალური ბრენდი, რომელიც წინსვლაში დაგვეხმარება
როგორ გავხდეთ შესამჩნევი და შევქმნათ პერსონალური ბრენდი, რომელიც წინსვლაში დაგვეხმარება
როგორ გავხდეთ შესამჩნევი და შევქმნათ პერსონალური ბრენდი, რომელიც წინსვლაში დაგვეხმარება
როგორ გავხდეთ შესამჩნევები პროფესიულ საზოგადოებაში, მოვიპოვოთ აუდიტორიის ნდობა, ავაწყოთ ნეთვორქინგი და ეს ყველაფერი შემოსავლად გარდავქმნათ? — გიყვებით და გიზიარებთ წამყვანი ექსპერტების რჩევებს ამ ყველაფრის შესახებ.
Viber: როგორ მოვიზიდოთ მომხმარებლები და გავზარდოთ გაყიდვები საკომუნიკაციო აპლიკაციებით
Viber: როგორ მოვიზიდოთ მომხმარებლები და გავზარდოთ გაყიდვები საკომუნიკაციო აპლიკაციებით
Viber: როგორ მოვიზიდოთ მომხმარებლები და გავზარდოთ გაყიდვები საკომუნიკაციო აპლიკაციებით
19 ნოემბერს Ad Summit Tbilisi 2023 გაიმართება
19 ნოემბერს Ad Summit Tbilisi 2023 გაიმართება
19 ნოემბერს Ad Summit Tbilisi 2023 გაიმართება
STORI — ქართული AI აპლიკაცია, რომელიც ბრენდირებული კონტენტის შექმნაში დაგეხმარებათ
STORI — ქართული AI აპლიკაცია, რომელიც ბრენდირებული კონტენტის შექმნაში დაგეხმარებათ
STORI — ქართული AI აპლიკაცია, რომელიც ბრენდირებული კონტენტის შექმნაში დაგეხმარებათ
ტექნოლოგიების სფეროს ორ ყველაზე პოპულარულ და საინტერესო განსახილველ საკითხად, ამჟამად, ხელოვნური ინტელექტი და ჩიპები ითვლება. ამ კუთხით პირველობისთვის უამრავი გიგანტი კომპანია იბრძვის, რაც თემის აქტუალურობასა და მნიშვნელობას კიდევ უფრო ზრდის. ლოგიკურია, რომ ბაზარზე უამრავი კომპანია თუ პლატფორმა ჩნდება, რომელიც საკუთარი ბიზნესისთვის ხელოვნურ ინტელექტს იყენებს. სწორედ ასეთი ქართული AI აპლიკაციაა STORI, რომელიც მომხმარებლებს ბრენდირებული კონტენტის შექმნაში ეხმარება.
განხილვა
კომენტარები ჯერ არაა.