სიახლეების განყოფილება მსოფლიო 13 იანვარი 2023, 15:37

Twitter ელექტრონული წერილების სისტემიდან გაჟონვას უარყოფს

Twitter-მა უარყო, რომ ელექტრონული წერილებმა, რომლებიც მისი მილიონობით მომხმარებლის ანგარიშებთანაა დაკავშირებული, ჰაკერული თავდასხმის შედეგად გაჟონა.

კომენტარის დატოვება

Twitter ელექტრონული წერილების სისტემიდან გაჟონვას უარყოფს

Twitter-მა უარყო, რომ ელექტრონული წერილებმა, რომლებიც მისი მილიონობით მომხმარებლის ანგარიშებთანაა დაკავშირებული, ჰაკერული თავდასხმის შედეგად გაჟონა.

პირველ განცხადებაში Twitter-მა დაწერა, რომ მონაცემების მისი სისტემიდან გაჟონვის არანაირი მტკიცებულება არ არსებობს.

ჩანაწერები, სავარაუდოდ, მონაცემთა კრებულია, რომელიც საჯაროდ ხელმისაწვდომი გახდა. კომპანია მომხმარებლებს მოუწოდებდა, ყალბ ელექტრონულ წერილებს სიფრთხილით მოჰკიდებოდნენ.

კომპანია Hudson Rock-მა, რომელმაც ინფორმაციის გაჟონვაზე განგაში პირველმა ატეხა, ამბობს, რომ Twitter-ის არ სჯერა და მის დასკვნებს არ ენდობა.

კიბერდანაშაულის დაზვერვის კომპანიის თანადამფუძნებელმა, ალონ გალმა განაცხადა, რომ იმის გასარკვევად, ამბობს თუ არა Twitter სიმართლეს, აუცილებლად კვლევაა ჩასატარებელი.

«მოვუწოდებ უსაფრთხოების მკვლევრებს, გაჟონილი მონაცემების საფუძვლიანი გამოკვლევა ჩაატარონ და Twitter-ის დასკვნას ყურადღება არ მიაქციონ». — განაცხადა ალონ გალმა.

დეკემბერში ირლანდიის მონაცემთა დაცვის კომისიამ (DPC) განაცხადა, რომ მონაცემთა 5.4 მილიონ ანგარიშთან დაკავშირებულ გაჟონვას იძიებდა.

Twitter ამბობს, რომ ეს იმ მონაცემებს დაემთხვა, რომელიც უსაფრთხოების ხარვეზის გამო გაჟონა. ხარვეზი კი გამოწვეული 2021 წლის ივნისში სისტემის განახლებით იყო.

უფრო ზუსტად, ხარვეზი იმას გულისხმობდა, რომ თუ ვინმე იმეილს ან ტელეფონის ნომერს მოიპოვებდა, გაუმართავი სისტემა მას ანგარიშზე შესვლის უფლებას მისცემდა.

Twitter-მა ხარვეზი გამოიკვლია და გამოასწორა 2022 წლის იანვარში, მაშინ, როცა ამის შესახებ გაფრთხილება მიიღო.

2022 წლის დეკემბერში Hudson Rock-მა ასევე განაცხადა, რომ ჰაკერი, სახელად რიუში ფულის გამოძალვას ცდილობდა, წინააღმდეგ შემთხვევაში Twitter-ის მომხმარებლების მონაცემების გავრცელებით იმუქრებოდა.

რიუშის თქმით, მას 400 მილიონზე მეტ ანგარიშთან დაკავშირებული ტელეფონის ნომრები და ელექტრონული ფოსტების მისამართები ჰქონდა.

Twitter-მა ბრალდება არც ამ შემთხვევაში აღიარა და განაცხადა: «სავარაუდოდ, ეს მონაცემთა კოლექციაა, რომელიც უკვე საჯაროდ ხელმისაწვდომია ონლაინ სხვადასხვა წყაროებიდან.»

Twitter-მა მომხმარებლები გააფრთხილა, ყურადღებით იყვნენ და თქვა, რომ გაჟონილი ინფორმაცია შეიძლება ფიშინგისთვის გამოიყენონ.