მსოფლიოს მეორე უმდიდრესი ადამიანი, Twitter-ის აღმასრულებელი დირექტორი, ილონ მასკი თითქმის ერთი საათის განმავლობაში BBC-ის ტექნოლოგიების კორესპონდენტის, ჯეიმს კლეიტონის კითხვებს, სან-ფრანცისკოში, Twitter-ის შტაბ-ბინაში პასუხობდა.
მსოფლიოს მეორე უმდიდრესი ადამიანი, Twitter-ის აღმასრულებელი დირექტორი, ილონ მასკი თითქმის ერთი საათის განმავლობაში BBC-ის ტექნოლოგიების კორესპონდენტის, ჯეიმს კლეიტონის კითხვებს, სან-ფრანცისკოში, Twitter-ის შტაბ-ბინაში პასუხობდა.
გთავაზობთ მნიშვნელოვან საკითხებს, რომლებზეც ბიზნესმენმა დეტალურად ისაუბრა:
ამ წლის დასაწყისში BBC-სთან საუბრისას, Twitter-ის ზოგიერთი ინსაიდერი ამტკიცებდა, რომ ილონ მასკის სათავეში მისვლის შემდეგ კომპანიას მომხმარებლების ტროლებისგან, დეზინფორმაციისგან და სექსუალური ექსპლუატაციისგან დაცვა აღარ შეუძლია.
მარტში Twitter-მა განაცხადა, რომ მხოლოდ ერთ თვეში 400 000 ანგარიში წაშალა, რათა პლატფორმა გაცილებით უსაფრთხო გამხდარიყო.
მასკის მოსაზრების სწორად შესაფასებლად ორი რამ დაგვჭირდება, რაც სამწუხაროდ ამჟამად არ გვაქვს — წვდომა Twitter-ის მონაცემებზე ილონ მასკამდე და მის შემდეგ. და რაც მთავარია, მკაფიო გაგება იმისა, რა არის მასკისთვის დეზინფორმაცია და სიძულვილის ენა. ამერიკული კანონმდებლობით სიძულვილის ენის აბსოლუტური განმარტება არ არსებობს.
ილონ მასკის თქმით, აშშ-ს ბოლო არჩევნებში ქვეყნის თითქმის ნახევარმა ხმა ტრამპს მისცა, მაგრამ დასძინა: «მე მათ შორის არ ვყოფილვარ. ხმა ბაიდენს მივეცი».
ინტერვიუს სხვა ნაწილში ტრამპისთვის Twitter-ის ანგარიშის აღდგენის გადაწყვეტილება დაიცვა. პლატფორმა აშშ-ის ექსპრეზიდენტს ძალადობის წაქეზებაში ადანაშაულებდა.
ილონ მასკის მტკიცებით, Twitter-ის სათავეში მოსვლის შემდეგ ბოტების განადგურების გადაწყვეტილება მიიღო, რამაც, მისივე თქმით, პლატფორმაზე დეზინფორმაციის გავრცელება შეამცირა.
«ჩემი გამოცდილება იმაზე მეტყველებს, რომ პლატფორმაზე გაცილებით ნაკლები დეზინფორმაცია არსებობს». — განუცხადა მან BBC-ის ჟურნალისტს.
ზოგიერთი ექსპერტი მასკის აზრს არ იზიარებს. Newsguard-ის მიერ ჩატარებულმა კვლევამ, რომელიც ონლაინ დეზინფორმაციას ადევნებს თვალყურს, აღმოაჩინა, რომ ბოტების მიერ დეზინფორმაციის გავრცელება ილონ მასკის მართველობის პერიოდში გაიზარდა
BBC-მ დამოუკიდებლად გააანალიზა 1000-ზე მეტი დაბლოკილი ანგარიში, რომლებიც მასკის მმართველობის პერიოდში დაბრუნდა და აღმოაჩინა, რომ აღდგენის შემდეგ დიდმა ნაწილმა პლატფორმაზე შეურაცხყოფა ან დეზინფორმაცია გაავრცელა.
ილონ მასკის თქმით, Tik-Tok-ს საერთოდ არ იყენებს, თუმცა მისი აკრძალვის წინააღმდეგია.
აშშ TikTok-ის აკრძალვას უსაფრთხოების შეშფოთების გამო განიხილავს. ზოგიერთმა ქვეყანამ პლატფორმა სამთავრობო ტელეფონებზე უკვე აკრძალა.
«მე ზოგადად რაღაცების აკრძალვის წინააღმდეგი ვარ». — თქვა მასკმა, თუმცა დაამატა, რომ აკრძალვა Twitter-ისთვის სასარგებლო იქნება, რადგან ხალხი მის პლატფორმაზე გაცილებით მეტ დროს გაატარებს.
ილონ მასკმა ინტერვიუში განაცხადა, რომ თუ ვინმე Twitter-ის ყიდვას ახლავე შესთავაზებდა, თანაც იმ ფასად, რაც მან გადაიხადა, აუცილებლად უარს იტყოდა.
მისთვის უფრო მნიშვნელოვანია ადამიანი, რომელიც სიმართლეს აფასებს, ვიდრე ის, თუ რამდენს გადაუხდიან. «მე ფული არ მაინტერესებს».
მაგრამ არის ეს სიმართლე? ბიზნესმენი გარიგების ჩაშლას თავიდანვე ცდილობდა.
Twitter-ის ხარჯები მის მიერ გამომუშავებულ შემოსავალს აჭარბებდა. ბოლო სრული წლის შედეგებში, რომელიც მასკის მართველობამდე გამოქვეყნდა, მთლიანმა გაყიდვებმა 2021 წელს 5 მილიარდ დოლარს მიაღწია, ხოლო ხარჯებმა — 5,5 მილიარდ დოლარს. ფაქტობრივად, პლატფორმას 2012 წლიდან მხოლოდ ორი მომგებიანი წელი ჰქონდა.
ის თვლის, რომ Twitter ახლა გატეხვასთან ახლოსაა. გასაკვირი არ არის — 6500 თანამშრომლის გათავისუფლება ხარჯებს ამსუბუქებს.
